فى فيلا اكمل ..استعد اكمل وارتدى بدلته الانيقة الجميلة الكحلى والقميص الابيض الناصع البياض . كان كالفارس الوسيم بطوله وعضلاته وشعره الناعم جدا والكثيف الطويل من الامام والقصير من الجوانب ولحيته السوداء القصيرة وشاربه الاسود الناعم لم تكن دنيا جميلة لحالها فقط انما كان اكمل فى غاية الوسامة . وضع منديل جميل فى جيب بدلته الانيقة ووضع برفانه الغالى جدا جدا و ارتدى ساعته الماركة التى اشتراها من هولندا مخصوص لهذه البدلة كان يخطط لهذا اليوم من مدة واستعد له .
خرج اكمل ونزل وجد اخته وامه فى غاية الفرحة حضنته امه وبكت .
اكمل : ليه البكا دلوقتى ! افرحى ياماما .
تقى بفرحة : الف مبرووك ياحبيبى ماشاء الله قمر .
ادهم دخل عليهم كان يجلس مع حماه فى المكتب يتحدثون . سلم على اكمل وحضنه وهناه .
صبرى نظر لابنه وابتسم وقال : الف مبرووك ياحبيبى .
اكمل حضن ابوه وقاله : من قلبك يابابا !
صبرى ابتسم : من كل قلبى ياحبيبى ربنا يتمم بخير .
كوثر : يالا بينا عشان منتاخرش .
خرجت السيدة امال والعاملات يزغردن ضحك لهم اكمل وقال ،،،ربنا يخليكوا .
امال اقبلت عليه وقالت : حبيبى الف مبرووك ياابنى .
اكمل : انتى مش جاية ولا ايه ياامولة مش عايزة تشوفى العروسة .!
كوثر ردت : كلهم جايين دى فرحتنا كلنا السواق هيوديهم واحنا هنركب العربيات بتاعتنا .
اكمل ،،طب يالا ياجماعة . وخرجوا بالفعل وذهبوا الى القاعة وذهب اكمل الى بيت دنيا وجد سليم ينتظر فى سيارته نزل وسلم عليه واخبره انه ينتظر وعد وامانى .
اكمل : طب تعالى اطلع معايا .
سليم : لا معلش هاستنى هنا اطلع انت ياعريس لعروستك .
اكمل ابتسم وتركه وصعد رن جرس الباب .
فتح معاذ وكان يرتدى بنطلون جينز وتيشيرت وجاكيت . كان وسيما رغم صغر سنه .
معاذ نادى باعلى صوت ،،،العريس جه .
نسرين استقبلته ونايلة بالترحاب والتهانى وجاء الاستاذ احمد وسلم على اكمل كان الاستاذ احمد يرتدى بدلة رصاصى انيقة وشيك جدا ..
خرجت البنات واحدة تلو الاخرى سلمن على العريس وباركوا له .
اكمل : امال فين العروسة ياجماعة !
معاذ : ثانية واحدة وغمض عينك ..ضحك الجميع على معاذ .
أكمل : ضرورى يعنى !
معاذ : مش هادخل اجيبهالك الا لما تغمض عينك .
اكمل بقلة حيلة : ماشى ياعم اهو وغمض عينه فعلا . دخل معاذ واحضر دنيا وخرجت تمسك بايده رات اكمل فى بدلته الجديدة فارسها وحبيبها وسيكون زوجها .
معاذ : فتح عينك ..
اكمل فتح عينه وتسمر مكانه عندما راى دنيا امامه على مسافة تقف كالملاك فعلا بفستانها وجمالها وحجابها وزينتها الهادئة جدا كانت ملاكا يقف على الارض ابتسمت له .
ذهب ذهب اليها وقال وهو مذهول بجمالها ،،،انتى بجد هتبقى مراتى انهاردة دا حقيقى ولا دة حلم .!
أنت تقرأ
سباق المشاعر
عاطفيةاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
