مر عدة ايام وتبقى آخر مادة وهى الشريعة لدنيا فقررت ان تذهب للمكتب لم تقاوم رغبتها فى الذهاب ، لا تعرف لما تريد ان تذهب قالت لنفسها ،،،،،ممكن حد يراجع معايا المادة وفى نفسها كانت تريد اكمل يراجع معها ..صلت الظهر ولبست دريس جميل وطرحة جميلة وذهبت للمكتب ...دخلت وذهبت الى مكتب الاستاذ عماد ..
استاذ عماد : اهلا يااستاذة اخبار الامتحانات ايه !
دنيا : الحمد لله قولت لسه فاضل اسبوع على اخر مادة قولت اجى يمكن تحتاجونى فى حاجة ،
ضحك عماد وقال : فعلا الصراحة انتوا ممتازين قوى وبتفهموا بسرعة ودة سهل عليا ازاى ابدأ معاكوا ..
دنيا : طب الحمد لله انا ممكن اساعد حضرتك فى ايه !
عماد : ولا حاجة انا بكتب مذكرة دلوقتى لجنحة ممكن تساعدينى انك تناولينى كتاب وقال اسمه من مكتب الاستاذ اكمل ..
دنيا ارتبكت كثيرا وقالت : هو ضرورى قوى .!!!
عماد وقف : لو مش عايزة تروحى هاروح انا .
دنيا : لا خلاص هاروح انا حضرتك خليك .وتركته وذهبت الى مكتب أكمل ...
سارة : اهلا يااستاذة خير !
دنيا ::الاستاذ عماد عايز كتاب من مكتبة استاذ أكمل .
سارة : طب اتفضلى ادخليله ..
دنيا بحرج خبطت على الباب .
اكمل : ادخل ..دخلت دنيا وكانت اجمل مفاجاة لم يتوقعها اكمل وقف وابتسم لها وقال : دنيا اهلا تعالى انتى هنا من امتى !
دنيا بخجل وحرج : انا جيت من شوية والاستاذ عماد عاوز كتاب من مكتبة حضرتك وقالت اسمه ..
اكمل ابتسم على خجلها وقال : قوليلى عملتى ايه فى الامتحانات الاول كنت قلقان عليكوا .كان يريد ان يتحدث معها ويطفى نار اشتياقه لها لها مدة تغيب عن عينه لم تشبع عينه من رؤياها وقلبه من الاطمئنان عليها فهى حبيبته.
دنيا : الحمد لله فاضل بس الشريعة ودى بعد اسبوع .
اكمل : عارف .طب مش محتاجة مراجعه !.
دنيا : شكرا ممكن الكتاب .
اعطاها اكمل الكتاب خرجت دنيا وخرج معها اكمل : ايه رايك اراجعلك شوية قبل ما تمشى ! كان يريد اى حجة لتبقى معه اطول فترة ممكنة حتى يشبع من رؤيتها
دنيا : ممكن قاطعهم احدى الموظفات : الف مبرووك يااستاذ اكمل على الفرح حضرتك ليه كنت مخبى دى مصر كلها عارفة ان الفرح بعد شهر وشوية
اكمل ارتبك ورد بضيق : شكرا .
دنيا انصدمت جدا عندما عرفت انه هيتجوز بعد شهر وقفت تنظر للارض وفى قلبها حزن عميق وحزن لم تتخيله ابدا وكأن قلبها به سكين حامى يقطع فيه لم تستطع ان تتنفس بسهولة ..ذهبت مسرعة لتعطى الكتاب للاستاذ عماد واستاذنت منه وركضت مسرعة الى الاسفل .وقلبها وعيونها فى حزن تشعر ان الدنيا ضاقت عليها كثيرا فاسرعت لتذهب الى المسجد تجد فيه راحتها .
ذهب اكمل خلفها بعدما وقفه بعض الموظفون سأل عماد وعرف انها ذهبت مسرعة ..ركض اكمل خلفها نزل على رجله ليلحقها يبدو ان لا مفر من الاعتراف والمواجهه الان يااكمل فليعترف لها بحبه وتذهب الدنيا كلها للجحيم الان دنيا فقط دنياه هو . ركضت دنيا الى سيارتها ..سمعت صوت أكمل يناديها .
اكمل بيزعق عشان تسمعه : دنيا استنى .لم يلحق اكمل ان يذهب للناحية الاخرى حتى خبطته سيارة مسرعة جدا وهربت ..اكمل من قوة الخبطة ابتعد كثيرا عن الطريق وراسه اندفعت بقوة شديدة فى الرصيف انطلق الدم بسرعة شديدة من راس اكمل .
دنيا شافت اللى حصل انصدمت وصرخت : اكمل وركضت اليه ونزلت على ركبتها وعيونها تبكى بشدة وتضع يدها على راسه لتوقف النزيف .وتنظر فى عيونه وكأن روحها هى التى دهست حالا وستذهب منها روحها المتعلقة بأكمل .
كان اكمل واقع على الارض ينزف من راسه بشدة من جبينه ومن الخلف ...لكن كان يعى ما حوله .
دنيا مش عارفة توقف النزيف بايدها فوقفت وتحاول تقطع حته من فستانها من عند الديل لكن الفستان كان قماشه جامد حاولت مرارا ودموعها تنزل بغزارة وايديها بتترعش مش عارفة حتى تمسك ديل الفستان ،
اكمل مسك ديل فستانها وشده بكل قوته .نزلت دنيا على ركبتها من قوة الشدةونظرت له وعيونها تغزوها الدموع تنظر له فقط ،،،،ابتسم اكمل ليها وقال بهمس : عيونك حلوة قوى اول مرة احقق فيهم دول احلى عيون شفتها ، ربنا ما يبعدنى عن العيون الحلوة دى ويقربنى منهم اكتر وبعدها غاب عن الوعى ..صرخت دنيا بعلو صوتها حتى جاء ناس كتير وقفوا ونزل عادل على صراخ دنيا مسرعا وبعض المحامين .
عادل بفزع : بسرعة ياجماعة حطوه فى العربية على المستشفى مش هنستنى الاسعاف .ووضعو اكمل فى السيارة من الخلف ..وانطلق باقصى سرعة
دنيا تقف تبكى وملابسها كلها دم ويدها .استاذ عماد شافها وقالها : دنيا تحبى تيجى معانا المستشفى !
دنيا تبكى فقط اومات براسها ...اخذها عماد معها للمشفى واعطاها بعض المناديل لتمسح الدم لكن لم يمسح الدم بالكامل .كانت ترتعش يدها ودموعها تنزل بغزارة
وصلوا المستشفى نزلت دنيا تركض الى الداخل وخلفها الاستاذ عماد سأل على أكمل . الممرضة : دا دخل العمليات فورا ..
عماد : فين العمليات دى !
الممرضة : فى الدور الرابع ..
اخذ عماد دنيا وصعد للرابع ..وجد عادل وبعض المحامين ودنيا ظلت تبكى وعلى يدها اثار دم اكمل .
عماد ذهب لدنيا يحاول ان يهديها : دنيا اقعدى واهدى أكمل هيبقى كويس ماتقلقيش ان شاء الله هيكون بخير ..
عادل بخوف وقلق ذهب لها : لو سمحتى اهدى شويه اكمل بخير وان شاء الله هيكون بخير ..
عادل ذهب بعيدا واتصل على كوثر ليبلغها واتصل على سليم وسامر ..
بعد مدة بسيطة جاءت امه تركض وتبكى وتصرخ : اكمل ابنى فين اكمل عايزة اشوفه ..
ابوه قد تحسن كثيرا قد مر وقت على العملية لكنه ايضا فى مرحلة حرجة .
عادل ،،،،،ياجماعة اهدوا اكمل ان شاء الله هيكون بخير ..
كوثر تبكى بشدة وتدعى ربها يارب ،،،،لم تلاحظ دنيا فى الاول لكن مع نحيب دنيا لاحظتها كوثر . ولاحظت ملابسها المتسخة بالدماء .
كوثر لعادل : مين دى ياعادل !
عادل : دى دنيا بتتدرب معانا فى المكتب ..
كان هاتف دنيا قد رن حتى انها نست ان حقيبتها على ظهرها نزلتها وردت كان احمد ..
احمد ،،،،انتى فين يادنيا برن من بدرى مش بتردى ليه !
دنيا تبكى بشدة وتهته فالكلام : اكمل يابابا عمل حادثة وبيموت مش عارفة تتكلم من كتر العياط .
احمد وقف وبسرعة نزل من المكتب : طب هو فى انهى مستشقى طب انتى معاه ولا فين !
دنيا تبكى : ايوة احنا فى مستشفى اللى فى اول الدقى .
احمد : عرفتها اهدى ياروح بابا ماتعيطيش ان شاء الله هيكون بخير انا جايلك اهو انا ركبت العربية اهو كلها دقيقتين واكون عندك ماشى !
دنيا تبكى بشدة : ماشى .
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
