سباق المشاعر

التاسع .....مش نصيبك .

دنيا وقفت على جانب الطريق  .
دنيا : ايه اللى فى وشك دة يا تالا مين عمل فيكى كدة !
تالا تبكى : ارجوكى يادنيا انا مش عايزة اتكلم .
دنيا مسكت ايديها : طب اهدى ما تعيطيش خلاص انا قلقت عليكى بس مش قصدى انى اتدخل فى خصوصياتك ..
تالا تبكى : انا مش قصدى يادنيا متزعليش .بس انا فعلا مش قادرة اتكلم .
دنيا ابتسمت : خلاصةاهدى ياستى  انا زى اختك لما تحبى تكلمى اتا هاسمعك .
تالا ابتسمت وهى تبكى : وانا والله حبيتك زى اختى بالظبط  بس سيبينى انهاردة انا فعلا تعبانة ومش عايزة اتكلم  .
دنيا تركتها ونزلت لاقرب سوبر ماركت واشترت عصير وماء وشيبسى لهما .
دنيا دخلت سيارتها واعطتها الكيس : خدى ياستى اشربى ميه ولا عصير عشان تهدى  .ثم كلمتها بحنو : اسمعى ياتالا انا معرفش ايه اللى بيحصل معاكى بس هقولك على روشته حلوة قوى  تخرجك من اللى انتى فيه .
تالا بحماس : ايه اللى ممكن يساعدنى قوليلى ..

دنيا : صلى ركعتين لله بعد ما تصلى كل الفروض بتاعة اليوم  واتكلمى مع ربنا وانتى ساجدة هو بيسمعك  وهو القادر على انه يخرجك من اللى انتى فيه  هو قال بسم الله الرحمن الرحيم ( نحن اقرب اليك من حبل الوريد ) خلى قلبك هو اللى يشتكيله همه صدقينى هتلاقى  فرج قريب قوى .ادعى لربنا وخلى عندك يقين فى استجابة الدعاء وانه سمعك  سيدنا محمد عليه أفضل  الصلاة والسلام قال( الدعاء عبادة )
تالا نظرت لدنيا نظرة ذهول : نتى يادنيا ازاى كدة ..
دنيا استغربت وردت : انا ازاى ازاى مش فاهمة .!
تالا : يعنى انتى ، قصدى يعنى كل حاجة عندك لها حل كدة .
دنيا ابتسمت لها وردت ؛ الحل موجود لما جه سيدنا محمد عليه افضل الصلاة والسلام  لما عرفنا دينا كله وعلمنا ازاى نقرب من ربنا وكل واحد وشطرته بقه  حبى ربنا بالطريقة اللى تحبيها . تقربى منه بكل طريقة هتلاقى الصعب معاكى بقة سهل هتلاقى فرج لكل مشكلة اسمعى كلامى  . وحتى لو منحلتش بطريقتك انتى هتلاقى ربنا حلها بطريقته هو طريقة فيه عظمة لقدرته هو .
تالا : مين اللى علمك الكلام دة  !
دنيا : بويا وامى علمونى شوية وانا بقيت ادور بنفسى واتعلم بنفسى  يعنى اقرأ عن السيرة النبوية اقرا عن اصحاب النبى  عليه الصلاة والسلام واشوف الناس دى تعبت ازاى عشان الدين يوصلنا  واعرف وافهم .  وشخصيتى اتبنت من فهمى  للدين  باقرا تفسير للسور 
كل دة موجود على الإنترنت اسمعى ابدأى الأول بالسيرة النبوية واعرفى اكتر . عندك ناس بتتكلم عنها بشكل جميل قوى ومبسط هتفهمى اكتر  .
تالا : ان شاء الله هاعمل كدة انا فعلا مقصرة فى دة ولازم اراجع نفسى  وصمتت لدقيقة ثم قالت : يمكن عشان عندك حد يشجعك على دة ، لكن للاسف انا معنديش .

دنيا  نظرت لها وتقريبا فهمت ما تقصد : انا مبحبش اتدخل فى حياة حد لكن انا فعلا قلقت عليكى ياتالا  احنا يمكن نعرف بعض من كام يوم بس لكن الناس بتبان بردة .
تالا ابتسمت : ودة احساسى ناحيتك والله يادنيا يمكن ييجى اليوم اللى احكيلك فيه .
دنيا: طب اشربى  واخذت عصير وشربته وانطلقت بسيارتها الى المنزل ونزلت تالا بالطريق .
نزلت دنيا  وجدت سيلا جارتهم تقف وتضحك مع احد الشبان بدون حياء ابدا وصوتهم عالى .
دنيا  نظرت لهم لكن لم تتحدث  عبرت من امامهم وصعدت لشقتها . دخلت وهى تدعى بالستر لكل بنات المسلمين .