Transmigrated Into Heartthrob Novel and Went OOC

Chapter 14 (U)

စုန့်လျန်ရီသည် ဖန်းချောင်ကျိုးအား လှည့်မကြည့်ခင် ထိုနေရာ၌ အချိန်ကြာမြင့်စွာရပ်နေ‌ပြီး အသံတိုးတိုးဖြင့်ကျိန်ဆဲလိုက်၏။

လီယီးရဲ့၏အသွင်‌ပြောင်းခြင်းနည်းမှာ အလွန်ကိုအားကောင်း၏။ဖန်းးချောင်ကျိုးမှာ ရွှယ်သမ်းရုန်နှင့်တစ်ပုံစံတည်းဆင်တူသော်လည်း မျက်လုံးများမှာ အနည်းငယ်ကွဲပြားနေလေ၏။

နှစ်ဦးစလုံးတွင်တူညီသော ဖီးနစ်မျက်ဝန်းများရှိ၏။ ရွှယ်သမ်းရုန်၏မျက်လုံးများမှာ ဆီးနှင်းရေခဲများလိုပင် အေးစက်ကာ လူအပေါင်းအား မိုင်ပေါင်းများစွာတွန်းကန်နေသလိုပင်။ သို့ပေသည့်ဖန်းချောင်ကျိုး၏ မျက်လုံးများမှာတော့ အလွန်နူးညံ့ပြီး ဒေါသအရိပ်အယောင်ဟူ၍မရှိပေ။

စုန့်လျန်ရီသည် ဒေါသကြီးသော အလှလေးများကိုသာ နှစ်သက်ပြီး ဖန်းချောင်ကျိုးကဲ့သို့ ညှဉ်းပန်းနှိပ်စက်ရန် ငြီးငွေ့ဖွယ်‌ကောင်းသူများကိုမနှစ်သက်ပေ။

စုန့်လျန်ရီက ဖန်းချောင်ကျိုးအား ပြန်ပေးဆွဲပြီး ခေါ်လာသည်မှာ လီယီးရဲ့အားရန်စလိုက်သလိုပင်။လီယီးရဲ့ကိုမကြောက်သော်ငြား ခေါ်လာပြီးပြီဆိုမှတော့ သူ့ဘက်ကတစ်ခုခုပြန်ရမှဖြစ်မည်။

ထိုသို့တွေ့ပြီးသည်နှင့် စုန့်လျန်ရီသည်
ဖန်းချောင်ကျိုးဆီသို့ပြန်လျှောက်ကာ အဝတ်စအား ကြမ်းတမ်းစွာဆွဲလိုက်ပြီး "ညတာကရှည်လွန်းတယ် ငါတို့အတူတူအချိန်ဖြုန်းကျမယ်လေ"

ဖန်းချောင်ကျိုးမှာ မန္တန်ကြောင့်စကားမပြောနိုင်သဖြင့် စုန့်လျန်ရီကသူ့အားအခန်းထဲသို့ဆွဲခေါ်သွားတော့၏။အနည်းဆုံးတော့ တစ်ဖက်လူ၏အသံကိုမကြားရသ၍သူအဆင်ပြေပါသည်။

စုန့်လျန်ရီသည် ဖန်းချောင်ကျိုးအား အခန်းအလယ်ရှိ ကုတင်ပေါ်သို့ ဆွဲတင်လိုက်သည်။ ဖန်းချောင်ကျိုးကုတင်ပေါ်သိုလှဲလိုက်သည်နှင့် အသံတစ်ခုအားကြားလိုက်ရ၏။ခေတ္တမျှအကြာတွင် သူ၏‌လက်နှင့်ခြေများ ချည်နှောင်ခံလိုက်ရလေ၏။

"ဒီကြိုးက ငါးမန်းပိုးနဲ့ လုပ်ထားတာ မင်း ရုန်းကန်လေလေ ပိုပြီးတင်းကျပ်လာလေလေပဲ"စုန့်လျန်ရီ သည် ဖန်းချောင်ကျိုး၏ လက်ကောက်ဝတ်တွင် ချည်ထားသည့် အစိမ်းရောင် ပိုးဖဲကြိုးကို ညင်သာစွာ ကြည့်လိုက်သည်။