Transmigrated Into Heartthrob Novel and Went OOC

Chapter 27(U)

သူ၏ မူလအသွင်အပြင်ကိုပြန်လည်ရရှိသွားသော လီကျူးသည် ကြောင်တစ်ကောင်နှင့်အလွန်တူလှ၏။ မျက်လုံးများသည် ကြောင်မျက်လုံးများကဲ့သို့ပင်ဝိုင်းစက်နေပြီး သေးသွယ်သောနှာတံ၊ နှုတ်ခမ်းသေးသေးဖြင့် သူ၏ဖခင် လီယီးရဲ့နှင့် မည်သည့်နေရာမှမတူပေ။

သူသည် ကုတင်ပေါ်သို့တက်လာပြီး ဖန်းချောင်ကျိုးအားနှစ်ကြိမ်ခန့်မာန်လိုက်ကာ"အခုတော့ မင်းကငါ့လက်ထဲကိုရောက်နေပြီ သခင်လေး မင်းကိုဘယ်လိုအပြစ်ပေးရမလဲ "

လီကျူးသည်စကားပြောပြီးသည်နှင့် သူ၏ကြာပွတ်ကိုလှမ်းကိုင်လိုက်သော်လည်း မည်သည့်အရာမှရှိမနေ။သူသည်ရေချိုးပြီး အဝတ်လဲကာ ကြာပွတ်ကိုစားပွဲပေါ်၌တင်ထားခဲ့သည်အားသတိရသွားတော့၏။

ကြာပွတ်ရှိမနေသောကြောင့် လီကျူးမှာမပျော်နိုင်တော့ပေ။

ဖန်းချောင်ကျိုးသည် လီကျူး၏ခါးထက်တွင် ကြာပွတ်ရှိမနေကြောင်းမြင်လိုက်ရသည့်အခါ စိတ်သက်သာရာရသွားလေ၏။ယခုအချိန်တွင်ဖန်းးချောင်ကျိုး၌ခွန်အားမရှိသဖြင့် နတ်ဆိုးလေးသာ သူ့အားကြာပွတ်ဖြင့်ရိုက်မည်ဆိုပါက ရှောင်နိုင်မည်မဟုတ်ပေ။

လီကျူးသည် ဖန်းချောင်ကျိုးစိတ်သက်သာရာရနေပုံကို မထင်မှတ်ဘဲ သတိပြုမိသွား၏။နတ်ဆိုးလေးမှာပို၍မပျော်တော့ပေ။ကြောင်ကလေးသည် ဖန်းချောင်ကျိုးကို ခြေဆုံးခေါင်းဆုံးကြည့်ပြီးနောက် သူ၏လက်ဖြင့် ဖန်းချောင်ကျိုး၏လက်ကိုဆုပ်ကိုင်လိုက်၏။

ဖန်းချောင်ကျိုးသည် ယခုအချိန်တွင်သူ၏ကိုယ်ပိုင်အဝတ်အစားများကို ဝတ်ဆင်ထားခြင်းမဟုတ်ပေ။လီယီးရဲ့၌ထင်ရှားသည်အကြိုက်တစ်ခုရှိပြီးသူသည် နူးညံ့သိမ်မွေ့သောအလှလေးများကိုနှစ်သက်၏။သူဝတ်သည့်အဝတ်များသည်လည်း နူးညံ့ကာပါးလျ၏။ဖန်းချောင်ကျိုးဝတ်ထား‌သောအဝတ်သည် အကောင်းဆုံးသောတိမ်ပိုးဖြင့်ပြုလုပ်ထားလေရာ တစ်စုံတစ်ယောက်သည် သူ၏လက်ကို မလိုက်ပါသောအခါ ဝတ်ရုံလက်သည် အလိုအလျောက်လျှောကျသွားပြီး သူ၏လက်မောင်းသားများအားပေါ်လွင်စေ၏။

မူလပိုင်ရှင်သည် ကျင့်ကြံခြင်း၌ အလွန်ကြိုးစားပြီး အသားအရည်လည်း ဖြူစင်သည်။သို့သော် ဖန်းချောင်ကျိုးကူးပြောင်းလာပြီးနောက် အပြင်မထွက်ဘဲဂူထဲ၌ပင် တစ်နှစ်ကျော်ကြာနေထိုင်ခဲ့သည်။သူသည် တစ်လကျော်ကြာ လေ့ကျင့်ခဲ့သော်လည်း ကျီချွင်းကျိုးရှိရာသီဥတုသည် အေးခဲပြီး နေရောင်မှာဖျော့တော့လှသဖြင့် အသားကိုပင်မညိုစေပေ။ထို့ကြောင့် သူ၏နဂိုအသားအရည်မှာ လုံးလုံးလျားလျားပေါ်လွင်နေ၏။