Oops! This image does not follow our content guidelines. To continue publishing, please remove it or upload a different image.
မထင်မှတ်ထားတဲ့ ဇာတ်အလှည့်အပြောင်း ကြောင့် ဟာခနဲဖြစ်သွားရတဲ့ စာအုပ်တစ်အုပ် ဆိုရင် ကိုယ်တော့ ဒါကိုပဲရွေးမယ်။
"ပန်းခေတ်က လမင်း - တာရာမင်းဝေ"
၁၉၉၅
နာမည်လေးကိုက ဆန်းနေတာ။
ကျောက်ခေတ်၊ ကြေးခေတ်၊ သံခေတ်များလိုပဲ ပန်းယဉ်ကျေးမှုတွေထွန်ကားတဲ့ ပန်းခေတ်တစ်
ခေတ်ရှိမယ်။ အဲဒီပန်းခေတ်မှာ လူသားတွေဟာ နူးညံ့ကြင်နာစွာနဲ့ ဖေးမကြမယ်။ အဲဒီလိုခေတ်မှာ သာတဲ့ လမင်းဟာ ဘယ်လောက်များ အေးချမ်းမလဲ လို့ စိတ်ကူးယဉ်ကြည့်ထားတဲ့
နာမည်။
အဖေနဲ့အဆင်မပြေတဲ့ လူချမ်းသာပန်းချီဆရာ လေး လင်းဆက်က အိမ်ပေါ်ကဆင်းလာပြီး ပန်းချီကို အပတ်တကုပ်ဆွဲဖို့ကြိုးစားခဲ့တယ်။ စက်ဘီးချိန်းကြိုးလေးကျနေတာကို ပြန်တင်ပေးရင်း ကောင်မလေးတစ်ယောက်ကို ချစ်ကျွမ်းဝင်မိတယ်ပေါ့။ နောက်တော့ ရပ်ကွက်ထဲက ကလေးတွေကိုကူညီရင်းဆရာမလေး မိုးစံနဲ့ပြန်တွေ့တယ်။ တစ်ဖက်မှာလည်း ဘဝရဲ့အကြီးကျယ်ဆုံးဖြစ်လာမယ့် ပန်းချီကား
ကိုဆွဲဖို့ကြိုးစားတယ်။ ပန်းချီပြပွဲပြိုင်ပွဲ လုပ်ခါနီးမှာမှ အဖေနဲ့ပြဿနာ တွေတက်ကြ၊ ဒါပေမဲ့... လင်းဆက်က အကောင်းဆုံးလက်ရာတစ်ခု၊ အပြောင်းအလဲ တစ်ခုကိုဘဝနဲ့ရင်းပြီးဖော်ဆောင်နိုင်ခဲ့တယ်။ အနုပညာတစ်ခုရဲ့ထွက်ပေါ်လာရာ လမ်းကြောင်းပေါ့။
ဒီစာအုပ်က ဆရာ တာရာမင်းဝေ ပထမဆုံးထုတ်တဲ့လုံးချင်းတဲ့။ ကိုယ့်ထက်အသက်ကြီးတဲ့ ဒီဇာတ်လမ်းလေးကလေ ပြန်ဖတ်တိုင်း ကြည်နူး
ရသော၊ ပြီးတော့ ကြေကွဲရသော စာအုပ်ပါပဲ။
Plot Twist ဆိုတာ ရင်ထဲနင့်ခနဲ။
ဘယ်လိုနေနေ ဒီထဲကကဗျာတွေတော့သိပ်
ကြိုက်တယ်။ ပန်းခေတ်ကလမင်းက ဘယ်လောက်တောင် သိမ်မွေ့တဲ့ချစ်ခြင်းလေးလဲလေ။
အဲဒီထဲက ကဗျာလေးပဲပြန်ရေးတော့မယ်။
"ရင်မှာလွမ်းရင်
မျှော်တိုင်းမြင်လွန်းလို့
လက်ညှိုးညွှန်ရာ
သူဖြစ်ပါစေသား အရှင်ဘုရား"
(သဘောကျလွန်းလို့ LYA ထဲမှာလည်းထည့်ရေးဖြစ်ခဲ့ပါတယ်)
အားလုံးပဲ ပန်းခေတ်ကဲ့သို့ ချစ်ခြင်းတရားတွေ ကြုံတွေ့နိုင်ပြီး အေးချမ်းသာယာတဲ့ ရက်သတ္တပတ်လေးဖြစ်ပါစေ။
#မွန်ရွှေရည် #MonShweYee
#တာရာမင်းဝေ
#ပန်းခေတ်ကလမင်း
YOU ARE READING
Random Thoughts on BOOKS
Non-Fictionဖတ်မိတဲ့ စာအုပ်တွေကို ဖတ်ညွှန်းရေးထားတဲ့အပြင် စိတ်ဝင်စားဖို့ကောင်းမယ်ထင်တာလေးတွေ လည်း မျှဝေချင်ပါတယ်။
