سباق المشاعر

الثانى والعشرين .....بيتزا وكانز

احمد اتصل على فارس ليسال عن جيهان .
فارس : السلام عليكم اهلا يااستاذ .
احمد : وعليكم السلام ازيك يافارس بيه .
فارس : العفو يااستاذ احمد . بيه ايه بس .
احمد : حقك المهم اخبار النتيجة ايه بتاعة جيهان .!
فارس : الحمد لله جيد .
احمد : الف مبرووك يابنى باركلها لما تشوفها وقولها عقبال الترم التانى .
فارس : للاسف مش هاشوفها غير بعد ١٥ يوم انا فى الشغل فى شرم عندى مهمة .
احمد : ليه خير !
فارس : ابدا مباحث المخدرات مركزة على المهربين اليومين دول ادعيلنا .
احمد : ربنا معاك ويرجعك بالسلامة يارب .
فارس : يارب ..
احمد : ابقى سلملى عليهم وسلم واغلق الهاتف ..

واتصل على نسرين ..
نسرين بفرحة : اهلا  اهلا
احمد ضحك : مبسوطة صح !  باين عليكى .
نسرين : طبعا ماتتخيلش فرحتى دلوقتى لما دنيا كلمتنى عقبال الترم التانى .
احمد : يارب ..اسمعى الاستاذ أكمل عزمهم على بيتزا فى المكتب وانا كمان هاعزمكم انتوا كمان انتى ومعاذ متعمليش اكل النهاردة .
نسرين : انا عرفت بس مش غريبة دى الاستاذ يعزمهم يااحمد .
احمد ::عادى ياستى فرحان بيهم ..
نسرين : ماشى ياعم عادى بس ماتنساش دنيا بردة .
احمد : ماهى هتاكل فى المكتب .
نسرين : يمكن تتكسف تاكل قدامهم اعمل حسابها بردة .
احمد : ماشى يالا سلام ..واغلق الهاتف ..

فى المكتب .
حضر العمال البيتزا وسلموا  العلب لعمال المكتب والموظفين . وسارة ذهبت وبحثت عن الخاصة بدنيا والاستاذ اكمل لانهم نفس النوع . اخذت العلبتين وذهبت لدنيا واعطتها الخاصة بها والكانز الخاص بها وصى اكمل على نوع خاص لها وله . وذهبت سارة بالعلبة الخاصة باكمل ..
وأكمل : سارة دنيا اخدت بتاعها !
سارة : ايوة واديتهالها بنفسى والكانز كمان ..استاذنت وخرجت .
اكمل : يارب  دة يفرحها . وبدأ ياكل من البيتزا كان يود ان يذهب ليأكل معهم لكن فكر ان دنيا ستحرج للغاية .ولن تاكل ..دخل عماد وعادل ..

عادل : ايه حكاية البيتزا دى .!
اكمل لعماد  : كويس انك جيت هنا .
عماد : قولت اسيب البنات ياكلوا براحتهم .
اكمل  : احسن حاجة عملتها
عادل اخذ قطعة من علبة اكمل : وانا يابنى !
أكمل : هو انت كنت هنا كل معايا ..
عادل ياكل : هاعمل كدة دى بيتزا يابنى .
عماد : كل معايا ياعادل ..
عادل  : امال من هنا حتة ومن هنا حتة واخذ من علبة عماد ..
أكمل انتهى من الاكل وفتح علبة الكانز الخاصة به كانت من النوع الغالى جدا وصا له ولدنيا فقط وتمنى ان تعجبها ..
دنيا كانت تاكل البيتزا وهى سعيدة تضحك هى وتالا ثم انتهت وفتحت الكانز ولاحظت انها غير الكل فتحتها وبدات تشرب منها وابتسمت .

تالا : والله بابا وماما عمرهم ما فرحوا بيه كدة .
دنيا : مش مهم ، المهم انهم موجودين معاكى ياتالا انتى متعرفيش حال اى بنت فقدت ابوها او امها بيبقى حالهم عامل ازاى الله اعلم بيهم انتى بس مش شايفة حبهم ليكى دلوقت عشان موضوع اسلام لكن اى اب وام بيحبوا ولادهم وربنا وصانا عليهم فى القرأن الكريم فى اكتر من ايه . اعملى اللى عليكى معاهم وراضى ربنا فيهم حتى لو هما وحشين اعملى اللى عليكى وبس ناحيتهم وسيبى الحساب ليوم الحساب . تمام !