سباق المشاعر

السابع والعشرين ،،،،عشق اكمل

فى مكتب اكمل ..
اكمل دخل مع عادل الى المكتب وظلوا يتكلموا لفترة طويلة ثم خرج عادل .
أكمل نظر للساعة وقال : زمان الولاد راحوا المدرسة وادهم نزل شغله .اتصل على تقى .
ردت تقى : الو .
أكمل : ايه ياتقى استنيتك تكلمينى .
تقى بسعادة واضحة فى كلامها : معلش يااكمل انشغلت شوية
أكمل ضحك : صوتك حلو مش هاسألك ايه اللى حصل بينك وبين ادهم مادام رجعتى بيتك يبقى الموضوع اتحل .

تقى ابتسمت : انا سمعت كلامك يااكمل وهانفذه وقلت ادى فرصة لنفسى ولادهم تانية .
اكمل ابتسم : هو دة الصح لازم ندى فرصة واتنين وعشرة عشان ولادنا وعشان انتى تستاهلى تعيشى احسن .
تقى : ايوة وادهم اعتذرلى واعترف انه غلطان وقطع علاقته بالبنت دى خالص .
اكمل : طب تمام ربنا يصلح حالك ياتقى ويسعدك اسيبك بقى سلام .
تقى : سلام واغلقت الهاتف .

اكمل رن على ادهم .
ادهم : الو .
اكمل : ازيك ياادهم اخبارك ايه انت رايح الشغل !
ادهم : ايوة انا سايق فى الطريق .
اكمل : انا مش هأسالك عملت ايه لان واضح جدا انت اخترت مين .
ادهم : ايوة يااكمل انا اخترت مراتى وولادى عشان بحبهم وبحب تقى .
اكمل : طب والست التانية .
ادهم : ماتقلقش دى كانت موظفة عندى وانا طلبت نقلها من المحكمة كلها عشان انهى الموضوع دة خالص .
اكمل : عين العقل ياادهم حافظ على تقى ياادهم بتحبك وقوى كمان وبتحب ولادها وبيتها واختارتك انت .
ادهم : وانا كمان بحبها والله وربنا عمل كدة عشان نعرف احنا بنحب بعض قد ايه .
أكمل ضحك : ماشى مش هاعطلك بقى سلام واغلق الخط .

اكمل ضحك وقال :
الحب بيعمل المعجزات والله وتذكر حبيبته ودموعها فقال ،،،،دى هتبقى اخر دموع فى عينيكى عمرى ماهاخلى عينيكى الحلوة دى تبكى مرة تانية اوعدك من كل قلبى حتى لو مش معايا وسمعانى دة وعدى ليكى .
اكمل اخذ حقيبته ونزل ليذهب للمحكمة لديه قضية مهمة ولابد من حضوره .
،،،،،،،،،،،،،،،،،،
كانت تقى فى منزلها ..رن جرس الباب .
فتحت العاملة وجدت فتاة امامها سألتها عن تقى .
العاملة : موجودة ثانية واحدة وتركتها وذهبت لتخبر تقى .
خرجت تقى من غرفتها وذهبت للباب وجدت عالية امامها .
تقى غضبت : انتى ليكى عين تيجى لحد بيتى هنا ايه البجاحة دى .!
عالية بكل ثقة :
ايوة جيتلك عشان اعرف واتاكد انك رجعتى البيت واعرف ليه ادهم اتغير معايا بعد ماكنا هنتجوز قريب .

تقى غضبت : يعنى بجحة وكمان مستفزة .
عالية بكل ثقة تريد ان تخرب بيت تقى :
مش هتدخلينى بيتك مع انى عارفاه كويس ادهم كان بيحكيلى كل حاجة فيه .

تقى ابتسمت لها وردت بهدوء :
،مادام عرفاه يبقى ليه تعبتى نفسك وجيتى لغاية هنا اوعى تفتكرى انك جاية تستفزينى يبقى متعرفنيش ابدا اظاهر انك نسيتى تهديدى ليكى تقريبا نسيتيه صح ومسكتها من ذراعها وخرجت بها للحديقة بعنف  وقالت بغضب ،،،انتى جيتى برجليكى هنا لحد بيتى يبقى تطلعى بمزاجى انا .