مرت عدة ايام اخرى وجاء اخر يوم فى الامتحانات . كانت البنات خرجت معا يضحكون .
دنيا : الحمد لله ايه دة شهر بحاله .
امانى تمزح معها : شوف البت اللى عايزة تتجوز بسرعة .
وعد لامانى : عقبالك ياجميل انت كمان قريب .
دنيا : مش عشان انا عايزة اتجوز بس فعلا انا تعبت والله بجد اتفحت ياجماعة .
جاءت لهم جيهان ووقفت وتحدثت مع دنيا والبنات قليلا عن الامتحانات .
دنيا : عاملة ايه ياجيجى اخبارك ايه واخبار طنط سهير .!
جيهان ابتسمت لها وردت : الحمد له بخير والفضل يرجعلكوا يادنيا لولا وقفتكوا معانا كان زمانى دلوقتى مرمية لاى كلب لكن الحمد لله .
دنيا : دا ربنا هو اللى رتب مش اى حد ياجيجى . قاطعهم خطيب جيهان النقيب فارس واخذ جيهان ومشى .
امانى : شكله بيحبها والله .
دنيا : طبعا يابنتى ربنا يسعدهم سمعوا صوت شخص ما .
الدكتور حسين لدنيا : لو سمحتى ممكن كلمة !
دنيا نظرت للبنات ولم تتحدث ايا منهن اخذت البنات جانب يتحدثون .
وعد : هو الدكتور حسين معرفش انها اتخطبت ولا ايه !
امانى : معرفش شكله مايعرفش ..كانت دنيا تقف امام المعيد حسين وهى منزعجة كثيرا وقال : انسة دنيا انا كنت عايز اتكلم معاكى . وقبل ان تتكلم دنيا كلمة واحدة وجد اكمل امامه . ومسك يد دنيا
اكمل بحدة : خير عايز منها حاجة !
المعيد حسين نظر ليد اكمل وهو ممسك بيد دنيا وارتبك وقال ،،،مفيش كنت ،،،،،،،،،
قاطعه اكمل ورفع يد دنيا التى بها دبلة خطوبته وقال : الانسة دنيا مراتى كاتب كتابى عليها من مدة هو حضرتك متعرفش !
ارتبك حسين كثيرا وتلجلج فى الكلام وقال : لا الحقيقة معرفش والف مبرووك وتركهم وذهب دون اضافة كلمة واحدة ..
اكمل نظر لدنيا بحدة و وقفت دنيا تضحك بصوت غير مسموع وتصع يدها على فمها .
اكمل بحدة وضم جواجبه معا : كان عايز ايه دة ! دنيا ردت ،،معرفش .
اكمل على نفس وضعه : يعنى مش عارفة يادنيا !
دنيا : هو مقالش اى حاجة اصلا انت جيت وانا معرفتش هو كان عايز ايه .!
اكمل نظر وجد وعد وامانى يتحدثون قال لدنيا ،،طب يلا بينا .
دنيا : وعربيتى !
أكمل : سيبيها هابعت حد ياخدها .سلمى على صحابك ويالا .
دنيا انزعجت من اكمل وقالت ، بخبث ودلع : بقولك ايه ياحبيبى ماتمشى انت وانا هاكلم البنات شوية واروح ونظرت فى عيونه نظرة مغوية .
اكمل ضم حواجبه ونظر لعيونها وقال : مش ماشى يالا وانا هاروحك بنفسى .
دنيا بقلة حيلة اتجهت للبنات : انا ماشية يابنات نبقى نتكلم فى التليفون .
امانى ضحكت بصوت واطى وقالت : طب الحقى قبل ماتولع روما .
وعد : بس يابت ياامانى الحمد لله ان سليم مجاش وشافنى انا اللى واقفة معاه .كان ولع فى روما وباريس ومصر .
أنت تقرأ
سباق المشاعر
Romantiekاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
