سباق المشاعر

الاربعين ،،،،،،الشرط

فى منزل احمد .
كان الجميع قد اكلوا وعملت دنيا الشاى للجميع الجميع طلبوا شاى  . واكمل طلب قهوة منها . عملت دنيا الشاى والقهوة وخرجت ،

اكمل يشاكسها : لما نشوف بتعرفى تعملى قهوة ولا لأ !  . دنيا نظرت له وضمت شفاهها  كثيرا ولم تتحدث  واعطت لكل واحد كوب شاى .

اكمل شرب من القهوة وعجبته وقال : الله دى طلعت بتعرف تعمل قهوة والله .
نسرين لاكمل : طبعا دنيا بتعرف تعمل حاجات كتير بس لما تحب غير كدة لا .

أكمل  : انا عايز اتكلم معاكوا فى موضوع مهم وكويس اننا كلنا متجمعين . ثم نظر لاحمد ونسرين وقال ،،،انا عايز اتجوز دنيا فى الاجازة دى  .

نسرين : يااكمل  دنيا لسه بتدرس والجواز هيعطلها كتير  عن ترتيبها .
كوثر : ما تقلقيش يامدام نسرين دى هتكون فى عينيا من جوة مش هيكون وراها الا المذاكرة وجوزها وبس .

نسرين : ما  دة  اللى انا بقوله اكمل راجل وهيكون ليه متطلبات كاى زوج  يعنى هى هتسيب مذاكرتها وتفضى لجوزها  وخصوصا انه بيحبها يعنى هتكون مشغولة بيه طول الوقت .
أكمل احرج قليلا لكن رد وقال  :   ماتخافيش ومتقلقيش انا مش هاسيبها انا هاذكرلها وهابقى فوق راسها مش هخليها تتعطل ولا حاجة .

احمد : ياابنى الكلام سهل لكن الواقع حاجة تانية بقى انت راجع من الشغل عايز مراتك تحب فيك  وتدلعك ولا تسيبك وتذاكر  !

أكمل  كح من الاحراج وقال :  متخافوش ياجماعة اكيد يعنى هنرتب وقتنا اكيد مش كله دلع وحب مافى برده وقت للشغل .
دنيا كانت خجلة ومتربكة جدا جدا  امامهم لم تتكلم كلمة واحدة ..

كوثر : مافى بنات كتير بيكملوا وهما متجوزين وحياتهم ماشية كويس انتوا قلقانين ليه وبعدين الفيلا كبيرة وفيها عمال كتير قوى يعنى هتتشال فى عينينا ومش هتعمل حاجة ابدا هتكون هانم فى بيتها .

نسرين : وموضوع الفيلا دة برده .
اكمل قاطع كلام نسرين : احنا اتقفنا انا ودنيا ان لو مارتحناش نشترى شقة لوحدنا .

كوثر اعترضت  : ازاى دة ! دى الفيلا كلها هتكون بتاعة دنيا ازاى تسيبها وتمشى  متخافيش يادنيا انتى هتبقى زى تقى بالظبط واكتر دانتى مرات ابنى الوحيد وعمرى ماهاعمل حما وكلام من دة عليكى .

دنيا احرجت كثيرا من حب كوثر ردت عليها : العفو ياماما كوثر حضرتك امى التانية .
اكمل : يبقى خلاص موضوع الفيلا دة منتهى ونظر لنسرين ،،،صح !
نسرين : تمام ياابنى  بس الجواز دة صعب .

أكمل  : يعنى حضرتك عايزانا نستنى كدة سنة بحالها   يعنى اقابل دنيا ونخرج واجى  ونروح سنة بحالها   وهى مراتى  يعنى حضرتك  هتكونى مبسوطة كدة نقضيها خروجات  ولا تبقى مراتى وفى بيتى !

احمد  : لا طبعا  مش هنكون مبسوطين يااكمل لكن انا ممكن اوافق بس بشرط .
اكمل تحمس كثيرا  : ايه حضرتك !