سباق المشاعر

السابع والخمسون ،،،،،،ياشقية

مر يومان كاملان وعادا اكمل ودنيا للمنزل ..وانتهت الاجازة الصيفية وستبدأ الدراسة
جاءت امانى للمدينة الجامعية واستقرت بها .

فى منزل سليم .
وعد استيقظت باكرا حتى تساعد زوجها على ارتداء ملابسه وتحضر له فطار.
سليم : ياه دة الواحد كان بيتبهدل والله على مايصحى ويلبس كان عذاب والله وهو عايش لوحده .
وعد ضحكت وقالت : ربنا بيحبك اهو السنادى معاك اتنين .
سليم قبلها من خدها وقال : اتنين شقاى الواد وامه .
وعد بدلع : كدة انا شقية. !
سليم : جذيها لحضنه وقال ،،،احلى شقية وحسس على بطنها وقال ،،،،والشقى اللى جوة دة اللى مخليكى تعبانة .

وعد ، : دة عسل ماتقولش على حبيبى الصغنن كدة عشان هيطلع شبهك.
سليم ضحك وقال : عايزاه شبهى ! وعد ردت ،،،،ايوة امال ، عايزاه شبه ابوه راجل كدة وحمش وحنين برده .
سليم : مايمكن تكون بنوتة هاتعملى ايه !

وعد : بنوتة بنوتة هطلعها اميرة كدة فى نفسها .
سليم وهو يضع برفانه وقد انتهى من اللبس قال : اه يانا مش عارف اخبيكى بقة ولا اخبى بنتك من عيون الناس . عشان هتكونوا اتنين قمرات .
وعد قربت منه وقالت : انهاردة اول يوم دراسة وكل البنات رايحين على سنجة عشرة خدبالك منهم .

سليم ضحك وقال : ماشى هاخد بالى مش هاخلى واحدة تقربلى خالص هوفقهم بعيد .
وعد : كدة بتتريق ماشى ياسليم .
سليم ضحك وجذبها لحضنه وقال : انا خلاص راحت عليا بقيت متجوز دلوقتى ومسؤول عن بيت وعيلة .

وعد : بتثبتنى صح !
سليم نظر لعيونها ومسح على شعرها وقال ،،،هو فى حد معاه اجمل بنت فى الدنيا ويبص لحد تانى وقبلها من خدها .
وعد : بس خد بالك برده البنات اليومين دول منفتحين خالص .

سليم ضحك وقال :
وانا راجل مقفل متخافيش ياحبيبى وقبلها من خدها واخذ حقيبته وخرج .
وعد : ربنا يحفظك ليا ياحبيبى . ودخلت على السرير لتنام .

،،،،،،،،،،،،

اكمل كان ارتدى ملابسه ووقف امام المراه يسرح شعره ودنيا تقف امامه تعدل له كرافتته وتقول والنبى يااكمل .
اكمل : لا .
دنيا تقبله من خده : والنبى سيبنى اروح الكلية باى عربية .
اكمل : لا ، تروحى بالسواق انتى تسوقى لا .
دنيا تنظر له بغيظ : على فكرة انا باسوق من زمان قوى .

اكمل قبلها من خدها وقال : ماانا عارف بس ياحبيبتى تسوقى انتى ليه دلوقتى ! عندك سواقين كتير برة وبعدين انتى من ساعة حادثة شرم وانتى بتخافى فبلاش تسوقى انتى .
دنيا : كدة وعملت نفسها زعلانة ولفت ظهرها لاكمل .
اكمل حضنها من الخلف وقبلها من عنقها وقال : برده لأ
دنيا لفت له وقالت : دكتاتورى ظالم .

اكمل : وصلت لظالم ودكتاتورى و فكر قليلا وقال ،،،برده لا وقبلها وخرج من الاوضة .

دنيا ذهبت للسرير ،
رجع اكمل ودخل الاوضة وقفت دنيا تنظر له اقبل عليها اكمل وحضنها من وسطها وقال ،،مايهونش عليا اسيبك زعلانة بس بجد انا بقيت بخاف عليكى اكتر لاحسن حد غلس يغلس عليكى تخافى ويغمى عليكى خلى معاكى عم اسماعيل افضل ، راجل كبير ومحترم ماشى !
دنيا : ماشى هاعمل ايه يعنى .
اكمل : يسلملى حبيبى المطيع وقبلها من خدها ومشى .