استيقظ اكمل قرابة الظهر . صلى ونزل كان المنزل هادئ تماما
اكمل لنفسه : امال الجماعة فين مفيش حد ليه راحوا فين . كانت امه تخرج من المطبخ وجدت اكمل يقف لحاله فى صالة الفيلا .
كوثر : مالك واقف كدة ليه !
اكمل يسأل والدته :
انتى رحتى فين وبابا فين الدنيا ساكتة كدة ليه !
كوثر مسكت اكمل من ذراعه واخذته وجلسوا وقالت : سيبك من ابوك تعالى احكيلى بقة كل حاجة .
اكمل ضحك : طب افطر الاول .
كوثر : لأ احكيلى الاول ازاى دنيا رجعت معاك من شرم قولى بقة .!
اكمل ضحك :
عادى كانت هناك بتتفسح مع خالتها وحبت ترجع لوحدها وانا كنت ماشى بالصدفة استأذنت ابوها وامها ورجعت معايا بس يا ستى هى دى الحكاية .
كوثر، : بس كدة ! كل دة صدفة يعنى !
اكمل ضحك : اه والله صدفة من ربنا . لم يذكر لامه اى شئ ماحدث اكتفى باشياء بسيطة .
كوثر ابتسمت :
يبقى ربنا تدبيره اكبر مننا انا عايزة افرح بيك بقة يا اكمل .
اكمل : هتفرحى قريب قوى انا بس مستنى حاجة كدة وبعدها كلنا هنفرح صدقينى .
كوثر : ماشى .
اكمل : امال بابا فين !
كوثر : راح لاصحابه فى النادى من الصبح بدرى ويعمل شوية رياضة .
اكمل : طب فطرينى يالا انا جعان .
كوثر : حالا وخرجت السيدة امال مديرة المنزل ومعها هاتف كوثر تقول ،،،مدام كوثر تليفونك بيرن .
كوثر : هاتيه يا حجة امال حضروا الفطار لاكمل لو سمحتى .
الحجة امال ،،،حاضر من عيونى احلى فطار لابنى اكمل .
اكمل ضحك : ايه الدلع دة كله يا امولة .
الحجة امال : لازم تتغذى كدة انت بتشقى ياابنى .
كوثر : بطلوا بقة خلينى ارد على التليفون كانت نسرين ام دنيا .
كوثر بابتسامة : ياصباح الفل ازيك يامدام نسرين ،
نسرين : صباح الخير ازيك انتى يامدام كوثر اخبارك ايه !
كوثر : الحمد لله بخير وكلكوا عاملين ايه ودنيا حبيبتى عاملة ايه !
اكمل كان ينظر لها وهو مذهول لم يتوقع ابدا ان تكون نسرين ام دنيا .
نسرين : الحمد لله كلنا بخير انا اتصلت عشان اشكركوا والله ان الاستاذ اكمل وصل دنيا معاه من شرم الشيخ ومرضيش يخليها ترجع لوحدها . دة جميل كبير قوى .
كوثر : مفيش جمايل ولا حاجة اكمل ابنى راجل مش معقول كان هيخلى دنيا ترجع مع سواق غريب لوحدها احنا اهل ولا ايه !
نسرين : ايوة طبعا وربنا يعلم محبتك فى قلبى من ساعة ماكنتى بتهتمى بدنيا فى المستشفى وسايبة ابنك .
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
