Transmigrated Into Heartthrob Novel and Went OOC

Chapter 46(U)

ကျောကို တိုက်ပေးမှာ?

ဖန်းချောင်ကျိုးမှာ ရွှယ်သမ်းရုန်ကိုင်ထားသည့်ပုဝါကိုကြည့်ကာ လှမ်းယူလိုက်၏။ယခုပုံစံပြောင်းခြင်းနည်းသည် သူ၏ပထမဆုံးအကြိမ်ဖြစ်ပြီး ဘယ်အချိန်၌ ပုံစံအစစ်မှန်ပြန်ပေါ်မည်အား မသိချေ။အကယ်၍ ရွှယ်သမ်းရုန်သာ သိသွားပါက မည်သို့သောပြဿနာမျိုးဖြစ်လာမည်နည်း။

"ကိုယ့်ဘာသာလုပ်မယ်၊ ငါ့ကျောကို ငါ့ဘာသာတိုက်နိုင်ပါတယ်"

ဖန်းချောင်ကျိုး၏လက်ချောင်းများ ပုဝါ၏အနားစလေးအား ထိလိုက်သည်နှင့် ရွှယ်သမ်းရုန်မှာ နောက်ဆုတ်သွား၏။

ရွှယ်သမ်းရုန်၏အကြည့်သည် ဖန်းချောင်ကျိုးထံကျရောက်လာကာ "တစ်ယောက်ယောက်ရဲ့ကျောကိုတိုက်ပေးတာကပုံမှန်ပဲလေ၊ရှစ်ရှုန်းရဲ့ကိုယ်ကပိုသန့်သွားလိမ့်မယ် ၊ဟိုဘက်လှည့်လိုက်ပါ"

"ငါ့နောက်ကျောကို ငါ့ဘာသာတိုက်နိုင်ပါတယ်၊ ငါတကယ် မလို..." စကားမဆုံးသေးခင်မှာပင် ဖန်းချောင်ကျိုး၏ပုခုံးထက်သို့ လက်တစ်ဖက်ကျရောက်လာ၏။ ဖန်းချောင်ကျိုးမှာ အဝတ်အစား ဝတ်ဆင်ထားခြင်းမရှိသဖြင့် အသားချင်းထိတွေ့သွားတော့၏။

"တကယ်လား? ကျွန်တော်ကတော့မထင်ဘူးနော်" ရွှယ်သမ်းရုန်၏လက်မှာအောက်သို့ရွေ့လာသည်နှင့် သူ၏အသံသည်လည်း နိမ့်လာ၏။"ဒီနေရာ၊ ဒီနေရာနဲ့ ဒီနေရာက သိပ်မသန့်သေးဘူး"

ထိုသို့ကြားသော် ဖန်းချောင်ကျိုးမှာ ခေါင်းလှည့်ကြည့်လိုက်ကာ "ဘယ်မှာလဲ?"

အမြဲတမ်းငါ့နောက်ကျောကိုအကြာကြီးတိုက်နေတာ၊ဘာလို့မပြောင်ဘဲနေမှာလဲ?

"ဒီနေရာမှာလေ"

ဖန်းချောင်ကျိုး၏နောက်ကျောအား လက်ကိုင်ပုဝါထိလိုက်သည်နှင့် တပြိုင်နက် လှည့်စားခံလိုက်ရပြီဖြစ်ကြောင်း သဘောပေါက်သွားသော်လည်း သူ၏ကျောအား အကြိမ်များစွာတိုက်ပြီးနေလေပြီ။ဖန်းးချောင်ကျိုးမှာ စိတ်မသက်သာဖြစ်နေပြီး စည်ပိုင်းထဲမှ ခုန်ထွက်မိတော့မလိုပင်။

ငါသာကြိုသိခဲ့ရင် စုန့်လျန်ရီကို လက်ကိုင်ပုဝါဖြစ်အောင်ပြောင်းမိမှာမဟုတ်ဘူး ခုတော့ဒုက္ခ‌‌ရောက်ပြီ...