سباق المشاعر

الجزء السابع .......التدريب .

انتهت البنات من المحاضرات .وخرجت من الكلية .وقفن الثلاث فتيات يتحدثن قليلا .
قاطعهم فتاة جميلة اسمها تالا فى دفعة سنه رابعة .
تالا : السلام عليكم يابنات .
ردت البنات السلام .
تالا ،لدنيا : انا تالا مصرى فى سنه رابعة وسألت مين الاول والتانى فى دفعتكم عرفت ان واحد الاول وانتى التانية يادنيا .
دنيا ابتسمت رات امامها فتاة جميلة ترتدى بنطال واسع وقميص مشجر وطرحة باين عليها الاحترام والادب .
دنيا : ايوة اهلا بيكى يا تالا .
تالا ابتسمت : انا دورت عليكى وسألت عليكى الطلاب كلهم وكويس انى لقيتك ..
امانى : اهلا وسهلا خير بدورى على دنيا ليه !
تالا ابتسمت : انتى ياامانى ياوعد صح .!
امانى ابتسمت : انا امانى واشرت على وعد ،: ودى وعد .
تالا : اصلى لما سالت على دنيا قالولى مع امانى ووعد بقيت اسال عليكوا انتوا التلاته .
ضحكت البنات .
دنيا : خير ياتالا عايزانى فى ايه !

تالا : بخصوص التدريب عند الاستاذ اكمل الشيشتاوى .
دنيا : انتى اكيد الاولى ياالتانية صح !
ضحكت تالا : ايوة انا الاولى  كل سنة .
وعد : ماشاء الله ربنا يحفظك يابنتى والله .
امانى بمزاح : وماشية كدة زينا عادى على الارض .
تالا تضحك : امال امشى ازاى .
دنيا تضحك : امانى بتهزر معاكى قصدها الله اكبر عليكى .
امانى تضحك : بهزر معاكى ...ربنا يحفظك احنا بنحب الناس الفرفوشة .
دنيا : وعلى فكرة وعد وامانى الترتيب السادس يعنى معانا من الأوائل بردة .
تالا : يبقى الطيور على اشكالها تقع فعلا .
ضحكت البنات ..

تالا : انا كنت هاسالك يادنيا هتروحى التدريب دة .!
دنيا : ايوة هاروح دى فرصة كبيرة لينا كلنا .
تالا : وانا كمان هاروح وكنت عايزة حد يشجعنى واروح معاه .
دنيا : ليه فين التانى بتاع دفعتكم .!
تالا : دة ولد كدة لعبى وانا مش بتكلم معاه فقلت اسال على اول وتانى دفعتكم والحمد لله لقيتك بنت زى .
دنيا : الحمد لله طيب هنروح ازاى وامتى  ؟ ،  المفروض النهاردة .
تالا : انتى عارفه العنوان !
دنيا : تصورى لأ بس سهل اسال يعنى وعلى فكرة الاستاذ اكمل مستنينا النهاردة بعد الكلية ايه رايك تروحى معايا !
تالا ابتسمت : ممكن بس هاستاذن ماما ....وتركتهم وذهبت لتكلم امها .
امانى : اسالى يادنيا قبل ماتروحى فى حتة ماتعرفيهاش .
دنيا : عندك حق هاكلم بابا ...وكلمت ابوها وملاها العنوان ووصاها الا تتاخر .
دنيا : خلاص عرفت العنوان وهاكتبه على جوجل وربنا يسهل .
وعد : بت يادنيا ابقى تعالى قليلنا الاستاذ اكمل بيديكوا ايه وعرفينا .
دنيا اشرت على عينيها : من عيونى يا دودو بس كله بتمنه .

وعد بمزح : ،يخونك ساندوتشات الشاورما والكبدة .
امانى : اه قلة الاصل هتطلع ، ايه يابنت كبير المحامين .
دنيا : اه لو ابويا سمعك دلوقتى مش هتخلصى ابدا وهيعملك قضية ليه وفين وازاى ...
امانى : انا سحبت كلامى خلاص احنا مش قد الاستاذ احمد وبنته .
ضحكت البنات ومشيت امانى ووعد ليعودا الى المدينة الجامعية .