مر اكثر من اسبوع ودنيا تذاكر فى البيت واكمل يذهب ليراجع معها كل يومين او اكثر . ووعد وامانى ايضا فى المدينة يدرسون بجهد كبير وكل يوم سليم يكلم وعد ليطمأن عليها . سليم ذهب مع علي وعد واختاروا العفش الذى عجب وعد وظلوا يختاروا هو ووعد لمدة طويلة جدا وبالنهاية اشتروا ما عجبهم .
سليم : الحمد لله انا كنت فاكر اننا مش هنتاخر كدة قلت كلها نص ساعة بالكتير اتارى الموضوع صعب والله .
وعد : امال انت كنت فاكر ايه دى حاجة العمر مش لازم نختارها كويس .
سليم : الحمد لله ان فى حاجة عجبتك .
علي : يالا تعالوا انا عازمكوا على الغدا .
وعد : لا مش قادرة روحونى .
سليم : الحمد لله اننا لقينا عندهم مطابخ كمان ارتحنا .
علي : اه والله لولا اننا جبنا الاجهزة الكهربائية كنتوا لسه هتغلبوا فى المطبخ دة كمان .
سليم : احسن حاجة نجار المعرض اخد المقاسات وهييجى بكرة مع العفش عشان يركب الاوض و يعمل المطبخ ونظر لوعد وقال ،،زى ماانتى عايزة بالرغم انكوا مخلتونيش ادفع تمن المطبخ .
وعد ابتسمت : ربنا يخليك ليا ياسليم .
سليم : اهو عشان الدعاء دة انا مستعد اتعب كمان للشهر الجاى .
علي : كلها فى بيتها ، معلش بقة ياعريش لازم تعب شوية .
سليم : مش لقتلك شقة فى العمارة عندى ياعلى !
على بفرحة : بجد ياسليم !
سليم : اه بجد صاحبها عايز يبيعها عشان مسافر .
علي : طب متعرفش عايز فيها كام !
سليم ،،تعالى نروحله ونتفق معاه قبل ماحد ياخدها . ووصلا وعد للمدينة وذهبا لعمارة سليم واتفقا مع الرجل كانت الشقة مثل شقة سليم بالضبط عجبت علي خصوصا انها جديدة كانت شقة عريس ومسافر هو وعروسته واضطر للبيع فوافق علي على الثمن رغم انها كانت غالية وفاصل سليم مع الرجل حتى خصم منه مبلغ كبير .واتفق ان ياتى علي غدا بمبلغ من النقود والاخر عند التسجيل ..
ونزلا معا لشقة سليم .
سليم : الف مبروك ياعلي .
علي بفرحة كبيرة : ،انا مش مصدق والله هنبقى جيران .
سليم : ايوة نصيبك بقة تاخدها الشقة دى عشان انت قلبك طيب بس .
علي : الحمدلله وقام وقف وقال ،،،انا ماشى .
سليم ، : ماشى فين هنتغدى مع بعض .
علي : خليها مرة تانية بقة .
سليم : ياعم هنطلب اى حاجة بيتزا ولا اى حاجة .
علي : بس انا اللى هاعزمك وعد تعبتك والله وبمناسبة الشقة
سليم ضحك : ماشى ياعم موافق وبالفعل طلبوا بيتزا واكلوا ونزل علي وذهب لمكان اقامته ومر اليوم على خير ..
،،،،،،،،،،،،،،،،،،،،،،،،،،،،،،
فى صلاة الفجر ..اتصل اكمل على دنيا .
دنيا : صباح الخير .
أكمل : صباح الفل يالا قومى صلى .
دنيا : حاضر قمت اهو سلام .
اكمل ،،سلام ..وصلت دنيا وانتهت وجلست تدعى ربنا بالخير لها وكل المسلمين .
بعد قليل كلمها أكمل فى الهاتف .
أنت تقرأ
سباق المشاعر
Любовные романыاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
