سباق المشاعر

السادس والعشرون ،،،،كسر القلب

فى صباح اليوم التالى ذهبت وعد وامانى للكلية وحصلتهم دنيا دخلت وجلست معهم . دنيا لاحظت ان وعد ليست على حالتها الطبيعية وتذكرت كلام امانى بالامس .
دنيا : ايه ياعيال مش خلصنا محاضرات يالا بينا انا عزماكم على شاورما بمناسبة شبكة وعودة .
امانى ضحكت وفرحت : يالا بينا اهو دة الكلام .
وعد حزينة بعض الشيء : خليها مرة تانية يابنات .
دنيا : لا احنا ما صدقنا نفرح يالا بينا .
وعد رن هاتفها كان سليم ترددت ان ترد عليه لكن فى النهاية ردت .
وعد : السلام عليكم .
سليم قلقان عليها :
وعليكم السلام ايه ياوعد مش بتردى على تليفونك من امبارح انتى فين .!

وعد تنحت قليلا عن البنات وقالت : معلش كنت نايمة .
سليم : انتوا خلصتوا محاضرات طبعا .
وعد : ايوة ومروحين على طول .

سليم شعر ان وعد ليست على حالتها الطبيعية سألها : مالك ياوعد !
وعد : مفيش حاجة انا كويسة .
سليم لم يصدقها : بس حاسس ان فى حاجة انتى تعبانة !
وعد : لا ابدا .
سليم :  طب كويس استنينى عشان نروح نجيب فستان الخطوبة.
وعد اعترضت وحاولت تهرب من مقابلة سليم :
لا مش النهاردة خليها يوم تانى .

سليم تاكد ان وعد بها شيئا سألها  :
ليه مش النهاردة دة مفضلش غير يومين بس على الخطوبة خلينا نجيبه النهاردة .

وعد : طب خلاص انا والبنات عند البوابة .
سليم : تمام دقيقة وجايلك واغلق الهاتف .
ذهبت وعد للبنات .
وعد بحزن  :  سليم جاى عشان نشترى فستان الخطوبة .

دنيا مسكت ايدها : و اللى يروح يشترى فستان خطوبته يبقى زعلان وحزين كدة !
امانى لوعد : يابت افرحى ما تفكريش فى اى حاجة افرحى وبس .
وعد ابتسمت : ماشى .

دنيا : ياوعد افرحى الراجل اللى بيحبك وبتحبيه كتب كتابكم كمان يومين افرحى وبينيله انك كمان فرحانه والعيال ولاد التييت دول غيرانين منك عشان الدكتور سليم حبك انتى واختارك انتى وبس .

امانى لدنيا : انتى ساعات كدة بتطلعى حكم والله .
دنيا تمزح معها :
يابنتى انا كلى حكم .المهم اختارى فستان كدة بورد احمر واخضر واصفر اعملى شغل كدة . ضحكت البنات
وعد : انتوا اللى هتختاروا انا معرفش هاختار ايه .
دنيا : هو احنا هنيجى معاكى !
وعد : طبعا امال مين اللى هيختارلى ان شاء الله !
امانى : الراجل شكله هيخدها واحنا معاها فوق البيعة .
ضحكت البنات بشدة حتى وصل لهم سليم .
سليم : السلام عليكم .
ردت البنات .
وعد : وعليكم السلام .
سليم : ها جاهزين !
دنيا : جاهزين يادكتور اتفضلوا انتوا وانا هاجى وراكوا . سليم سبقهم ليحضر سيارته .
وعد مسكت ايد امانى : يالا تعالى معايا نركب سوا مع سليم .
امانى بهمس : يابت هو انا المحرم ما تركبى مع الراجل هو هيخطفك !
وعد : لو مجتيش هركب معاكوا والله .
امانى ،،،امرى لله يالا  الراجل هيكرهنى كدة .

دنيا  : بطلوا رغى الراجل ياخد باله . انا رايحة اجيب سيارتى الفخمة الرولنج روف .
ضحكت البنات عليها وبالفعل حضر سليم ركبت وعد جنبه وامانى فى الخلف ..وكانت وعد حزينة بعض الشيء شعر بها سليم لكن انتظر حتى يكونوا لحالهم ليفهم منها ما بها .