سباق المشاعر

الخامس والاربعون، ،،،،،كل نص ساعة

ذهبت نسرين الى الكافيه لتقابل اكمل ،  لابد من اخذ موقف  حتى تتضح الصورة وقررت نسرين ان تتدخل بذكاء لتحل المشكلة  . جاء اكمل بعدها بعدة دقائق سلم عليها وجلس .

نسرين : ازيك يااكمل عامل ايه !
اكمل : الحمد لله ازيكوا انتوا عاملين ايه !
نسرين : احنا كويسين الحمد لله مابتسألش علينا ليه !
اكمل  : مشغول والله انا اسف .

نسرين : وبعدين يعنى فى اللى بيحصل دة .!
اكمل : كله هيبقى تمام ماتقلقيش يامدام نسرين .

نسرين بحدة  :
ماقلقش ازاى وبنتى ليها كام يوم حزينة لابتاكل ولا بتشرب ازاى مقلقش وانت ماكلمتهاش ولا رديت مرة عليها ازاى مقلقش واحنا مش عارفين ايه اللى جاى .
اكمل كان يسمعها فقط لكن لم يرد ..

نسرين  : انا عارفة ان دنيا غلطت بس قلت يوم ولا اتنين وترجعوا عادى لكن كلامى فى الاول هو اللى حصل واللى كنت خايفة منه بيحصل .

اكمل : هو ايه اللى حضرتك كنتى خايفة منه .!
نسرين  : انا قولت جواز السنة دى لأ ويمكن كنت معارضة الخطوبة كمان بس احمد قالى واكدلى انك تستحق دنيا لكن للاسف انا شايفة حاجة تانية دنيا غلطت وانت ماستحملتهاش ، دنيا اندفعت عليك بالكلام وانت بتعاقبها بقسوة وشدة يبقى العلاقة دى مش هتنفع مش هاتكمل .
دنيا مع تفكيرها الكبير بس بردة لسه صغيرة ممكن تغلط لكن انت خبرة اكتر فى الحياة ازاى مااحتوتش المشكلة وسيبتها لحد ماتكبر كدة  ، عارف بنتى بيجرالها ايه كل يوم وانت مابتردش عليها ، عارف احنا كمان احساسنا ايه لما نشوف بنتنا العروسة بيجرالها كدة وبتتعاقب  كدة كل يوم .
. وقبل ان يتكلم اكمل .نسرين طلعت علبة الشبكة ووضعتها قدام أكمل وقالت ،،،انا بنتى عندى بالدنيا كلها وان كانت غلطت فانت غلطت زيها عشان ماسامحتش وانا مش عارفة الحياة بينكم هتكون ازاى كدة .
الحياة مودة ورحمة مش حب وبس القران ذكر مودة ورحمة مذكرش الحب لان المودة بين الاتنين هى اللى بتعيش . دى شبكتك واتمنى كل واحد يروح لحاله بهدوء ، بنتى هتتعب شوية معلش بس هيجيلها اللى يقدرها ويعرف يحتويها وانت ربنا يسعدك ببنت الحلال اللى تقدرك ووقفت ومشت كام خطوة فشعر اكمل بان كل شىء سيذهب من يده ذهب يركض خلف نسرين وقال ،،استنى يامدام نسرين ،انتى بتعملى ايه !

نسرين  : باعمل الصح انتوا اتنين مش متفاهمين والحب مش كل حاجة . مسكها اكمل من يدها وذهب بها الى الطاولة مرة اخرى وقال ،،اقعدى بس نتكلم .

نسرين  : مبقاش فى كلام خلاص .
اكمل قال  : اقعدى بس نتكلم وقعدها بالعافية وقال ،،،انا فعلا غلطان زى ما قلتى بس انا كنت متضايق فعلا من نظرة دنيا ليا نظرة حقيرة خلتنى قدام نفسى منافق ومخادع ودة جرحنى قوى من جوة .

نسرين : قلنا بنتى غلطت ماستحملتش عليك تزعل منها ساعة واحدة اعتذرلتلك كتير كان واجب عليك ياتسامح ياتبعد خالص وانت لا عملت لا دة ولا دة . انت غلطان زيها بالظبط .