سباق المشاعر

الواحد والعشرين .....اشارة اكمل

استعدت دنيا لترى الفيديو الجديد لاكمل كانت داخل غرفتها تمسك هاتفها منتظرة بفارغ الصبر ..
ونزل تنويه عن الفيديو من خمس دقائق انه فيديو مهم ..واخيرا نزل الفيديو كان أكمل يقف يرتدى قميص ابيض وبنطال اسود يقف بجانب المكتب وخلفه مكتبة كبيرة من الكتب .
بدأ الفيديو بالسلام والترحيب لكل متابعينه وبدا فى الكلام عن فكرة بناء بيت وازاى الطرفين لازم يعرفوا ازاى ينجحوا عشان البيت دة يكون فى امان ومثلهم زى المركب اللى فى البحر ساعات الموج يكون عالى بيهدد المركب دى ياتنجح وتمشى . ياتوقع وكل اللى فيها والكل بيقع فى البحر وبدأ يفهم البنات والولاد ازاى يختار شريك حياته صح عشان يبقى في صمام امان دايما نلجأ ليه لما الامور تتازم يبقى فيه نسبة من التفاهم عشان البيت والاستقرار دول اهم عند ناس كتير من اى حاجة تانية ومادام بنيتوا بيت وفيه اطفال يبقى هما اول اولوياتكوا عشان الدنيا دى تعمر لازم تكونوا سكن لبعض والست المظلومة دايما توكل امورها لله هتلاقى بعض فترة كل حاجة بقت تمام وسلم وانتهى الفيديو..

دنيا تذكرت المحادثة الى حصلت بينهم فى المكتب وتقريبا دة كان كله كلامها هى ابتسمت
و كتبت تعليق وقالت :
انا حاسة انى سمعت الكلام دة قبل كدة .

رد عليها اكمل بنفسه فى تعليق ودة نادر جدا لانه عارف انها دنيا وكان مستنيها هى بالذات تعلق وقال :
دا كلام الناس اللى بيتهم اهم من اى حاجة فى الدنيا واللى مستعدة تعمل اى حاجة عشان استقرار البيت .

دنيا ابتسمت وقالت : هو يقصدنى انا .

اكمل نظر للهاتف وضحك وقال :
هى اكيد عرفت انى بقصدها هى دى اشارة منى ليها .
قاطعه رنين هاتفه كان عبد الهادى و طلب منه يحضر عندهم الفيلا ،
اكمل وافق وقام لبس هدومه وراح لفيلا عبد الهادى ..
فى قيلا عبد الهادى .

سوزى كانت تبكى لامها : انا عايزة اخرج .
امها باصرار :
مفيش خروج كفاية بقى فضايح ، كوثر معاها فيديوهات ليكى ياقذرة وعديمة التربية وولد بيبوسك والله اعلم انتوا بتعملوا ايه تانى .
سوزى صرخت :
وانتوا مالكوا دى حياتى الشخصية محدش له دعوة .

ثريا ضربتها بالقلم :
امال مين اللى ليه لما بنتى تعمل القذارة دى مين اللى ليه .
سوزى تبكى :
انا عايزة اخرج انتوا حابسنى ليه !

نزل عبد الهادى يصرخ فى سوزى : انتى غورى من وشى انا مش عايز اشوفك.
سوزى صرخت بشدة : انا عايزة اخرج مع اصحابى ..

ثريا زقتها ناحية السلم الداخلى للفيلا :
غورى بقة اطلعى اوضتك كفاية اللى عملناه عشانك خسرنا صبرى بسببك .
سوزى جرت وطلعت على اوضتها .

عبد الهادى : اكمل هيجى دلوقتى ياثريا .
ثريا ردت عليه :
كويس خلينا نخلص من الموضوع دة بقة ونلبسها فيه وخلاص .قاطعهم وصول اكمل .

أكمل دخل الفيلا .
عبد الهادى استقبله ورحب بيه لكن اكمل كان متحفز جدا ويعلم انهم لا يضمرون الا الحقد والشر .
اكمل يكلم عبد الهادى وتجاهل ثريا تماما : خير ياعبد الهادى بيه .!