سباق المشاعر

السادس والخمسون ،،،،زى الوردة

بدا النهار يسطع فى كل الارجاء .
كان سليم قد ذهب للكلية ليحضر اجتماع وبعدها ذهب واشترى حلويات لاستقبال صديقه عادل عنده فى الشقة لمقابلة شيرين بعد موافقة الشيخ حسن وعلي وحتى لا يكون هناك حرج من اى منهم لو شيرين احست بالقبول ياخذ خطوة اخرى .
عاد سليم وهو يحمل الكثير من علب الحلوى والجاتوه .
وعد  : كل دة دة هم فردين اتنين بس .

سليم  : عشان تاكلى انا عارف انك بتحبى التورتة الشيكولاته اشترتلك واحدة .
وعد  : فعلا تخيل عايزة اكل منها حالا من ساعة ماشفتها وانا مش صابرة .
سليم دخل المطبخ وجاب طبقين وسكينة وطلع لوعد قطعة تورته .
وعد اكلتها وهى مبسوطة للغاية وسليم يضحك عليها .

وعد  :  بتضحك ليه مش ابنك اللى عايز .
سليم يضحك  : ياحبيبى كلى زى ماانتى عاوزة انا جيبها ليكى لوحدك .
وعد  : بس حلوة تسلم ياسولوم ..سليم رد عليها ،،،تسلمى ياحبيبى ويسلملى حبيبى الصغنن وحسس على بطنها .
وعد  : ربنا يخليك لينا . وعجب سليم الجمع اللى جمعته وعد .

سليم شدها واخدها فى حضنه وقال ،،،ويخليكوا ليا انتى وحبيب بابا وحسس على بطنها .
وعد   : هادخل الحاجات دى واظبط الدنيا على ماصاحبك ييجى ربنا يكتبلهم الصالح .
سليم ساعدها ودخل معاها الحاجات المطبخ ودخل اوضته وغير هدومه وخرج وقال   : هتعملى غدا ايه انهاردة .
وعد  : بصراحة نفسى فى بيتزا مش عايزة اكل لحمة ورز وكدة زهقت منهم .
سليم ضحك وقال    :  دى برده طلبات ابنى صح !
وعد  : تقريبا احتمال كبير .
سليم   :  اللى يعوزه القمر عايزاها بايه !
وعد بتفكر ،،مش عارفة بس عايزاها حادقة كدة وحلوة اختار انت بقة .
سليم ضحك وقال ،،،اجبلك بالانشوجة والزتون .
وعد  : اه والله حلوة الانشوجة دى وسليم طلب محل البيتزا دليفرى وطلب واحدة زيادة كمان بالخضار والجبن . .

،،،،،،،،،،،،،،،،،،،،،،،،،،،،،،،،،،،،،

فى مكان اخر .
دنيا استيقظت واكمل كان مشى من فترة على المحكمة لبست دنيا ونزلت لقت سوزى قاعدة بصتلها بغضب وقالت لكوثر  : انا رايحة عند ماما اصلها تعبانة شوية .
كوثر  : خليكى انهاردة يادنيا اتغدى معانا .
دنيا   : معلش ياماما اصلى مخنوقة شوية وعايزة اخرج اشم هوا . وسوزى تنظر لها وهى تنظر للهاتف  وكانها لم تفعل اى شئ.

كوثر   : طب روحى يابنتى اكمل هيروح ياخدك !
دنيا   : لا هييجى على هنا وانا السواق هيجبنى اكمل زمانه جاى دلوقت وانا مش هغيب نص ساعة وهارجع اطمن بس على ماما .

كوثر   : روحى يابنتى وبصت لسوزى نظرة غضب تود لو تقتلها الان .
خرجت دنيا  : واتصلت على اكمل وعرفته انها خرجت ..مرحوالى ربع ساعة وقامت سوزى وقالت  : ،انا طالعة اوضتى ارتاح .

كوثر  : اطلعى يابنتى وانا كمان طالعة معاكى وطلعوا معا وكل واحدة دخلت اوضتها وسوزى حضرت بعض الاغراض وتسحبت ودخلت لغرفة دنيا ورشت برفانها وملت السرير وضعت قميص من قمصان نومها الداخلى فى مكان ظاهر على السرير ووضعت جيبتها الجينز بجانب السرير على الارض وخرجت مسرعة تجرى على غرفتها .
كانت كوثر وصبرى يقفوا خلف الباب يراقبوها .