سباق المشاعر

الاثنان والخمسون ،،،،،،،،غرامة

استيقظت دنيا على صلاة الفجر  لم تجد اكمل بجوارها جلست على السرير وجدته بيعمل على المكتب ومشغول جدا .
دنيا راحت ناحيته وقالتله  : صباح الخير انت صاحى من امتى .!
اكمل نظر لها وقال  : صباح الفل معرفتش انام فقلت اقوم اشتغل شوية .
دنيا  : صليت ولا لسه !
اكمل  : صليت الحمد لله ماانا صاحى .
دنيا  : طب هاصلى واجيلك ، وبالفعل توضات دنيا وخرجت وصلت وانتهت وذهبت لاكمل وجلست على رجله  ووضعت راسها على كتفه وقالت  : معرفتش تنام ليه ايه الى شغلك كدة .!
اكمل يقبلها من خدها  : عادى لما يبقى عندى قضية مهمة مابعرفش انام ببقى مشغول بيها اتعودى على كدة عشان متقلقليش  ها !
دنيا  : تحب اعملك فطار وقهوة .
اكمل يمازحها  : نظر لها وقال  بجد ! هتعرفى .
دنيا نظرت له بغيظ وقالت  : ان شاء الله هاعرف .
اكمل ضحك وقبلها من خدها وقال  : دة هيبقى احلى فطار والله .

دنيا تركته وارتدت روب  من القماش ساتر لها ونزلت الى المطبخ وتعمد اكمل الا يذهب معها حتى تعتمد على نفسها وتتعود ان تتصرف فى بيتها كما تشاء انتظرها فى غرفتهم  .دخلت دنيا بعد عدة دقائق تحمل صينية بها جبن ومربى وزيتون ولانشون وعيش فينو وفنجان من القهوة .
اكمل نظر للفطار وفرح جدا  وقال : تسلم حبيبى اللى تعب نفسه .
دنيا  : هاعملك ساندوتش جبنه  عملتله فعلا واعطته اياه . اخذه اكمل ياكله وهو سعيد للغاية .

دنيا تنظر له وترى الفرحة فى عينه  تساله  : مبسوط كدة ليه .!
اكمل  : عشان مراتى حبيبتى عملتلى فطار حلو كنت بنزل لوحدى واعملى اى ساندوتش فكنت بافتكرك واقول امتى مراتى حبيبتى تيجى تعملى فطار .

دنيا ضحكت وقالت  : ايوة انت قلتلى قبل كدة حاجة زى دى  اكمل : وربنا حققه ليا احمدك يارب واشكر فضلك .
دنيا  : طب اشرب القهوة لتبرد . واكمل اخذ القهوة وشربها وقال ،،على فكرة قهوتك ممنازة تقريبا هتعود انتى اللى تعمليلى القهوة .

دنيا  : اؤمر ياشهريار وشهرزاد تنفذ  فطار قهوة غدا فساتين اى حاجة .
اكمل ضحك وقال  : يالا يالمضة افطرى وروحى نامى لسه بدرى .
دنيا  : لا انا مش هاعرف انام الا وانت جنبى اظاهر اتعودت على وجودك جنبى ونفسك فى وشى .
اكمل ضحك وقال  : او يمكن نفسك انتى فى رقبتى .
دنيا  : يعنى اى حاجة المهم اتعودت على كدة . وقامت وقالت  : انا هانزل الصينية واجى .
اكمل  : خليها ماتشغليش بالك بيها واكمل غطاها وقال  : روحى ارتاحى يالا  وانا هاكمل شغل واجى ارتاح جنبك شوية لما اخلص  .

دنيا  : ماشى وراحت على سريرها ومسكت هاتفها وفتحت الفيس وشوية تضحك وشوية تسكت  لحد مانزلت دموعها وبكت بحرقة لاحظها اكمل ذهب اليها مسرعا واخدها بحضنه وقال   :  مالك يادنيا بتعيطى ليه ! ايه اللى حصل .!!

دنيا ورته التليفون كان فيها بعض  التعليقات اللى بخصوص الحادثة بتاعتهم وفى ناس بتشتم اكمل وبتعتبره مش راجل لانه فرط فى حق مراته وان هو مش جدير انه ينصح الشباب  وتعليقات زى كدة كلها سب وشتيمة فى اكمل .