سباق المشاعر

الثامن والعشرين ،،،،،غضب وصلح

لبس العريس عروسته الشبكة وسط الزغاريد و فرحة الجميع تعمد وسيم ان يقف بجوار تالا وقالها : بتشبهى عليا .!
تالا نظرت له وابتسمت : اكيد مش انت ابدا .
وسيم ضحك : للاسف انا هو .
تالا شهقت : انت بجد ايه الصدفة دى .
وسيم ابتسم  : صدفة بجد بس انتى قريبة العروسة !
تالا  : صحبتها وانت !
وسيم : اخو العريس .
تالا : اخو الدكتور سليم .!
وسيم : ايوة وفى نهائى صيدلة اسكندرية .
تالا :  رابعة حقوق .
وسيم ،ابتسم : طب اسمك ايه !
تالا : تالا فوزى .
وسيم : تالا اسمك حلو . وانا وسيم .
تالا بصت له : مغرور قوى على فكرة .
وسيم ضحك : اه  قوى بس انا اسمى وسيم الشافعى .
تالا شهقت وضحكت  :  انا اسفة .
وسيم ضحك : عادى ونادى عليه ابوه وتركها وذهب له ..

وقفت دنيا بجوار شيرين تضحك معها واكمل عيونه على دنيا فقط ..
جاء الحج رضوان وقال : يالا بينا ياجماعة عشان الطريق .
ام علي : لسه بدرى ياجماعة .
ام سليم : كفاية كدة وحضنتها وقالت ،،،،الف مبرووك يا ام علي ربنا يتمم لهم بخير بقت وعد بنتى زيها زى ابتهال .
ام علي فرحت لكلام ام سليم  ودعت للعرسان : ربنا يسعدهم يارب وعقبال البواقى .
ابتهال : انا فرحى قرب انا اللى عليا الدور .
ام سليم : هنستناكوا تقضوا معانا اسبوع الفرح كله .
ام علي : ربنا يتمملها بخير ابتهال احلى عروسة .
نرمين زوجة باسم : يالا يا ماما البت غلبتنى طول اليوم .وكانت زهقانة على الاخر
ام سليم بضيق منها : روحى واركبى مع جوزك يانرمين يالا ..تركتهم نرمين وذهبت
خرج الجميع وركبوا السيارات وذهبوا .

اكمل لسليم ،: واحنا كمان هنمشى يالا يادنيا .
دنيا نظرت له وكانها تقول له كيف تحدد موعد عودتى من انت .!

نظر لها اكمل وكأنه يفرض سيطرته عليها وقال مرة اخرى :  يالا بينا .وكانه يقول لها انتى تخصينى

امانى : يالا يادنيا عشان الطريق . وحضنت وعد وباركت لها ولسليم وقالت ،،،،الامانة هتبقى عندنا فى الحفظ والصون لحد معاد الفرح يادكتور ..
دنيا كملت مزح امانى وقالت للدكتور سليم :
اه احنا مش هنسلمهالك بسهولة .

سليم ضحك : عارف شكلكوا كدة هتمضونى .
دنيا تمزح  ونظرت لامانى :
فكرة مش بطالة ابدا ايه رايك ياامانى !

امانى : الدكتور عارف دا هياخد قلبنا والله .
وعد حضنتهم ودمعت وقالت : عقبالكوا يابنات .

دنيا مسحت دموع وعد وقالت :
افرحى ياعروسة انهاردة انتى عروسة ياوعودة .
اكمل : يالا ياسليم سلام والف مبرووك ..

وصله علي للسيارة . ركبت تالا بجواره ودنيا خلفه وامانى .
علي للبنات وخصوصا امانى : عقبالكوا يابنات .وكان يتمناها لنفسه .
دنيا : شكرا يااستاذ على ..
اكمل : يالا سلام ياعلى وعقبالك . وانطلق بالسيارة الى الطريق .

دخل علي وقال : وعد تعالى يالا فوق انتى وسليم عشان تاكلوا .
سليم اعترض : ليه فوق ياعلي هناكل هنا .
علي مسك ذراع سليم وطلع معه لشقته دخلوا وقال :
عشان تاكلوا براحتكوا ومتخافش استأذنتلك الشيخ حسن يعنى براحتك .
سليم ابتسم وقال : شكرا ياعلى .