اكمل كان تصميمه اكبر من اعتراض الدكتور .الدكتور حاول ان يهديه لكن اكمل صمم انه يروح لدنيا عشان يطمنها انه بخير . وهو كمان يطمن عليها هى حبيبته ودنيته .
الدكتور وضع له رقبه حتى تسند رأسه وحمله بعض الممرضين مع عادل على كرسى متحرك بعدما عادل ساعده ان يلبس لبس بيتى تيشيرت بيج وبنطال قطنى اسود حتى يظهر لدنيا انه بخير تماما ..
ساعده عادل على الخروج من غرفته على كرسى متحرك ..
كوثر فرحت انها شافته وتقى جريوا عليه لما شافوه .اكمل مسك يد امه وقال ،،اطمنوا،،انا بخير .
عادل : استنوه هنا ياجماعه ثانية واحدة وراجعين
تقى وقفت مذهولة :
انتوا رايحين فين وهو تعبان كدة !
عادل : هنعمل حاجة وجايين استنونا هنا واخذ اكمل لغرفة دنيا وخبط على الباب .فتح احمد نصدم عندما راى اكمل على كرسى امامه .
اكمل بتعب لكن متماسك :
دنيا عاملة ايه يااستاذ احمد ..!
احمد : اتفضل يااكمل يابنى ليه تتحامل على نفسك انك تتيجى لحد هنا .
دخل أكمل وعادل بيزق الكرسى .
نسرين : الف سلامة عليك يااستاذ أكمل الحمد لله انك بخير .
دنيا سمعتهم يكلمون اكمل كانت مستلقية على السرير ، قامت وانعدلت وشافته قدامها دمعت غصب عنها عندما رات راسه مضمدة بالشاش ويضع الرقبه و يده مضمدة ..دمعت وقالت بدموع تتساقط من عينيها : انت بخير !
اكمل ابتسم لها وذهب بالكرسى جانبها .عادل خرج وخرج معه احمد ومعاذ وظلت نسرين معهم لكنها بعيدة تجلس على الكرسى ..
أكمل ابتسم لها وقال بحب :
متعيطيش أنا قدامك اهو بخير كلها كام يوم واخرج من هنا .
دنيا تبكى بصمت : انا معرفتش اعملك حاجة ساعتها .
اكمل مبتسم لها :
كفاية بس انى شفتك ساعتها وانا الحمد لله اهو بخير اطمنى كفاية عياط قومى بقة وارجعى البيت وانسى اللى حصل كله واهتمى بس باخر مادة لازم تقفليها والا هازعل والله .
دنيا ابتسمت له : ان شاء الله .
اكمل كان عايز ياخدها بحضنه ويدخلها جوة ضلوعه ويقولها انه بخير ولا يترك حضنها ابدا .دموعها تقطع فى خلايا قلبه يريد ان يطمئنها عليه ويخبرها انه بخير تماما لكن يخبرها بطريقة العاشقين ... لكن ليترك كل شيء باوانه ..
اكمل ظل ينظر اليها ويقول :
دنيا انتى قوية ومؤمنة بالله اللى حصل دة مكتوب ارجعى لحياتك ومزاكرتك واطمنى انا بخير وهاكون بخير اكتر لما اعرف انك بقيتى كويسة . اكمل كان يتألم لكنه متحامل على نفسه حتى يطمن دنيته لا يهمه نفسه هى الاهم الان هى الاهم دائما .
اكمل نظر لها وابتسم ثم نادى عادل ..دخل عادل وساعده يرجع بالكرسى
احمد : الحمد لله انك بخير .
اكمل ابتسم له لم يستطيع ان يتكلم اكثر من ذلك .
عادل فهم استاذن وذهب بأكمل الى غرفته ..دخل غرفته وهو يتألم ساعده الممرضين .
الدكتور : مكنش فى داعى ابدا تتحرك من مكانك ..
اكمل بألم شديد : ادينى اى مسكن ولا حاجة .
الدكتور علق له محلول وجقنه بالدواء وقال : دلوقتى هتنام وهتبقى كويس اهدى ..
اكمل اطمن على دنيته وابتسم وراح للنوم .
دخل احمد لدنيا :اطمنتى ياستى انه بخير الحمد لله ايه بقى نرجع البيت ولا ايه !
دنيا ابتسمت .
نسرين : الدكتورة دلوقتى تيجى وتشوفها ..
معاذ رجع وعاد يحمل ساندوتشات للفطار اعطى كل واحد ساندويتش لكن دنيا رفضت .كانت فرحانه ومبسوطة من كل قلبها ان اكمل بخير مش قادرة تنسى شكله وهو غرقان فى دمه غمضت عينيها جامد وقفلت ايدها على بعض لكن حمدت ربها انه بخير ظلت تحمد الله فى سرها حتى راحت فى النوم ..
نسرين كانت متبعاها حتى نامت فعلا ..
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
