سباق المشاعر

العاشر .....حقى

فى بداية اليوم  نزلت دنيا ومعها معاز وصلته الى درسه الصباحى ثم ذهبت لكليتها ..
دخلت دنيا للمدرج وجدت امانى ووعد يجلسان لكن فى صمت تام ..
دنيا جلست بجانبهم لكن لم تتحدث ايضا .
وعد : الله فى ايه هو يوم النكد ولا ايه مالك انتى كمان .،
دنيا بصت لها ،: انا كمان ! ليه مين فيكم زعلان !
وعد : البت امانى .
دنيا : ايه اللى حصل .
حكت لها وعد ما حدث بالضبط ..
دنيا بذهول مسكت امانى من يدها : وانتى زعلانه عشانه !
امانى بصت لها : لأ مش علشانه يادنيا .
دنيا جذبتها وحضنتتها وباستها من خدها : متزعليش يامنمن دا  واحد ما يستهلش القمر دى  صح ياوعد !
وعد : صح طبعا دا ربنا بيحبها والله .
دنيا : طبعا ، عارفة لو كنتى وافقتى  كنت  مش عارفة هاعمل فيكى ايه  والله .
امانى منزعجة جدا : لأ انا مش هاسيبكم اطمنى .
دنيا : طب بمناسبة انك زعلانه تعالى نخرج انهاردة وتشتريلنا ساندوتشات شاورما .
امانى نظرت لها بغيظ : انا اللى هاشتريلكوا !
دنيا : طبعا انتى . مش انتى اللى زعلانه يبقى وتشتريلنا.
ضحكت وعد بشدة عليهم وفى تلك اللحظة دخل الدكتور سليم ليعطيهم محاضرة بدل دكتور اخر نظر لوعد وهى تضحك ابتسم لها وهى خجلت كثيرا ونظرت لارض .
دنيا : هو الدكتور سليم هيدينا ولا ايه !
امانى : ماهو دخل اهو يابنتى . يعنى هيدينا ..

سليم ضحك وقال : طبعا انتوا بتسألوا انا هنا دلواتى هاقولكوا الدكتورة سحر بلغتنى انها مريضة وانى ادخل اديكم اى حاجة بدلها وانا هنتهزها فرصه واراجع معاكوا المنهج عشان الامتحان قرب قوى ونظر لوعد وابتسم  وقال : عشان تعرفوا الجمايل دى ..
ضحك الطلاب وابتسمت وعد ونظرت للاسفل  ..
دنيا ابتسمت  وقالت : ربنا  يخليك يادكتور والله احنا فعلا محتاحين المراجعة دى .
سليم يضحك : هرجنا شوية يالا نبدأ وبالفعل راجع معاهم المنهج ويرد على أسئلة بعض الطلبة.  .وانتهت المحاضرة وخرج ..
خرجت البنات ..

دنيا : يالا بينا ناكل شاورما ياولاد ...
وعد : وعلى حساب امانى .
امانى بلهجة صعيدية : واه  انتوا انتهزتوها فرصه اياك .
ضحكت دنيا ووعد  .وذهبوا لكافتريا الكلية واشتروا فعلا الساندويتشات وجلسوا ياكلوا .

كان يقف فى الاعلى الدكتور سليم فى شرفة مكتبه ينظر للاسفل ويبتسم وقال ،،،،هانت هانت قوى ياوعد  الامتحانات تخلص بس ..

انتهوا البنات وخرجوا كل  واحد فى طريقه ..اتصلت دنيا على تالا   ..
تالا : اهلا يادنيا .
دنيا: السلام عليكم انتى فين يابنتى !
تالا: وعليكم السلام ،انا فى البيت مجيتش الكلية انهاردة بس هاروح المكتب نتقابل هناك .
دنيا : ماشى ،،سلام واغلقت الهاتف ...وانطلقت الى المكتب  وركنت ونزلت تدخل العمارة

وجدت فتاة تدخل معها فتاة عصرية جدا ترتدى بنطال جينز وبلوزة ستان  بكم لكن ملفته وعليها جاكيت جينز كط  وشعرها قصير وناعم  دخلت معها المصعد  وطلبت نفس الدور ..
دنيا فى نفسها ،،،،يمكن حد من اللى ليهم شغل عندنا فى المكتب ..ضحكت دنيا فى نفسها ،،،بقيتى بتقولى عندنا فى المكتب  يادنيا .
توقف المصعد  وخرجت  الفتاة وبالفعل دخلت المكتب وسالت على الاستاذ اكمل وذهبت الى مكتبه ..