ابطالنا ليهم قصص جميلة .فى مدينة القاهرة .بطلنا رجل قوى شاب جرئ وسيم بدرجة غير معقولة عنده شركة ومؤسسةكبيرة للمحاماه محامى بدرجة ابن مستشار لبسه كله بدل بحكم شغله ...طور نفسه واخد كورسات فى التنمية البشرية وبيترجم كتب لكبار الكتاب العالميين وكمان بيعمل محاضرات عن بناء شخصية الانسان وتصحيح سلوكه له قناة وصفحة خاصة بيه كلايف كوتش مش كمحامى ...عنده تقريبا ٣٢سنه وزيادة بيتعامل مع الناس بعقلانية واحتراف وهو شخصية كاريزيمية بردة ابن مستشار ...هتسالونى ليه مشتغلش هو كمان قاضى .
الاجابة ببساطة لانه حب يكون حر فى حياته مش عايز اى قيود وعمل دة فعلا ...اه نسيت اقولكم على اسمه ( اكمل صبرى الششتاوى ) . وسيم بدرجة تخطف العين شعره ناعم جداجدا وقصير من الجناب اسود اللون وعيونه سوداء ورموشه سوداء طويلة وعضلات كل السيدات والبنات تتمنى نظرة منه لكنه ملتزم جدا جدا .يعتبر مكتبه من اكبر المكاتب فى مصر وله شهرة كبيرة جوة مصر وبرة مصر رغم صغر سنه
بطلتنا ...جميلة الجميلات واحلى بنت فى الدنيا ملتزمة جدا فى لبسها وتعاملها مع الناس متدينة وبتحب تقرأ وتتعلم فى الدين ومتعمقة فيه كمان لدرجة ان كل اصحابها بيسالوها فى امور كتيرة فى الدين وبتعلمهم بشكل مبسط وبنات كتيرة فعلا التزموا على ايديها بتطلع من الأوائل فى كلية الحقوق ...علشان ابوها محامى بساعدها فى المواد جميلتنا اسمها ( دنيا احمد طاهر ) وداخلة على الواحد وعشرين فى تالتة حقوق ..بيضاء جدا وجها مدور وحمراء الخدود شعرها قصير كاريه ليست رفيعة ولا سمينة كيرفى محجبة وبتلبس لبس عصرى وجميل لكن محتشم جدا .
سليم،، دكتور فى كلية الحقوق كان زميل وصديق اكمل من الدراسة الى الان وسيم جدا ابيض وشعره اسمر وناعم يشبه ظافر العابدين كثيرا فى طوله وشكله والبنات تحبه لكنه جاد جدا فلاح اصيل .ابن عائلة كبيرة فى البحيرة
عادل،، صديق اكمل وسليم ويعتبر شريكه فى الشركة لكنه محاسب ذو شعر ولحية بنية اللون وعيون عسلى .طويل وعضلات مثل اكمل وسليم .
وعد صديقة وزميلة دنيا ،،،بيضاء وجميلة جدا ترتدى ملابس ملتزمة جدا وهى خجولة جدا صديقة دنيا فى الكلية وانتيمتها هى وامانى . وعد من قرية فى الفيوم .بنت الشيخ حسن امام المسجد فى قريتهم .
امانى ،،،صديقة دنيا ووعد خمرية لكنها شديدة الجمال رفيعة وترتدى مثل وعد من المنيا .مخطوبة لابن خالتها جواز صالونات .
علي ،،،اخو وعد ليس طويل لكنه شديد الوسامة عيونه تميل للخضار محاسب فى شركة اجنبية ملتزم للغاية ابن الشيخ حسن .
ومعانا ابطال كتير هنتعرف عليهم فى الاحداث .
فى المسجد .
وانتهت صلاة العصر .ذهب جميع الناس وبقى اكمل وبعض اصدقاءه .
عادل : اكمل انت النهاردة بقيت بتاعنا مش هنسيبك . بلاش تروح المكتب بالليل .
سليم : فعلا يااكمل احنا مش بنشوفك غير قليل ياراجل خلينا نكمل اليوم مع بعض .
اكمل : والله ياجماعة انتوا عارفين مشاغلى ووقتى مش ملكى .
سليم : بس اخر فيديو ليك كسر الدنيا ياراجل ازاى تطلع وتقول على البنات كدة داانت بوظت الدنيا خالص .
عادل بضحك.....الله يخربيت عقلك انت ازاى قدرت تقول دة كدة علنا للناس مش خايف حد من البنات دى تشتمك .
انضم ليهم صديقهم سامر ، سامر مهندس مدنى متزوج ولديه طفل صغير لكنه صديقهم كلهم شلة مع بعض وكلهم نفس العمر جلس معهم ولكن لا يعرف عن ماذا يتحدثون ..
سامر : ايه اللى حصل فهمونى .!
سليم : اكمل عمل فيديو بيقول فيه ان البنات هى السبب فى الازمة اللى بتحصل وهما السبب ان اى علاقة بتبوظ معندهمش اى ذكاء انهم يكملوا اى علاقة واتهمهم انهم بيدورا على اى علاقة مريحة وترمى القديم فى الزبالة ...
اكمل : دى دراسة عملتها مجلة امريكية هى اللى بتقول دة مش رائ انا لكن انا فى الحقيقة مقتنع تماما بدة .
سامر : انت بتقول كدة يااكمل عشان انت مدخلتش فى علاقة جديه ومعرفتش الحب الحقيقى مجربتش تحارب عشان حد وتكون عايز تكمل معاه .
وقف اكمل وقال : يمكن لكن انت عارف مبداى .انا مش بتاع علاقات ياسامر .
عادل رد : عارفين يااكمل .
وقفوا كلهم ومشيوا مع بعض .
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
