سباق المشاعر

الخامس والثلاثون، ،،،حبيبة اكمل

احمد اخبر معاذ ان ينادى دنيا من غرفتها .
خرجت نسرين وقدمت لاكمل العصير والحلوى . ثم خرجت دنيا من غرفتها مع معاذ .
اكمل نظر لها وابتسم وجد امامه حبيبته الجميلة .
جلست دنيا بجانب والدها كانت خجلة ومرتبكة ترتدى دريس بينك وطرحة لف اوف وايت كانت ملاكا يمشى على الارض جميلة دون اى مجهود .

كان الموقف محرج للكل احمد  قال لدنيا : انتى طبعا عارفة ان الاستاذ اكمل جاى يتقدملك يادنيا .
دنيا صامتة لاترد تنظر للارض خجلة .
احمد : احنا هنسيبكوا تتكلموا مع بعض شوية وبعدها تقولى رايك ماشى !
دنيا اومات براسها .

احمد : طب خدى اكمل وروحى البلكونة عشان تعرفوا تتكلموا براحتكوا .
دنيا وقفت واكمل ذهب معها الى بلكونة الشقة كانت امام الصالون لكن بعيدة مساحتها كبيرة بها كراسى وطاولة و بها ستائر تحجب الرؤية عن الخارج كانت مثل الغرفة ..
وقف اكمل يتامل البلكونة ودنيا تجلس على احدى الكراسى . جلس اكمل بجوارها يبتسم لها وهى تنظر للارض .

اكمل بدأ الكلام حتى يحد من هذا التوتر وقال : مفيش مبرووك للقضية !
دنيا بخجل : ماانا قلت لحضرتك فى التليفون .

اكمل يمازحها  :
انا مش فاكر هو احنا قلنا حاجة فى التليفون !
دنيا نظرت له ولم تتحدث .

اكمل نظر لعيونها بتركيز وقال : ايوة كدة بصيلى .انا ماصدقت انى معاكى دلوقت وهنا .
دنيا بخجل : انا معاك اهو اتفضل اتكلم .

اكمل ابتسم :
انا جاى عشان اتكلم واسمعك برده يادنيا ...انا عارف ان الموقف كله صعب عليكى لكن انا عارف انك مخك كبير وهتفهمى اللى حصل .

دنيا وقفت واعطته ظهرها وقالت : كان ممكن تقولى .

اكمل ذهب وقف خلفها وقال :
ماكنش لازم اجازف بيكى انا نفسى كنت عايز اكلمك من اول يوم لكن انتى عندى اهم من نفسى يادنيا .

دنيا دمعت عيونها بصمت وقالت :
انت متعرفش انا كنت حاسة بايه كان لازم تقولى .

اكمل ذهب ووقف امامها وقال : دموعك بتقطع فى قلبى انا عارف قد ايه احنا اتعذبنا كل واحد قلبه كان بيتقطع انتى متعرفيش احساسى وانا بشوفك كل يوم قدامى ومش قادر اعترفلك انى بحبك يادنيا .

دنيا تنظر للاسفل واكمل كان يريد ان يرفع راسها دون ان يلمسها حتى لا تحرج نظر يمينا ويسارا وجد زجاجة مسكها ووضعها تحت ذقنها فرفع ذقنها فرفعت دنيا راسها تنظر له ابتسم وقال :
ايوة كدة بصيلى خلينى ابص فى عيونك الحلوة دى واقولك ايوة بحبك وباعشقك كمان بحبك يادنيا من ساعة ما شفتك اول مرة لما ماكنش عاجبك اللى بقوله اعجبت بيكى لما بصيتيلى نظرة لوم واحنا فى الاشارة فاكرة .!

دنيا تنظر له واكمل يضع الزجاجة تحت ذقنها حتى لا يلمسها تذكرت ..
اكمل كمل كلامه :
من يومها وانتى شغلتى بالى وفكرى وقلبى وكل يوم بحبك اكتر من اليوم اللى قبله بحب هدوءك وعقلك وقلبك وعايز اكمل حياتى معاكى وانا عارف انك كمان بتحبينى يادنيا بتحبى اكمل لشخصه مش لاى حاجة تانية .