سباق المشاعر

السادس .....الشبكة والدبل

وصل الاستاذ احمد لمنزله بعد صلاة العشاء دخل لمنزله .
نسربن وقفت وسألته بقلق :انت فين يااحمد مش بترد على التليفون ليه ؟
احمد  بارهاق واضح على ملامحه جلس على اقرب كرسى :سيبينى يانسربن ارتاح وحضرى اى لقمة بسرعة .
تركته نسرين ودخلت المطبخ سريعا لانها تعرف ان زوجها مريض سكر ولابد ان ياكل فورا ليست من السيدات الاتى فضولهن يغلبن عليهن نسرين اهم شىء عندها زوحها وبيتها اولا ثم اى شىء اخر ..
خرجت دنيا من غرفتها عندما سمعت صوت ابيها .
دنيا بقلق : بابا انت كويس !
احمد يغمض عينه : ايوه يادودو بخير ما تقلقيش .
دنيا جلست امامه على كرسى الصالون دون كلام لانها تعرف ان ابيها مرهق ..
خرج معاذ من غرفته ليجلس معهم اشرت دنيا ان يصمت الان .
معاذ : بابا انت كويس !
جاءت نسرين بصينية تحمل الطعام .
احمد نظر لها وابتسم : كويس انك عملتى لحمة انهاردة يانسرين .
نسرين ابتسمت : شئ الهى من عند ربنا قالى يانسرين اطبخى انهاردة عشان جوزك هيرجع تعبان ومرهق عشان تعرف بس قيمتى .
ضحك الجميع ..

دنيا : عارفين قيمتك والله يا ماما احنا من غيرك يدوبك قشرة بصلة .
معاذ يضحك : مش عارف انتوا اللى من غيرنا كنتوا عملتوا ايه والله احنا اللى عاملين للدنيا طعم .
احمد وهو ياكل : والله ،طعم المر ياخويا .
دنيا  : دا معاذ دا عسل عسل كدة .
نسرين : اه بيشر عسل حوشى العسل عبى يالا فى اكياس .
معاذ : ماشى ابقى اعرفيها لما تعوزى حاجة منى يا ماما.
نسرين : امال اقول لمين ياوله ها امال خلفتك ليه !
معاذ غمز لها وقال بسخرية : ماشى ابقى افتكريها ...
احمد : امال ايه سبب التجمع دة اتحفونى .
دنيا : احنا بنطمن عليك بس يابابا اصلك اتأخرت انهاردة .
احمد : والله ! يعنى مش عايزة تعرفى حصل ايه فى موضوع الست سهير .
دنيا ضحكت  : يعنى سبب من ضمن الاسباب .
احمد نظر لمعاذ : وانت مش عايز حاجة انت كمان !
معاذ  : طبعا عايز بس لما تخلص اكل الاول .
نسرين : اعملك شاى يااحمد !
احمد : لا يانسرين شربت شاى كتير انهاردة .
معاذ : بابا عايز اطلع الرحلة مع اصحابى .لو سمحت .
احمد : بص انا تعبان عشان اخلص من زنك ماشى ابقى خد الفلوس من امك .
معاذ قفز من الفرحة : احلى بابا وآلله يااستاذ احمد .وتركهم وذهب ليخبر اصدقاءه فى غرفته
احمد : والله ! ثم نظر لدنيا .
دنيا رفعت كتافها : ايه !
احمد : هاغسل ايدى واغير هدومى واجى احكيلك .
دنيا : فى انتظارك يا متر .بص ابوها وهز راسه بمعنى بلا فائدة .
حضرت نسرين عصير للكل ...

دنيا اخذت واحدة من العصير ...جاء ابوها .
احمد نظر لدنيا : اطمنى ياستى كل حاجة بقت تمام عند الست سهير وبنتها والدنيا فل قوى حتى بنتها اتخطبت انهاردة لظابط .
دنيا رفعت حواجبها بذهول : ظابط مرة واحدة احكيلى بسرعة عملت ايه يااحمد ياطاهر داانت عملت معجزة بقة
احمد : اسمعى وحكى لها كل ما حدث بالتفصيل الممل حتى هذه اللحظة وهو يشرب العصير .
دنيا وقفت وصقفت له بحرارة : اهو هو دة ما يحلهاش غير بطل مغوار زى احمد طاهر .
نسرين : سبحان الله يعنى دة كله يحصل ما بين يوم وليلة .
دنيا بفرحة : دا ربنا يا ماما كان كاتب دة كله يحصل عارفة ليه .
احمد سألها  : ليه بقة يا لمضة !