سباق المشاعر

السادس والثلاثون ،،،،،،الفاتحة

كان الجو متوتر للغاية فى بيت دنيا ، احمد بدى عليه التوتر ونسرين ايضا كانت متوترة قد حضر الطعام كما تريد بالضبط . وكانت نايلة مع دنيا فى غرفتها تتمم عليها .
دنيا متوترة ايضا ومرتبكة ارتدت فستان جميل جدا شيفون لبنى فاتح سادة بكورنيش بعد الركبة وكم باسورة عريضة وزراير من نفس اللون وحزام نفس اللون وطرحة لف اوف وايت وصندل اوف وايت وكانت تضع لمسة بسيطة جدا من الماكياج بعد جدال طويل مع نايلة ونسرين حتى تضع بعض الماكياج ..
رن جرس الباب وارتبكت دنيا وفركت يدها .

نايلة فرحت : الظاهر انهم جم .
دنيا متوترة جدا وقلقة كثيرا .هدأتها نايلة وقالت ،،اهدى ياحبيبتى دة توتر عادى بيحصل لكل عروسة .
دنيا اومأت برأسها ..

استقبل أكمل وعائلته احمد ونسرين وسلموا على بعض ودخلوا الى صالون المنزل جلس الجميع ووضع اكمل الحلوى على السفرة ..كان اكمل يرتدى قميص اسود سادة وبنطلون رصاصى غامق كان فارسا بشعره الناعم جدا الاسود والقصير وذقنه الجميلة السوداء..
رحبت بهم نسرين خصوصا كوثر ..

كوثر بفرحة : اهلا بيكى يامدام نسرين وحشتينى والله عاملة ايه !
نسرين : الحمد لله شرفتونا ، منورة ياتقى .
تقى سعيدة جدا لاخوها ردت : الف مبرووك .
نسرين ،،،منورين .
احمد : نورتنا ياسيادة المستشار حضرتك قامة علمية كبيرة .
صبرى فرح بهذا الاطراء والمدح ابتسم لاحمد ورد : الله يخليك يااستاذ احمد .
اكمل : امال فين معاذ !
نسرين : فى اوضته هييجى دلوقت يسلم عليكم .

خرجت نايلة من غرفة دنيا وسلمت على الجميع وعرفتهم نسرين على اختها التؤام نايلة .

كوثر : ماشاء الله تؤام ربنا يخليكوا لبعض دى حاجة حلوة انا عايزة دنيا تجيبلنا تؤام احنا بحب الاطفال قوى .
ضحك الجميع ..
صبرى : استاذ احمد حضرتك عارف احنا جايين ليه انهاردة نطلب ايد بنتك دنيا لابنى اكمل .
احمد متوتر : دة شرف لينا ياافندم ..
كوثر : امال فين العروسة !

نايلة وقفت : انا هاروح اجيبها وقفت معاها نسرين و ذهبت للمطبخ وحضرت الضيافة العصير والحلويات والجاتوهات وساعدتها نايلة وذهبت لتحضر دنيا .

دخلت على دنيا وجدتها تجلس على السرير قلقة ومتوترة كثيرا قالت : يالا يادنيا الناس بتسأل عنك برة  وجاء معاذ اخوها ومسك يدها وابتسم لها .
دنيا وقفت وقالت : شكلى حلو !
معاذ يمزح معها  :  عادى زى كل يوم .
نايلة  ضربته على راسه بخفه وقالت : اسكت ياض  ونظرت لدنيا وقالت ،،،،الله اكبر قمر يالا بقة ومسكت يدها وخرجت معها للصالون  ومعهم معاذ .
وقفت تقى تسلم عليها وحضنتها وقالت :  الف مبرووك يادنيا .

دنيا : شكرا وبعدها سلمت على كوثر وحضنتها وبعدها سلمت على المستشار صبرى ثم نظرت لاكمل وجدته منبهر بها وبجمالها لم يحيد نظره عنها ابدا . وسلم عليهم معاذ .