سباق المشاعر

الرابع والعشرين ....الخبرا

فى فيلا المستشار ..
كانت تقى تلعب مع اولادها فى الحديقة .رن هاتفها كان ادهم وقفت تنظر للهاتف فقررت ترد .
تقى : الو .
ادهم : ازيك ياتقى .
تقى بهدوء : الحمد لله خير ياادهم .
ادهم : تقى انا عايز اتكلم معاكى ارجعى بيتنا خلينا نتكلم بهدوء .
تقى : فرصة الكلام خلصت من زمان بقى فيه الفعل وبس .
ادهم : لو سمحتى ياتقى خلينا نحل مشاكلنا بهدوء من غير شوشرة .
تقى بحدة :
شوشرة ! خايف من الشوشرة دلوقتى كويس طب خلينا ننهى الموضوع من غير شوشرة ياادهم .
ادهم : يعنى ايه !
تقى : يعنى انا عايزة اطلق بهدوء بدل ماارفع قضية خلع على سيادة مدير النيابة المحترم وتبقى الفضيحة بجلاجل ..
ادهم غضب :
انتى بتقولى ايه طلاق ايه وخلع ايه انا مش هاطلقك ياتقى .
تقى : امال هاتعمل ايه معايا هتخلينى مراتك الاولنية وعالية التانية .

ادهم بحدة :
مفيش الكلام دة ياتقى لا اولى ولا تانية خلينا نتكلم مع بعض .
تقى :
طبعا هنتكلم بس لما اهدى الاول عشان نتفق على تفاصيل الانفصال بعد يومين تلاته عن اذنك وقفلت الخط ..

ادهم غضب بشدة لما وصل اليه تعقدت الامور وخرجت عن السيطرة كل هذا بسبب غباءه كان فى منزله لحاله قاطعه اتصال من عالية ..لم يرد عليها فأرسلت له رسالة (ادهم انت فين مش بترد عليا ليه !)
عالية (انا عايزة اعرف ايه اللى حصل مع تقى فهمنى وناوى على ايه ! )
ادهم كتب لها ( انا مش قادر اتكلم دلوقتى ياعالية نتكلم بعدين ،،،و معرفش ناوى على ايه .)
عالية ارسلت له ( انا لازم اعرف انت ناوى على ايه معايا ياادهم لازم اعرف راسى من رجلى معاك .)
ادهم غاضب وقال هو انا ناقصك انتى كمان .ارسل لها رساله (ارجوكى سيبينى دلوقتى انا فى مشكلة كبيرة مع تقى سيبينى احلها الاول .)
عالية ( طب تعالى نتقابل .)
ادهم (معلش مش هينفع انا مش فى المود بعدين )
عالية ( ماشى براحتك .) وقفلت التليفون ..

فى مديرية الامن .
دخل أكمل لمكتب اللواء نبيل الصفطى .ورحب به سيادة اللوا
اللوا نبيل : اهلا يااستاذ اكمل .
اكمل : اهلا بحضرتك .
فارس : اظاهر تعرفوا بعض .
نبيل : استاذ اكمل محامى معروف ووالده كان رئيس محكمة النقض يعنى معروفين .
فارس :
طب كويس استاذ اكمل سيادة اللوا هو المشرف على عملية اللى انا بعمل عليها حاليا اتفضل أحكى اللى عندك .
اكمل حكى كل شئ من البداية حتى هذا اليوم لم يخفى اى شئ .

اللوا نبيل كانويستمع بهدوء :
طبعا عبد الهادى والشهاوى مش هيلاقوا ستار لشغلهم زى القرية دى واسم والدك عشان يلعبوا براحتهم .

أكمل :
للاسف صح ووالدى ميعرفش اى حاجة لانه من ساعة ما شارك جوز عمتى وهو تقريبا راح مرة ولا اتنين بس وساب كل شيء لجوز عمتى . ومن ساعة تهديده لابويا وانا بافكر ازاى اخلص من المصيبة دى ..

فارس : بس انت حليت الموضوع بطريقة ذكية جدا يعنى خليت العقد اللى والدك كتبه بدل مايبقى سيف على رقبتك لأ هتخليه يتنفذ فعلا وبدات فعلا تعمل دة ،