Transmigrated Into Heartthrob Novel and Went OOC

Chapter 36 (U)

ဖန်းချောင်ကျိုးသတိပြန်လည်လာသောအခါ အခန်းထဲ၌ သူတစ်ယောက်ထဲသာရှိနေ၏။

ဖန်းချောင်ကျိုးသည် ကန့်လန့်ကာအားခေတ္တစိုက်ကြည့်ပြီးနောက် သူ၏တင်ပါးများကိုထိရန်လက်လှမ်းလိုက်သည်။

မနာတော့ဘူး...

ဖန်းချောင်ကျိုးသည် ကိုယ့်မျက်နှာကိုယ်လက်ဖြင့်အုပ်လိုက်၏။တင်ပါးအားရိုက်ခံရခြင်းမှာ ရှက်စရာကောင်းသည်ဟုထင်သော်လည်း ထိုထက်ပို၍ရှက်စရာကောင်းသည့်အခြေအနေမျိုးဖြစ်လာမည်ဟု မမျှော်လင့်ခဲ့ပေ။

ကျုံးလီယွဲ့ရှီသည် အမှန်တကယ်ပင် စက်ဆုပ်ဖွယ်ကောင်းသည်။သူသာရှောင်ရှစ်တိအားအမှန်တကယ်ကြိုက်သည်ဆိုပါက ယခုကဲ့သို့သောဖြစ်ရပ်များဖြစ်ပြီးနောက် ရှောင်ရှစ်တိအားအဘယ်သို့သောမျက်နှာဖြင့်လိုက်ရတော့မည်နည်း။

နှစ်ပေါင်းမည်မျှကြာအောင်နေထိုင်ခဲ့သည်မှန်းမသိသောလူအိုကြီးအနေဖြင့် သူ၏အချစ်ပြိုင်ဘက်များအားတိုက်ခိုက်သည့်နည်းလမ်းများသည် အလွန်အဆင့်မြင့်ပေ၏။

ဖန်းချောင်ကျိုးသည် ဆတ်ခနဲထထိုင်လိုက်၏။

မဖြစ်ဘူး၊သူဒီ‌မှာဆက်မနေနိုင်တော့ဘူး စောစောစီးစီးထွက်သွားတာပိုကောင်းမယ် မဟုတ်ရင် စိတ်ပိုင်းဆိုင်ရာရော ရုပ်ပိုင်းဆိုင်ရာပါထိခိုက်လာလိမ့်မယ်။

ဒါပေမယ့် ထွက်သွားမယ့်ကိစ္စကိုဒီနေ့မပြောသေးဘူး လောလောဆယ်ကျုံးလီယွဲ့ရှီရဲ့မျက်နှာကြီးကိုမမြင်ချင်ဘူး

ရှက်စရာကောင်းတယ်၊ ရှက်စရာကောင်းတယ်

နောက်တစ်နေ့တွင် ဖန်းချောင်ကျိုးသည် မနက်စောစောနိုးလာပြီး မနေ့ညက သူတွေးထားသော စကားများကို ထပ်ခါတလဲလဲ လေ့ကျင့်ရင်း ကျုံးလီယွဲ့ရှီ၏ ခြံဝင်းဆီသို့ လျှောက်သွားခဲ့သည်။

သို့သော် ကျုံးလီယွဲ့ရှီ၏ခြံဝင်းအပြင်ဘက်သို့ရောက်သောအခါ အခန်းထဲတွင်ရှိနေသင့်သော ကျုံးလီယွဲ့ရှီသည် ခြံဝင်းထဲတွင်ရပ်နေသည်ကို မထင်မှတ်ပဲတွေ့လိုက်ရသည်။

ကျုံးလီယွဲ့ရှီသည် ဖန်းချောင်ကျိုးကိုမြင်သောအခါ၊ "မင်းရောက်လာတာအတော်ပဲ၊ ငါ ဟွားလီတောင်ကနေ အပြင်ကိုခဏသွားရမယ်"