MY RANDOM THOUGHTS, SHORT WRITINGS, POEMS

Spoken Poetry (Piece)

Parang kailan lang nung huli kong maramdaman

Maramdaman ang init ng 'yong pagmamahal

Pang-unawa na mula sayo'y pangmatagalan

At aking hindi ipagpapalit kahit kailan

Ngunit sa paglipas ng araw, mga taon at oras

Hindi ko namamalayang bawat sandali'y nagwawakas

Naglalaho na parang bula, bulang sumasama sa hangin

Ang hangin na dati'y nagbibigay ng kahulugan sa isang pag-ibig

Ngunit ngayo'y daig pa ang pinakamalamig na yelo sa pag ihip

Inihipan ang nakaraan at nalimot ng tuluyan

Tuluyang nagdaramdam ang pusong dati'y yakap yakap mo pa

Ngayo'y nalilimutan na at kaunti na lamang ay hindi na maaalala

Maaalala ang mga masasayang nangyari noong tayo'y magkasama

Magkasama sa lungkot, sa galit, at sa tuwa

Mukha mong dati rati'y kaya kong ipinta kasama ng mga bituin

Mga bituing nagniningning ngunit walang nagawa upang maitupad ang aking hiling

Ang hiling na manatili ka pa sa akin kahit saglit

Isang saglit, kahit sa pagpikit, kahit sa pagdilat ko mula sa aking panaginip

Managinip, na tanging nagagawa na lamang ng nabigo kong damdamin

Isang damdamin sa basag na salamin ay sumisilip

At ako'y sisilip na lamang hanggang hindi na maaninag pa

Kahit mawalan ng sigla, kahit 'di na maaninag ang liwanag ng ating munting alaala..