The Midnight Library - Matt Haig
နောက်ဆုံးတော့ အချိန်တော်တော်ကြာပြီးမှ ဒီ Album လေးထဲ တစ်အုပ်ထပ်ရောက်လာခဲ့ပြီ။
မြန်မာစာအုပ် ၃၊၄ အုပ်လောက်ဖတ်ဖြစ်သေးပေမဲ့ ဒီစာအုပ်ကိုတော့ ၂ ပတ်ကျော်လောက် ဖတ်လိုက်ရတာပေါ့။ ဒါက Book Expo ကနေ ဝယ်လာတဲ့ ၃ အုပ်ထဲက တစ်အုပ်ပါ။
အရင်ဆုံးပြောရရင် ဒီစာအုပ်ကို Expectation တော်တော်များများထားပြီး ဝယ်လာခဲ့မိတာ။ စိတ်မကောင်းစရာက Midnight Library ဖတ်ပြီး ချိန်မှာ လိုချင်တဲ့ကျေနပ်မှုတစ်စုံတစ်ရာတော့ မရခဲ့ဘူး။ အဲဒီလိုဆိုလို့ မကြိုက်ဘူးလား ဆိုတော့
လည်း မဟုတ်ပြန်ဘူး။ တော်တော်ကြိုက်မိတဲ့
အပိုင်းတွေ ရှိသလို သဘောမကျဖြစ်ရတဲ့အပိုင်း
တွေလည်းပါတဲ့ Mixed Feeling နဲ့ စာအုပ်ပါပဲ။
ဇာတ်လမ်းက - Nora Seed ဆိုတဲ့ မိန်းကလေး
က ဘဝမှာ ဘာတစ်ခုမှ အဆင်မပြေ (ငယ်ဘဝထဲက မိဘတွေရဲ့ဖိအားတွေနဲ့၊ ကြီးလာတော့ မိဘမဲ့၊ သူငယ်ချင်းတစ်ယောက်ပဲရှိပြီး အဆက်အသွယ်ပြတ်၊ မောင်လေးနဲ့ မခေါ်၊ အလုပ်ပြုတ်၊ သက်ရှိအဖော် ကြောင်လေးက ကားတိုက်သွား၊ အချိန်ပိုင်း ပီယာနိုသင်တာကလည်း အဖြုတ်ခံရ၊ နောက်ဆုံး အိမ်နီးချင်း အဘိုးကြီးဖို့ ဆေးဝယ်ပေးတဲ့ ကိစ္စသေးသေးလေး
တောင် မလုပ်ရတော့တဲ့) ဘာမှ အသုံးဝင်တာမရှိတော့ဘူးလို့ ခံစားလာရတဲ့နောက် အိပ်ဆေးတွေ အလွန်အကျွံသောက်ချလိုက်တယ်။
သေသွားပြီလို့ထင်ခဲ့ပေမဲ့ မသေသေးဘဲ ထူးဆန်းအံ့ဩဖွယ်ရာ သန်းခေါင်ယံစာကြည့်တိုက် ကို (စိတ်က) ရောက်သွားခဲ့တာ။ အဲဒီစာကြည့်တိုက်မှာ Mrs.Elm ဆိုတဲ့စာကြည့်တိုက်မှူးရှိတယ်။ ပြီးတော့ မရေမတွက်နိုင်အောင်များတဲ့စာအုပ်တွေရှိတယ်။ အဲဒီစာအုပ်တစ်အုပ်စီတိုင်း
က Nora ရှငိသန်နေလောက်မယ့်ဘဝတွေတဲ့။
ဟုတ်တယ်၊ အပြိုင်စကြဝဠာပေါင်း အဆုံးမရှိ
တည်ရှိနေပြီး အဲဒီမှာလည်း Nora ဆိုတဲ့ လူသား
က မတူညီတဲ့ဘဝပေါင်းများစွာကို တစ်ချိန်ထဲ
ရှင်သန်နေတယ်ဆိုတဲ့ Concept နဲ့ပေါ့။
စာကြည့်တိုက်မှာ အရေးကြီးဆုံးကတော့ နောင်တ စာအုပ်ပဲ။ နောင်တတရားတွေကို မှတ်ထားတာ။ Nora ရဲ့အကြီးဆုံးနောင်တတွေပေါ့။ ကြောင်ကလေးကို သေချာဂရုမစိုက်ခဲ့ရတာမျိုး၊ ချစ်သူနဲ့စေ့စပ်ပွဲဖျက်ပစ်လိုက်တာမျိုး၊
မောင်လေးနဲ့အတူတူလုပ်နေတဲ့ Band က ထွက်လာတာမျိုး၊သူငယ်ချင်းခေါ်တဲ့ Australia ကို မသွားခဲ့တာမျိုး။
VOCÊ ESTÁ LENDO
Random Thoughts on BOOKS
Não Ficçãoဖတ်မိတဲ့ စာအုပ်တွေကို ဖတ်ညွှန်းရေးထားတဲ့အပြင် စိတ်ဝင်စားဖို့ကောင်းမယ်ထင်တာလေးတွေ လည်း မျှဝေချင်ပါတယ်။
