سباق المشاعر

التاسع والعشرون ،،،،صدفة غريبة لكن جميلة

دنيا فى الصباح كلمت امانى ووعد وعرفتهم انها مسافرة مع خالتها شرم كام يوم .
استعدت دنيا وارتدت بنطلون وقميص كاروهات واسع وارتدت الكوتشى الخاص بيها وطرحتها وخرجت .

احمد : يالا جهزتى ! كلمى خالتك تجهز عشان نعدى عليها .
دنيا : كلمتها وهى مستنيانا .
نسرين بحزن : هتوحشينى انتى ومعاذ ،
دنيا حضنتها وقالت ،،هى دى مش فكرتك اوعى تزعلى .
احمد ،،يالا ياجماعة هنتاخر . واخذ شنطة دنيا ودنيا تحمل على ظهرها حقيبة صغيرة وذهبوا الى الاوتوبيس . قابل نايلة وسلم عليها وقالها ،،،،خدى بالك منها يانايلة .
نايلة : متخافش يامتر دى بنوتى انا . مش بنتكوا انتوا .
احمد ضحك ،،ماشى اوعى حد يضايقها .
دنيا ،،يضايق مين دة !

نايلة : يالا يالمضة عشان الباص هيطلع .
دنيا تمزح معها : معاكى التذاكر ولا ايه !
نايلة : يالا بس وركبوا الاتنين والباص انطلق بيهم الى الطريق .
احمد : يارب يرجعكوا بالسلامة يارب .
نسرين رنت على احمد .
احمد : ايوة يانسرين .
نسرين : ركبوا يااحمد !
احمد : ايوة والباص مشى ربنا يرجعهم بالسلامة .
نسرين : يارب يالا اهو دنيا تغير جو اللى حصل لدنيا اليومين اللى فاتوا دول كلهم كانوا صعبين قوى عليها مفيش اخبار عن الراجل اللى اتهجم عليها دة !
احمد : لسه اكمل ماكلمنيش بس انا مش هاسيبه قاطعه إتصال من اكمل .
احمد ضحك وقال : اهو جبنا فى سيرة القط اكمل بيكلمنى .
نسرين : طب سلام واغلقت الخط .
احمد فتح على اكمل .

اكمل : ازيك يااستاذ احمد .
احمد : الحمد لله بخير يااكمل ازيك انت .
اكمل : كارم بقة فى ايدى وانا دلوقتى قدامه تحب تشوفه !
احمد بغضب : طبعا هو فين الكلب دة .
اكمل ملاه عنوان ما ..احمد اغلق الخط وركب سيارته وذهب الى العنوان .
اكمل كان بيضرب كارم وسمعة حتى خر الدم من كل وجههم .

اكمل لكارم مسكه من ملابسه وقال بغضب : انت فاكر لما تتهجم على بنت وتضربها كدة انك مش هتتعاقب .
كارم : وحضرتك دخلك ايه ياباشا بالناس دى .!
اكمل ضربه بالبوكس فى وشه وقال بغضب : الناس دى تخصنى ياابن الكلب وضربه وذهب لسمعه .
سمعه صرخ :
انا مليش دعوة هو اللى قاللى راقبهم انا راقبتهم بس لكن والله ما لمستها ياباشا .
اكمل ضربه وقال :
انت كنت المساعد بتاعه ياكلب بتتهجموا على بنت وهى لوحدها فى الطريق ياكلاب وضربهم بشدة .
منعم مسك اكمل هو ورجاله وقال ،،كفاية ياباشا هيموتوا فى ايدك .

احمد وصل ونادى على اكمل .
اكمل ارسل له احد رجاله دخل احمد كان المكان عبارة عن جراج كبير وجد اكمل ومعه بعض الرجال وكارم ملقى بالارض ووجهه ينزف ومعه شخص اخر مضروب ايضا .
احمد بغضب لكارم ذهب لينقض عليه الا ان رجال اكمل منعوه وقال بغضب عارم : ،ياابن الكلب والله لاقتلك .
خاف كارم وبعد قليلا وقال :
انت السبب انا كنت عايش فى بيتى معزز مكرم طلعتنى منه بفضيحة .

احمد بغضب يمسكه الرجال يرد عليه :
بيتك ياكلب دا بيت البت اليتيمة اللى كنت عايز تجوزها للبرشامجى اللى جنبك بالعافية البت اللى كنت عايز تبعهاله عشان يجبلك التذاكر ببلاش ياكلب .