كان اكمل يمسك فى ياقة الرجل حتى كاد ان يختنق وخلصه من يده الضابط وبعض العساكر . وسمع صوت ابوه يقول ،،،سيبه يااكمل .
اكمل نظر لمكان الصوت وجد ابوه ومعه الاستاذ احمد . أكمل ترك الرجل وذهب وحضن ابوه والاستاذ احمد وساله احمد : دراعك عامل ايه !
اكمل : بخير اطمن انتوا جيتوا ازاى !
الظابط رحب بالمستشار كثيرا وقال : اتفضل يامعالى المستشار كان الرجل ابو احد الشباب يقف ويأخذ نفسه
احمد : كنت ماسك فى الراجل دة ليه يااكمل .!
اكمل نظر للرجل بغضب وقال : انت مفكر انى هاسيبهم العيال دى تبقى غلطان داانا هاعلمهم الادب لسه مادام مااتعلموش الادب ولا الدين ولا التربية .
الظابط : اكمل بيه القانون هيعاقبهم اطمن .
اكمل بغضب : وبعد ما هيتعاقبوا هيطلعوا من السجن هاكون انا مستنيهم عشان اربيهم هما مش عارفين وقعوا مع مين .
الظابط للرجل : ارجوك اتفضل شوف لابنك محامى كبير القضية مش سهلة ابدا .نظر لهم الرجل بغضب وخرج .
أكمل للظابط : متشكر ياافندم ممكن نمشى ! . وجه مامور القسم ورحب بالمستشار والاستاذ احمد .
صبرى : اهلا ياحضرة المامور .
المأمور : اعتقد كدة المحضر هيروح النيابة حالا يعنى يااكمل بيه النيابة هتستدعيك انهاردة والمدام لاخذ اقوالك .
أكمل : وانا جاهز ياافندم وشكرا لحضراتكم بس المدام تعبانة شوية للاسف .مش هاقدر اجيبها .المستشار،،،،الف شكر يافندم .واخذ احمد واكمل وخرج .
أكمل خارج القسم : انتوا جيتوا ازاى فهمونى .!
احمد ضحك : ابدا اتفقنا مع بعض .
صبرى : قصدك الستات اتفقوا مع بعض ...اكمل ضحك : اه طيب .
احمد ضحك هو وصبرى وقال : على فكرة امك وحماتك مع دنيا يالا نروح لهم .
وركبوا السيارة وذهبوا للفندق دخلوا الى جناح اكمل وشكر حارسا الامن وذهبوا .دخل وجد دنيا تجلس بين كوثر التى تمسك يد ونسرين التى تمسك يد دنيا الاخرى ومعاذ يجلس امامهم على كرسى وينظر لهم .
اكمل سلم على معاذ وحضنه وقال : الجماعة دول ماسكين دنيا كدة ليه .
معاذ ،،مش قلتلك قبل كدة ستات ياراجل ستات. اكمل ضحك وذهب وسلم على امه وحضنها وسلم على نسرين وحضنها وقالت : انت كويس يااكمل. !،
كوثر ،بلهفة ام على ابنها : حبيبى طمنى عليك .
اكمل : والله ياجماعة مش قلتلكم احنا بخير غلبتوا نفسكوا ليه بقة .
كوثر : يعنى مش نطمن عليكوا ياابنى .
احمد : والحمد لله اطمنتوا نسيبهم بقة يرتاحوا .وقفت نسرين وكوثر قالت ،،احنا حجزنا اوضتين هنا ليا انا و بابا واوضة للاستاذ احمد .
اكمل : معرفكمش انا هاتفسح انا ومراتى كل واحد يفسح مراته ياجماعة انا عريس فى شهر العسل .
كوثر ضربته على صدره وقالت : واحنا مالنا ومالك ماتاخد مراتك وتفسحها براحتكم وانا جوزى هيفسحنى .نسرين ردت، : وانا كمان جوزى هيفسحنى .
معاذ يمزح معهم ويسخر منهم ،،،وانا كمان جوزى هيفسحنى . ضحك الجميع على معاذ
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
