سباق المشاعر

الرابع والثلاثون ،،مكافأة كبيرة

اتصل اكمل على دنيا . بعد انتظار وقلق كبير كانت فيهم دنيا تريد ان تطمئن على حبيبها أكمل  .
دنيا ردت : السلام عليكم .
اكمل بفرحة  وباين جدا فى صوته :
وعليكم السلام اهلا يااحلى حاجة فى حياتى وشك خير عليا الف مبرووك علينا كسبنا القضية .
دنيا فرحت كثيرا ودمعت وقالت : بجد ! الف مبرووك .
اكمل : تعرفى انتى اول واحدة تعرفى الخبر انا لسه خارج من المحكمة حالا قلت لازم تكونى اول واحدة تعرفى .

دنيا بفرحة كبيرة  : الف مبرووك وقالت بخجل ،،،،انت كويس !
اكمل : الحمد لله بخير معلش كنت مشغول الفترة اللى فاتت ليل ونهار حتى مكنتش بانام علشان اكسب القضية دى  وارجعلك بسرعه .
دنيا بقلق : ،يعنى كل حاجة خلصت ولا لسه فى حاجة تانى .!
اكمل بخبث يمازحها : عايزانى ارجع بسرعة يادنيا .!

دنيا ارتبكت وردت : ،مش قصدى .
اكمل ضحك : بس بس بهزر معاكى انا بقة اللى عايز اطير وارجع تصدقى .!
دنيا ابتسمت ولم ترد .

اكمل : انتى مش متخيلة التعب اللى شفناه فى القضية دى الحمد لله الحمد لله ربنا كريم .
دنيا : يمكن ربنا عمل كدة عشان يرزق الناس الكتير اللى فى المكتب دول .
اكمل : اكيد وناس كتير غيرهم ربنا بيبعتلهم رزقهم برده .

دنيا :  ربنا يعطيك من رزقه وفضله .
اكمل : قولى ربنا يرزقنا اجمعى نفسك معايا لاننا هنبقى واحد من هنا وجاى فاهمة !
دنيا خجلت : لسه بدرى لسه مقلتش رايى لسه بفكر .
اكمل ابتسم  : وانا عارف بتفكرى فى ايه . متحاوليش يادنيا .
دنيا : انت مش سهل ابدا ابدا .
اكمل بحب  : وانتى قلبى وروحى وعقلى .

دنيا ارتبكت وردت بخجل : بلاش الكلام دة .

اكمل ضحك وقال بحب صادق نابع من كل قلبه :
مش كفاية انى بعيد ومش شايفك سيبينى اقول الكلام اللى اتحرمت منه شهور وكان نفسى اقوله من ساعة ماشفتك وحبيتك سيبينى اطلع احساسى بيكى ومش عارف اقرب و انا متكتف ، سيبينى اعوضك واعوض نفسى وقلبى عن كل لحظة كان المفروض اقولك فيها انى بحبك بحبك وانتى لازم تسمعينى يادنيا .

دنيا تبتسم وسعيدة جدا من قلبها وردت :
كل الكلام دة سابق لاوانه لما ترجع بالسلامة نبقى نشوف بلاش نغضب ربنا .

اكمل : ربنا هو المطلع على قلوبنا وعارف اننا اتعذبنا واتألمنا قد ايه فهو الغفور الرحيم اسمعى انا يومين وراجع استنينى ..
دنيا ارتبكت : ربنا يرجعك بالسلامة .
اكمل : ايوة ادعيلى يادنيا ربنا يجمعنا مع بعض .

دنيا لم ترد لكنها تبتسم .
اكمل : انا هاسيبك بقة ورايا حاجات كتير لازم اخلصها قبل ما امشى  استنينى بحبك سلام لا اله الا الله  .
دنيا ردت : سيدنا محمدا رسول الله . واغلقت الهاتف ...

دنيا فرحت كثيرا لان اكمل كسب القضية . دخلت امها عليها وجلست بجوارها وقالت : كنتى بتتكلمى فى التليفون يادنيا !