مر اليوم بكل مافيه من احداث واتى اليوم الذى يليه .
اكمل ذهب لعمله فى الصباح الباكر ذهب لمكتبه ..اتصل على سامر وعلم منه انه ذهب فعلا الى شرم الشيخ ..
اكمل اخذ كتاب من المكتبة وبدأ يقرأ فيه ويكتب منه بعض الاشياء التى يحتاجها ..
انتهى ووضعه مكانه .
اكمل اتصل على عماد : عماد تعالى عايزك .
اتى عماد بعد دقيقة ودخل .
اكمل : ايه الاخبار !
عماد : الحمد لله قولى انت عامل ايه !
اكمل : الحمد لله قولى عملت ايه مع الست اللى جات امبارح !
عماد ضحك :
متفكرنيش لحس انا والله من ساعتها كل ماافتكر اموت على روحى من الضحك من اللى حصل حاجة متتوقعهاش ابدا .
اكمل يسأله :
ليه حصل ايه ! احكيلى اصلى امبارح مشيت بدرى ونسيتها خالص .
عماد حكى لأكمل كل كلمة قالتها دنيا عن كيفية الحفاظ على بيتها واولادها ..بس ياسيدى والست بعد ماكانت جاية ترفع القضية مشيت من هنا راحة تصلح بيتها وترجع جوزها .
ضحك اكمل كثيرا حتى سعل :
تصدق والله دنيا دى عندها حق دى الست دى كانت جاية فى لحظة غضب .فهمتها بسرعة البنت دى ذكية والله
عماد : انا عارف وعشان كدة حبيت ادخلها فى الجد على طول علشان لما تعرف ان الجد هيبدأ تراجع روحها . بس كل واحد وطريقته .
اكمل : البنات عاملين معاك ايه فى الشغل !
عماد :
ممتازين جدا حتى دنيا اكتشفت حاجة صغيرة بعد ما ورق القضية الوهمية اكتمل
واحنا ماخدناش بالنا منها .
اكمل: ايه !
عماد : حاجة بسيطة ان بطاقة المدعى منتهية .
أكمل ضحك :
يانهار ابيض دى دماغ اتعامل معاها بقة على انها ذكية .مش بقولك ذكية
عماد وقف :
طب عاوز حاجة تانى ورايا اعلامات وراثة عايزة تتعمل .
اكمل : لا شكرا ياعماد انت مش محتاج حاجة ،!!
عماد : شكرا يا استاذ اكمل وخرج وذهب الى مكتبه .
بقى اكمل يبتسم ويفكر فى دنيا .ويقول لنفسه ،،،دانت هتتعب قوى يااكمل دنيا مخها اكبر من سنها بكتير بس عجبه طريقة تفكيرها .
حضرت دنيا مع تالا الى المكتب فى الصباح .دخلوا لمكتب الاستاذ عماد .
دنيا : السلام عليكم ..
رد عماد السلام .. وعليكم السلام ازيكوا .
تالا : الحمد لله .
عماد :
النهاردة هاعمل قداكم اعلام وراثة دة طيعا لازم كل متوفى اهله يعملوا اعلام الوراثة دة وبيعرف المحكمة الورثة الحقيقيين للمتوفى زى امه ابوه زوجته اولاده اخواته .الورثة اللى من حقهم يورثوا فيه حسب الشريعة الاسلامية .
دنيا : اكيد عشان الجهات الحكومية بردة زى المعاشات والحاجات دى .
عماد :
ايوة وطبعا عشان لما حد يحب يشترى منهم اى حاجة تبع التركة يكون مطمن ان اللى بيبيع وارث حقيقى يعنى مش اى حد يبيع ارض مثلا وهو من الاساس مش وارث فيها فالناس بتطمن لاعلام الوراثة الصادر من المحكمة اللى فيه بيقول ان فلان مات وترك فلان وفلان ورثة فهمتوا !
سارة دخلت ابتسمت : استاذ اكمل عايز دنيا .
دنيا وقفت قلقت : ليه !
سارة : الحقيقة معرفش هو طلبك فى مكتبه
ذهبت دنيا مع سارة طرقت الباب ودخلت ..
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
