YOU ARE READING

Random Thoughts on BOOKS

Non-Fiction

ဖတ်မိတဲ့ စာအုပ်တွေကို ဖတ်ညွှန်းရေးထားတဲ့အပြင် စိတ်ဝင်စားဖို့ကောင်းမယ်ထင်တာလေးတွေ လည်း မျှဝေချင်ပါတယ်။

#bookreviews #books #literature #myanmar

အမှတ်တရ - ဂျူး

887 25 1

by HuangnamiKim

by HuangnamiKim

Oops! This image does not follow our content guidelines. To continue publishing, please remove it or upload a different image.

"အမှတ်တရ"

စာအုပ်အညွှန်းလည်းမဟုတ်သလို ဝေဖန်ရေး လည်းမဟုတ်ပါဘူး။ ဒီတိုင်း Facebook Account မှာတင်နေကြလိုမျိုး ခံစားချက်ကို ရေးဖြစ်တာမျိုးပါပဲ။

ဆရာမ ဂျူးလို့ပြောရင် အမှတ်တရ နဲ့တွဲမြင်ကြ
တဲ့အထိ ဒီစာအုပ်ရဲ့လွှမ်းမိုးမှုကကြီးပါတယ်။ ကိုယ့်တစ်ကိုယ်ရည်စာအရကတော့ ဆရာမဂျူး
ရဲ့ နောက်ပိုင်းထွက် လက်ရာတွေကို ဖတ်ဖူးပြီး
တော့မှ အမှတ်တရကိုဖတ်ရလို့ပဲလားမသိဘူး၊
အကြိုက်ဆုံး ဆရာမဂျူး စာအုပ်တွေလို့ စဉ် လိုက်ရင် အမှတ်တရ ပါလေ့မရှိပါဘူး။ အဓိကကတော့ ၉၈ မှာမွေးတဲ့ ကိုယ်က အမှတ်တရ ထက် အများကြီးအသက်ငယ်တာလည်း ထည့် တွက်ရမှာပေါ့လေ။

ဒါပေမဲ့ အမှတ်တရထဲက အရေးအသားဟာ မှော်ဝင်သလိုမျိုး ခံစားချက်တွေကို လှုပ်ကိုင်နိုင်
စွမ်းရှိတာ သတိပြုမိပါတယ်။ ဒါကြောင့်လည်း
စာဖတ်သူတွေက အမှတ်တရ အကြောင်း၊ စုစု
ထွေး အကြောင်းကို အခုထိ တသသနဲ့ပြောဖြစ်
ကြတာဖြစ်ပါလိမ့်မယ်။

ကိုယ်တိုင်လည်း အမှတ်တရထဲက စာသားနဲ့ အကြောင်းအရာတချို့ကို စွဲနေအောင်မှတ်မိပါ
တယ်။ (Facebook မှာတက်လာနေကြ သံပုရာရည်ဖျော်တဲ့ကိစ္စ မပါမဖြစ်ပေါ့)

တနေ့ကတော့ ဆရာမဂျူးရဲ့ အင်တာဗျူးတစ်ခု
ပြန်ဖတ်ဖြစ်ခဲ့ပါတယ်။ "ဝင်းငြိမ်းနှင့် စာရေးဆရာများ" စာအုပ်ကြီးထဲကပါ။ စာရေး
ဆရာတွေအများကြီးနဲ့ နှိုက်နှိုက်ချွတ်ချွတ် အင်တာဗျူးများပေါ့။ တကယ်ကတော့ မဂ္ဂဇင်း
အင်တာဗျူးတွေမို့ မေးခဲ့ဖြေခဲ့တဲ့ခုနှစ်တွေက
ကိုယ့်အသက်ထက်တောင် အများကြီးကြီးပါသေးတယ်။ ဒါပေမဲ့လည်း စာရေးဆရာတွေရဲ့ အတွေးတွေအကြောင်းကို သူတို့ရေးတဲ့ဇာတ်ကောင်တွေကနေ မဟုတ်ဘဲ ပြင်ပသိရှိခွင့်
ရတာ တကယ်အမြတ်ပါပဲ။

ဒီအင်တာဗျူးက ၈၉ ခုနှစ်ကပါတဲ့။ အမှတ်တရ
ရဲ့ အဟော့ဆုံးကိစ္စကို မေးထားတာနဲ့ ဆရာမဂျူး အဖြေလေးပါ။ ဒီနောက်မှာထပ်ဖြေတာတွေရှိဦးမှာပေမဲ့ အခုအင်တာဗျူးလေးထဲက အဖြေကို စိတ်ဝင်စားဖို့ကောင်းတယ်ထင်လို့
ပြန်မျှလိုက်ပါတယ်။

အမှတ်တရ ကတော့ အမှတ်တရပဲမလား။

ဆရာမဂျူးအတွက်တော့ အမှတ်တရထဲက မောင်ဟာ အများထင်ကြသလို သစ္စာမဲ့တဲ့ မပြတ်သားနိုင်တဲ့ ယောက်ျားအဖြစ်ဖန်တီးခဲ့တာမဟုတ်ကြောင်း အပေါ်က အင်တာဗျူးက သက်သေပါပဲ။