سباق المشاعر

الخامس والعشرين ،،،،،الشبكة

استيقظت دنيا باكرا قامت وصلت ثم وجدت رسالة من وعد( انهم مش هيروحوا انهاردة .)
خرجت من اوضتها لقت ابوها بيفطر مع امها .
دنيا : بتعملوا ايه .!
احمد : تعالى افطرى معانا قبل ما تروحى الكلية .
دنيا : العيال مش رايحين فانا مش هاروح هادخل انام .
نسرين : عيال كسلانين كلهم عايزين السرير .
احمد لنسرين : يعنى انتى كنت بتروحى الكلية كل يوم .،!!،

نسرين : اه طبعا كان لازم اروح غصب عنى انت ناسى العملى اللى كنت باعمله كنت افضل يومين اعمل فى مكعب والوان وخامات وفوم احمر واخضر وفى الاخر مايعجبش الدكتورة .افضل ادعى عليها لحد مااروح .

ضحكت دنيا واحمد .
دنيا : بجد مااشتغلتيش ليه ياماما وفتحتى حضانة .
نسرين : اصلى اتجوزت عقبالك وعملت حضانة هنا خصوصى عشانك .
ضحك احمد : انتى يادنيا كنتى متشالة ٢٤ ساعة حتى وانتى نايمة .
دنيا : ليه كنت هاتخطف ولا ايه !
احمد ::لا كنتى رزلة وعايزة امك تشيلك طول الوقت امك بس حتى انا كنت باخدك منها ساعات عشان تنام شوية ولا تدخل الحمام ..
دنيا حضنت امها : ولحد دلوقتى حبيبتى يانسرين والله .
نسرين ::ماشى انا بتثبت شكلى .

خرج معاذ .
ابوه : على فين كدة !
معاذ :؛رايح المدرسة عشان نتفق انا والعيال هانعمل ايه .
دنيا : الله يسهلو شرم اسبوع .
معاذ ::اهدى كدة بلاش قر دا اسبوع مش شهر .
دنيا ::ماتخدنى معاك ياض .
معاذ : هيه رحلة ! هاخدك ازاى مع اصحابى يعنى وسابهم ومشى .

نسرين تضحك : راجل ياموزو هذا الشبل من ذاك الاسد .ونظرت لاحمد وضحكت
ضحك احمد : اهو انا اللى بثبت دلوقتى اهو .
دنيا وقفت : انا الى السرير . وتركتهم وذهبت الى غرفتها وظلت تفكر كثيرا فى اكمل وبعدها استغفرت ربها ونامت ..
،،،،،،،،،،،،،
استيقظ اكمل باكرا وذهب الى مكتبه وهو يعلم ان دنيا فى الكلية لم يراها منذ يومين اشتاق لها ولعيونها ووجهها الجميل اشتاق لابتسامتها النادرة وكانها ملكة تبخل على رعاياها بالابتسام لتظل ملكة هى وحدها ملكة قلبه وعقله وخجلها كاد يذهب بعقله .قاطعه رنين هاتفه كان سامر .

اكمل : صباح الخير .
سامر : ،صباح الفل اخبارك ايه ازيك .
اكمل : بخير انت ايه الاخبار عندك طمنى !
سامر ::كله تمام وفى معدات بدات تروح الموقع من النهاردة .
اكمل : الحمد لله خليه يسيطر على المشروع بقة نخلص .
سامر ضحك : طب ياسيدى حبيت افرحك بس .
اكمل : وانا كل مدة كدة هاروح اشوف بتعملوا ايه .
سامر : اطمن فى هنا مهندسين وعمال فى الموقع اطمن .
اكمل : تمام . واغلق الخط .
بعد فترة بسيطة دخلت سارة .

اكمل : ،خير ياسارة .!
سارة : استاذ ادهم برة عايز حضرتك .
اكمل : خليه يدخل .
خرجت سارة ودخل ادهم .

اكمل : اهلا ياادهم اتفضل .
ادهم : ازيك يااكمل عامل ايه اخبارك !
اكمل رد : بخير تشرب قهوة !،
ادهم : لا شكرا مش عايز لسه شارب انا عايزك فى موضوع كدة انت فاضى !
اكمل ::مادام جيت افضالك مخصوص خير !