سباق المشاعر

الرابع والاربعون ،،،،،،لسه طفلة

خرجت دنيا غاضبة كثيرا جدا لم تكن تتصور ان أكمل  الذى ينادى بالاخلاق  سيفعل ذلك منتهى التناقض كيف  ينادى دائما   بحياة افضل ويدافع عن مجرم سحب الحياة من احدهم  ، كيف وكيف الف كيف  . وصلت دنيا لبيتها دخلت  وذهبت لغرفتها  وجلست غاضبة .
دخلت نسرين عليها  وقالت  : روحتى فين يادنيا !
دنيا  : مفيش ياماما  روحت مشوار ورجعت .
نسرين  : طب هتتغدى !
دنيا متوترة :  بعدين ياماما ..

خرجت نسرين لكنها تعلم جيدا اين ذهبت  وتقول ،،،يارب يكون الى فى دماغى غلط .

،،،،،،،،،،،،،،،،،،،،،،،،،،،،،،،،

كان اكمل فى مكتبه غاضب للغاية من كلام دنيا وموقفها الهجومى منه واتهاماتها له الغير صحيحة ، اتصل على المحامى الذى ارسله لمتابعة التحقيقات . وأخبره  ان المتهم  ذهب للنيابة .

اكمل  : طب خدلى اذن من  وكيل النيابة لمقابلة الولد  واقولى ..واغلق الخط .

كان يجلس  على مكتبه يلعب بقلم ما وتذكر  كل كلام دنيا وضم حواجبه بغضب . ودقيقة واتصل عليه المحامى واخبره انه اخذ الاذن لمقابلة الولد وانه فى انتظاره فى النيابة .

ذهب  اكمل الى النيابة وهو حزين للغاية لكنه اصر  ان يكمل ما يفعله وصل للنيابة  قابله بعض الضباط و بعض الامناء باحترام  شديد أكمل له شهرة واسعة والكبير والصغير يعرفه ويحترمه .دخل للنيابة  وجلس  الى ان يحضروا المتهم ..

اكمل لوكيل النيابة  : انا باشكرك ياافندم  .
وكيل النيابة  : دة حق المتهم انه يقعد مع محامى  هاعترض ليه .

دخل المتهم مع احد الامناء وجد شاب فى اول عمره لم يكن ضعيف جدا لكنه لم يكن صاحب عضلات كان  وجهه ملئ بالكدمات والعلامات الزرقاء حتى ان عينه كانت  منتفخة قليلا .

اكمل : تعالى ياكريم ..كريم رد عليه ،بذهول شديد  : استاذ اكمل !
أكمل ابتسم  : كويس انك عارفنى تعالى اقعد .
كريم  : طبعا عارفك  انا مبسوط قوى انى شفتك .

وكيل النيابة خرج ليترك لهم وقت للحديث سويا . اكمل  جلس وكريم امامه  وساله : ايه اللى حصل احكيلى بالظبط كل حاجة  واى حاجة حتى لو كانت مش مهمة او تافهه بالنسبة لك ياكريم ومتخبيش اى حاجة .

كريم بدا التاثر جدا فى نبرة صوته بدا يحكى من البداية  :
انا وصاحبى ايسر كنا صحاب من زمان قوى من واحنا عيال  ولما كبرنا بقى كل واحد له راى واتجاه فى حياته ، انا مكانش ليا فى البنات  وايسر كان بيكلم بنات كتير ونصحته اكتر من مرة انه يسيبه من الموضوع دة ،
كانت بتعجبنى فيديوهاتك وكلامك عن ازاى الشاب يكوب كويس وملتزم  وكنت باعمل بكلامك وفى مرة لقيته بيكلم بنت  انا عارفها كويس  وقلتله  مايكلمهاش افتكرنى  باغير منه  عشان هو بيكلمها  فاتخانقنا يومها وانا قررت انى مليش دعوة بيه تانى ابدا هو حر بقى .
وكمل كلامه وبدا العرق ينزل من جبينه ويمسحه بيده ..
وبقالنا كتير على الحال دة كل واحد فى حاله لحد امبارح  اتقابلنا  بالصدفة فى كافيه واحد صاحبنا وكنت قاعد فى حالى بعيد عنه  لقيته بيشاور عليا ويقول حاجة  لاصحابه وكلهم ضحكوا قانا اتضايقت قمت مشيت  وجه ورايا برة وقالى ،،ازيك ياصاحبى بقالى كتير مشفتكش.