فجأة سليم اكل مطب جامد جدا وصرخت وعد بشدة توقف سليم جانبا ونزل بسرعة وقال ،،فى ايه !
وعد تصرخ : رجلى رجلى . رفع سليم فستانها وجد سكينة تخرج من شنطة نرمين ببوزها وجرحت وعد بطول ركبتها لحد تحت ورجل وعد بتنزف دم توترت نرمين جامد وخافت وسليم شاف بوز السكينة فخطف الشنطة من يد نرمين التى لم تتكلم ابدا .
وقال لوعد : تعالى فى صيدلية هنا واخذها ونزل وطهر الجرح وعملتله الدكتورة ضمادة حتى لا ينزف .
حاولت نرمين ان تنزل من السيارة لكن سليم قد اغلق السيارة بالمفتاح حنى يعرف ماذا يحدث . وعد ركبت وهو سال نرمين بحدة ،،،انتى شايلة معاكى سكينة ليه !
نرمين بتوتر وخوف : معرفش جات منين دى .
سليم قفل العربية تانى بالمفتاح واخد الشنطة وفتحها على شنطة السيارة فتحها وجد اشياء من مطبخه سكينة ومعالق وشوك ووجد شىء خطير اتصل على اخوه باسم وقاله هو متضايق جدا وزعق ،،،باسم انت فين انا فى اول البلد عند المطب الجديد قدام الصيدلية تعالى بسرعة وقفل الخط .
ظل لدقيقتين وجاء باسم بسيارته بسرعة وقال : فى ايه ياسليم حصلكوا حاجة !
سليم : الحمد لله جات سليمة وعد بس اللى اتعورت جامد فى رجليها .
باسم : ليه اتعروت من ايه !
سليم مسك شنطة نرمين وقال : الشنطة دى بتاعة مراتك مش كدة !
باسم : ايوة دى شنطة بتاخد فيها حاجات رفيدة سليم طلع منها سكينة حامية طبعا لانها جديدة وبعض الشوك والمعالق وقال : الحاجات دى مراتك سرقتها من عندى من المطبخ .
باسم : جايبنى عشان شوكة وسكينة ياسليم .
سليم متضايق جدا وغاضب من باسم زعق فيه وقال : هتفضل طول عمرك كدة مش هتفتح عينك ابدا وطلع فستان لرفيدة وقاله بص فيه كدة .
باسم مسك فستان رفيدة ووقع منه عقد وانسيال .
سليم : الحاجات دى بتاعة مراتك ! باسم رد ،،،لأ .
سليم : طبعا لأ عشان دى شبكة وعد ، مراتك سرقتهم وشايف حاطاهم فين ولولا اللى حصل والسكينة جرحت وعد لما خدت المطب مكناش هنعرف ابدا ،،زى خاتم امك اللى سرقته ودبلة ابتهال وحلقها بردة والحاجات التى بتسرقها من جهاز ابتهال فاضل ايه تانى .
باسم واقف مش مصدق . سليم ،،،لما اختك ابتهال اتخانقت معاها لما سرقت منها كام طقم ملايات من جهازها فاكر انت قولت ايه ساعتها وزعلت من اختك ،،،بتتكلموا فى ملاياتين .
عارف امك لقت كام مرة فلوس ناقصة من الدولاب مرة ٥ الاف ومرة ١٥ الف وابوك قالها اسكتى ابقى حرصى منها وخلاص . وبعدها سرقت دبلة ابتهال اللى قلعتها فى الحمام ودخلت وراها وخدتها وساعتها ابتهال اتخانقت معاها هى وامك وزعلت منهم ، فكر ياباسم كدة عمرك فلوسك مانقصت عمرك ماسالتها وهى غالطتك فى العدد فكر كدة .
وقف باسم يفكر فى عدد المرات اللى فعلا نقصت منه الفلوس كانت بتصل الى آلاف .باسم بكل غضب ذهب لسيارة سليم وفتح باب السيارة ونزل نرمين منها بالعافية وضربها بالقلم وقال ،،،كفياكى بقة فضحتينى فى كل حتة منك لله ياشيخة .
أنت تقرأ
سباق المشاعر
Romanceاكمل شخص جاد ودنيا شخصية جادة عندما يلتقيان بعلاقة حب تصير المعجزات فى زمن الواقع علاقة حب مليئة بالصعوبات هل ياترى ستنحج بالنهاية ........؟.الحب القوى لابد ان يمر بالمستحيل حتى يظل للابد .
