سباق المشاعر

الخامس .....العيلة الكبيرة

فى منزل تقى .
كانت تقى تجلس فى غرفة الصالون تنظر للتلفاز   وهى سيدة جميلة جدا رقيقة ذات ٢٨ عاما خريجة الجامعة الامريكية تزوجت من ادهم السمرى مدير النيابة  رجل وسيم للغاية  من احسن عائلة ، عبد الهادى جوز ثريا يكون خاله  تقدم لتقى وتزوجا سريعا  ادهم عمره حاليا ٣٥ عاما ..وانجبوا رنا ٤ سنين ويوسف سنتين . عاد ادهم من العمل
ادهم بارهاق جلس بجانب تقى : ازيك عاملة ايه ياتقى امال الولاد فين !
تقى : فى اوضتهم بيلعبوا  اخبارك ايه كان يومك عامل ايه .!
ادهم مرهق جدا رجع للخلف : كان فى شغل كتير النهاردة محاضر ومحامين حاجة صعب جدا . عاملة ايه عالغدا .!
تقى ،،،،عملنا مكرونة وفراخ سبيسى  وبانيه .
ادهم : طب حضرى الاكل على ماغير هدومى . دخل ادهم واغلق الباب خلفه وجلس يتفقد هاتفه  وجد الرسالة التى كان ينتظرها فرح جدا وارسل هو الاخر رسالة ..
نادت تقى على السيدة التى تساعدها فى المنزل .
تقى : حضرى الغدا من فضلك  ..وبقيت تقى شاردة تفكر فى شئ ما لكنها غير سعيدة بالمرة  .وقفت وذهبت لغرفتها لترى ماذا يفعل ادهم .
دخلت تقى وجدت ادهم يبتسم وهو يمسك هاتفه  يراسل احدا ما .

ارتبك ادهم عندما دخلت تقى  : جهزتى الغدا ياحبيبتى !
تقى تعلم جيدا ماذا يفعل ادهم وقفت امامه : انت لسه ما غيرتش هدومك هو التليفون دة اهم من الاكل !
ادهم ترك هاتفه ووقف وقال : لأ بس دة شغل مهم انا ثانية واحدة  واكون جاهز اسبقينى انتى .
تقى جلست على الكرسى ولعبت فى شعرها : شغل ياادهم !
ادهم وهو يبدل ملابسه نظر لها وقال : اه طبعا امال انتى فاكرة ايه  ارتدى ملابس بيتية مريحة وذهب وجلس بجوارها ولعب بشعرها ونظر بعيونها وقال : هو لازم الاكل دلواتى  مانستنى شوية .
تقى بدلع : نستنى ليه !
ادهم جذبها لحضنه  و نظر لعيونها : انتى انهاردة حلوة زيادة ياتقى  .
تقى : والله ! انا حلوة كل يوم ياادهم بس انت مش شايف دة .
ادهم : انتى احلى واحدة فى الدنيا سكى على الاكل تعالى عايزك فى موضوع مهم ...

ذهب اكمل وسليم الى مطعم وجلسوا .
اكمل : احكيلى بقة ياسيدى ايه حكايتك ،
سليم : مفيش ياابنى بس بفكر  اكمل نص دينى كفاية بقة عزوبية لحد كدة  .
اكمل ابتسم : فى حد فى دماغك يعنى ولا قصة حب يانمس .
سليم : فى حد ومش قصة حب ولا حاجة بس انا حاسس بحاجة كدة بتقول هى دى .
أكمل : بيحصلك كهربه وكدة ومش عايز تسيبها عايز تشوفها على طول وكدة .
سليم ضحك : يعنى حاجة زى كدة .مش بالظبط .
اكمل : طب وهى نفس مشاعرك !
سليم : مش عارف  يارب يكون دة احساسى .
أكمل : ادخل بقلب جامد انت ياض سليم الشافعى ابن الحاج رضوان الشافعى  صاحب عزبة الشافعى بالبحيرة .

سليم : ربنا يسهل قريب قوى الموضوع جد جدا .
اكمل : المهم تكون حد على نفس مستوى تفكيرك وثقافتك و الا هتتعب قوى .
سليم : لا اطمن من الناحية دى دى من الأوائل وملتزمة ومحترمة جدا .
اكمل نط فى دماغه دنيا هى المقصودة فزع وقال : اوعى يكون اللى فى دماغك دنيا احمد طاهر .
ضحك سليم وقال : لأ اطمن صاحبتها وعد لكن خد هنا يالا انت مالك ومالها  دنيا وصحابها دول مش من البنات اياهم  دول ملتزمين .
اكمل رجع لطبيتعه  : لأ  مش قاصدى ماانا عارفهم انا عارف دنيا وابوها محامى عقر و عرفتهم عن قرب ..
سليم : قولى يااكمل  دنيا فى دماغك !
أكمل تنهد بحرارة وتذكر  ما فعلاه ابواه .
سليم : مالك يااكمل  فيك حاجة متغيرة  .
اكمل : ابويا وامى خطبولى سوزى بنت عمتى ومعرفتش اهرب منهم  .
سليم : الله يخربيتك وهتطلع من الموضوع دة ازاى . دى بنت عمتك وازاى تسيب الموضوع يوصل للخطوبة  اتا عارف ابوك مش هيسيب الموضوع غير لما يخلصه .