اكمل بعد ما مشيت البنات اتصل على عماد ...
عماد : اهلا يا استاذنا .
أكمل : اهلا ياعماد انت هتيجى المكتب ولا هتروح !
عماد : لا هاروح وبكره هاجى ليه خير .
اكمل : كنت عايز اسألك عن مستوى الشباب الجدد معاك مستواهم ايه يعنى ييجى منهم ..
عماد : يعنى احنا لسه فى الاول بس طبعا دنيا وتالا مميزين خصوصا دنيا حاسس انها عارفة الحاجات دى ودة بالنسبة ليها تحصيل حاصل ..تالا ممتازة وهشام كمان بيستجيبوا بسرعة لكن اسلام دة ايدك منه والارض بحس انه مش عارف حاجة والحقيقة انا سألت نفسى ازاى بيطلع من الأوائل دة يدوب لو جاب مقبول يبقى رضا .
اكمل : شكرا يا عماد تمام اشوفك بكرة ...واغلق الخط ..
اكمل لنفسه : يبقى فى ان فى موضوع درجات الواد دة وكلام تالا انه مزور مش شتيمة بس . لأ هى عارفة حاجة اكيد . واكيد برده مش هتقول ،،،،ومسك هاتفه واتصل على سليم ..
سليم : يا مرحبا نورت التليفون .
اكمل ضحك : هو انا يابنى مش كنت معاك من كام يوم ،
سليم : بتضحك يبقى الدنيا بخير الحمد لله .
أكمل : يعنى ياسليم فى حاجة كدة كنت عايز اسأل عليها والحقيقة شغلانى فعلا .
سليم : خير يااكمل .!!
اكمل : الناس اللى جم يدربوا عندى دنيا وتالا وهشام كويسين قوى وفاهمين قوى لكن اسلام دة مستواه ما يديش ابدا انه يطلع حتى العشرين ازاى الواد دة بيطلع التانى فى ان فى الموضوع دة .
سليم : مش عارف بس هدور متقلقش مادام انت شكيت فيه يبقى فى حاجة فعلا مش مظبوطة .
ضحك اكمل : طب شوف الوضوع دة .
سليم : احنا السنة دى حاطين خطة عشان تسريب الامتحانات وانا بنفسى هاتابع الامحتانات من الالف للياء اطمن .
اكمل : فى الحقيقة مش مطمن خالص على العموم هيبان بس زيادة تاكيد اهتم بكل كبيرة وصغيرة فى الامتحانات دى من أكبر واحد لاصغر عامل يمكن يكون فيه تسريب ولا حاجة .
سليم بقلق : ان شاء الله هاعمل كدة انا حاطط خطة وعامل حساب كل حاجة لانى اول مرة امسك لجنة امتحانات ومش عايز اى غلط طبعا .
اكمل : ربنا يوفقك . سلام .واغلق الهاتف ...
وقام وخرج من مكتبه وذهب لبيته ..وجد عمته تجلس مع ابيه وامه.....
اكمل بتحفز شديد : اهلا ياعمتى الدنيا نورت
عمته ثريا بضيق : انا زعلانه منك يااكمل ازاى تعمل كدة مع سوزى بقى تروحلك المكتب تتعصب عليها وتعمل اللى عملته .
كوثر : عمل ايه ياثريا احكيلى .؟
ثريا تتصنع الحزن : البنت راحتله عشان تعزمه على الغدا سابها وراح اجتماع وبعدين اتعصب عليها وزعقلها وهى ياروحى بتعيط من ساعتها .
ابوه بضيق : معلش ياثريا اصله جلف مش زى شباب اليومين دول وبصله نظرة غاضبه .
اكمل بضيق : انا قلتلها اتا عندى شغل وروحى وانا هابقى اكلمك هى صممت تستنى وبغضب قال ،،،وبعدين دخلت عليا الاجتماع وزعقت قدام الموظفين عندى وانا خدتها ونزلتها وقلتلها روحى بس ادى الحكاية هو انا طفل عشان تزعقلى قدام موظفينى لو سمحتى ياعمتى سوزى محتاجة تتفرمل شوية لانى مش هاستحمل كتير وسابهم جميعا وصعد لغرفته دون كلمة واحدة .
أنت تقرأ
سباق المشاعر
Lãng mạnاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
