"The Hunger Games" by Suzanne Collins
2008
The Hunger Games က မသိသူမရှိတဲ့ရုပ်ရှင်ဇာတ်လမ်းတွေအဖြစ် အောင်မြင်ပြီးသားဖြစ်လို့ အများစုက ဇာတ်ကြောင်းသိပြီးသားဖြစ်မှာပေမဲ့ အထူးတလည် ညွှန်းရ လောက်အောင်လည်း တကယ်ကောင်းတဲ့ ဆွဲဆောင်မှုရှိတဲ့ ဇာတ်လမ်းပါ။
The Hunger Games က အဓိကစာအုပ်အနေနဲ့ ၃ အုပ်ထွက်ထားပြီး ရုပ်ရှင်က လေးကား ထွက်ထားပါတယ်။ အဓိကဇာတ်ကြောင်း ၃ အုပ်တွဲ ရဲ့ အချိန်ကာလမတိုင်မီ ဇာတ်လမ်းတွေကို ရေးသားထားတဲ့ Prequel က တစ်အုပ်ထွက်ထားပြီး နောက်တစ် အုပ်ကတော့ ၂၀၂၅ မှာထွက်ဖို့ရှိပါတယ်။ ရုပ်ရှင်ဇာတ်ကားကတော့ မင်းသမီး ဂျနီဖာလောရင့်စ် နဲ့ရိုက်ကူးထားတာပါ။
တကယ်က ကိုယ်တိုင်လည်း ရုပ်ရှင်ကို အခါခါ ကြည့်ဖြစ်ပေမဲ့ စာအုပ်တွေလိုက်ရှာ ဖတ်ဖို့ စိတ်ကူးရတာ မကြာသေးပါဘူး။ လဆန်းတုန်းကမှ The Hunger Games Book Club ဆိုပြီး လုပ်ထားတာ တွေ့တာနဲ့ ဖတ်ချင်စိတ်ပေါ်လာလို့ Ebook အနေနဲ့ပဲ စ ဖတ်ဖြစ်ခဲ့တာ အခုဆို ဒုတိယအုပ် Catching Fire တစ်ဝက်ပဲရှိပါသေးတယ်။ ဆက် ပြီးမဖတ်ဖြစ်သေးတာက ကြားထဲ လုပ်စရာကိစ္စလေးတွေရှိလာလို့ပေမဲ့ ဒီပို့စ်ကို ရေး ခြင်းအားဖြင့် ကိုယ့်ကိုယ်ကိုယ် စာဖတ်ဖြစ်ဖို့ တွန်းအားတစ်ခုပေးချင်တာလည်း ပါတာပေါ့လေ။
ပထမဆုံးစာအုပ် The Hunger Games က ဇာတ်လမ်းတစ်ခုလုံးကို မိတ်ဆက်အစ ပျိုးထားရင်း မြန်မြန်ဆန်ဆန်ပဲ ဇာတ်ကြောင်းကို ပြောသွားပါတယ်။ ဇာတ်လမ်းက တော့ ပန်နမ်ဆိုတဲ့ နိုင်ငံတစ်ခုရှိပြီး သူ့ရဲ့တည်ဆောက်ပုံက ကြွယ်ဝချမ်းသာ ဖွံ့ဖြိုးတိုးတက်တဲ့ မြို့တော် Capitol ရယ်၊ ဘေးပတ်ပတ်လည်က ခရိုင် ၁၃ ခုရယ်ပါ။ မြို့တော်ကခမ်းနားလွန်းပြီး ခေတ်လွန် ပညာတွေနဲ့ တိုးတက်နေပေမဲ့ ခရိုင်တွေက တော့ ဆင်းရဲမွဲတေပြီး အဖိနှိပ်ခံထားရတဲ့ အနေအထားပါ။ လွန်ခဲ့တဲ့ နှစ်ပေါင်းများစွာက ခရိုင်တွေက စုစည်းပြီး မြို့တော်ကို တော်လှန်ပုန်ကန်ခဲ့ကြပေမဲ့ အဲဒီစစ်ပွဲမှာ နည်းပညာမြင့်တဲ့ မြို့တော်က အနိုင်ရခဲ့ပါတယ်။ အကျိုးဆက်အနေနဲ့ ခရိုင် နံပါတ် ၁၃ ကို လုံးဝ အစအန မကျန်အောင် ဗုံးကြဲဖြိုကွဲလိုက်ပြီး ကျန်တဲ့ ခရိုင် ၁၂ ခုကိုလည်း ဒီ သမိုင်းကို အမြဲသတိရနေအောင် မြို့တော်ကနေ အစီအစဉ်တစ်ခု နှစ်စဉ် စီမံထားပါတယ်။ Hunger Games လို့ခေါ်တဲ့ ကစားပွဲတစ်ခုဟာ ခရိုင် တစ်ခုစီက ယောက်ျားလေး၊ မိန်းကလေး တစ်တွဲစီကို ဆက်သားအဖြစ်နဲ့ မဲနှိုက်ရွေးချယ်ပြီး မြို့တော်မှာ အချင်းချင်း ယှဉ်ပြိုင်သတ်ဖြတ်စေတာပါ။ ဆက်သား ၂၄ ယောက်အနေ နောက်ဆုံးမှာ အနိုင်ရသူ တစ်ဦးပဲကျန်ရှိမှာဖြစ်ပြီး အဲဲဒီလူက တစ်သက်လုံး စိတ်ပူစရာမလိုတဲ့ စည်းစိမ်တွေ ရ ရှိပါမယ်။
YOU ARE READING
Random Thoughts on BOOKS
Non-Fictionဖတ်မိတဲ့ စာအုပ်တွေကို ဖတ်ညွှန်းရေးထားတဲ့အပြင် စိတ်ဝင်စားဖို့ကောင်းမယ်ထင်တာလေးတွေ လည်း မျှဝေချင်ပါတယ်။
