وصل اكمل الى فيلا عمته .نزل من السيارة . دخلوا جميعا الفيلا ..انصدم اكمل عندما راى حفلا كبيرا وعددا من المعازيم كبير جدا ..
اكمل بضيق وغضب : ايه دة ايه اللى هما عملينه دة !
امه بعدم فهم : ايه عاملين ايه !
اكمل بغضب : احنا قلنا حفلة بسيطة على الضيق مش حفلة كبيرة وعازمين فيها مصر بحالها .
ابوه : ودى فيها ايه ناس بتفرح ببنتهم .
اكمل بغضب شديد : وكمان فيه صحافيين انتوا مرتبين كدة مع بعض يابابا !
ابوه بغضب : وايه اللى مضايقك !
اكمل بغضب : انا عملت حسابى معزمش حد عشان دى حفلة على الضيق لكن تحطونى قدام الامر الواقع دة لأ لأ . اكمل كان يتحجج لكنه كان غاضب من الوضع كله كان يخطط ان يترك سوزى فى اقرب وقت ودون ان يعلم الكثير ولكنه تفاجأ بهذه الحفلة لانه لا يريد ان يعلم احد بهذا الخطبة سوى القليل وربما فى عقله شخصا معينا لا يريده ان يعلم لذا زاد غضبه جدا .
جاء اليهم عبد الهادى والد العروسة وراى ان هناك شئ ما .
عبد الهادى : خير ياجماعة واقفين كدة ليه !
اكمل بغضب : ايه اللى حضرتك عامله دة يا عمى !
عبد الهادى لايفهم ما يقصده اكمل لكن أكمل كان عنده حق تماما كان ترتيب ثريا وعبد الهادى لكى يضعوا اكمل امام الامر الواقع ويريدوا ان يعرفوا الدنيا كلها بأمر الخطوبة وبعدها يبدؤا فى التخطيط للزواج وبسرعة .
عبد الهادى : مش فاهم حاجة.
اكمل بغضب : احنا اتفقنا انها حفلة على الضيق ايه اللى حضرتك عامله دة عازمين مصر بحالها وكمان صحفيين وانا مبحبش حياتى الشخصية تكون على الملأ .
عبد الهادى : دول صحابنا ولما عرفوا حبوا يجاملونا مش جايين على انهم صحافة وكدة ..
اكمل بغضب وصاح بشدة : انا محدش يلوى دراعى احنا اتفقنا حفلة صغيرة يعنى حفلة على الضيق اتا ماشى اشبعوا بيها الحفلة دى بقة وفعلا سار خطوتين للخارج .ركضت امه خلفه ومسكته من دراعه وقالت تترجاه : عشان خاطرى يااكمل عدى الليلة دى حفلة وتعدى وخلاص .
اكمل بغضب : يعنى ايه يا ماما انا محدش يحطنى كدة قدام الامر الواقع وجابين صحفيين يقصدوا ايه العمايل دى .!
امه : خلاص ياابنى اللى حصل حصل ،،،،يعنى تبوظ الخطوبة عشان كدة وسمعتنا وسمعة البنت يرضيك الناس تقول سابها يوم خطوبتها .
عبد الهادى غاضب جدا ويزعق لصبرى : ابنك زودها قوى ياصبرى يعنى ايه يسيبنا ويمشى .
صبرى بغضب وصاح : يعنى الموقف اللى احنا فيه دة مين اللى عمله احنا ولا انت قلنا حفلة صغيرة تعملى مهرجان ومفيش اى حد من عيلتنا ولا اصحابنا وتقولى ابنك ..
جاءت ثريا اليهم : ايه ياجماعة فى ايه واقفين كدة ليه .!
صبري بزعيق : ايه اللى هببتوه دة انتى وجوزك عاملين مهرجان هنا اهو اكمل شاف الحفلة واتضايق انه لوحده معهوش اصحابه وكمان جايبه صحفيين وانتوا عارفين موقف اكمل من الصحافة اهو سابنا ومشى وامه بتتحايل عليه .
ثريا لعبد الهادى بصوت واطى جدا : الله يخربيتك اهو كل حاجة هتبوظ اهى شوفت عمايلك .
أنت تقرأ
سباق المشاعر
Storie d'amoreاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
