Reasons to Stay Alive - Matt Haig
အရင်တခါ I want to die, but I want to eat Tteokboki စာအုပ်အညွှန်းတုန်းက တွဲပြီးပြောဖြစ်ခဲ့တဲ့ Reasons to Stay Alive စာအုပ်လေးပါ။ ဒီရက်ပိုင်းအတွင်း တခါပြန်ဖတ်မိပြန်တော့
သေချာလေးပြောပြချင်သွားလို့။
ပထမဆုံး ဒီစာအုပ်ကိုဝယ်ဖြစ်ချိန်က ကိုဗစ်ကာလကြီးပါ။ ကိုယ်တိုင်လည်း စိတ်ဓာတ်ကျနေပြီး ဘာမှအနာဂတ်မရှိတော့ဘူးလို့ထင်ရ ချိန် စာအုပ်ဆိုင် (Kinokuniya) မှာ Best Seller
ဖြစ်နေတာတွေ့တာနဲ့ (စိတ်ပေါက်ပေါက်နဲ့)ဝယ်
လာဖြစ်တာပါပဲ။ တကယ်က ကြက်စွပ်ပြုတ်
တွေကိုစိတ်မဝင်စားခဲ့သလို Motivation ကို သီးသန့်ရှာယူရတာ မကြိုက်သူပါ။ ဒါပေမဲ့ အဲဒီတုန်းကတော့ ဝယ်ခဲ့လိုက်မိတယ်ပေါ့။ ကွာရန်တင်းနေရတုန်းမှာတော့ ပြီးအောင်ဖတ်ဖြစ်ခဲ့ပါတယ်။
ဒီစာအုပ်က ဝတ္ထုမဟုတ်ဘဲ Non-fiction အမျိုး
အစား မှတ်တမ်းသဘောမျိုးလည်းဖြစ်ပါသေး
တယ်။ စာရေးသူ Matt Haig ကြုံတွေ့ခဲ့ရတဲ့ စိတ်ဓာတ်ကျခြင်းနဲ့ပတ်သက်ပြီး ရင်ဆိုင်ခဲ့ပုံတွေ ခံစားခဲ့ရပုံတွေ ရုန်းထွက်ခဲ့ပုံတွေကို ရေး
ထားတာပါ။
အပိုင်း ၅ ပိုင်းပါပြီး ခေါင်းစဉ်ခွဲလေးတွေနဲ့ ခပ်
တိုတို ခပ်ရှင်းရှင်းရေးသားထားတဲ့ ဒီစာအုပ်လေးမှာ Matt Haig က ၂၄ နှစ်အရွယ်မှာ
စပြီး စိတ်ဓာတ်ကျခဲ့တယ်လို့ဆိုပါတယ်။ Depression ဟာသူ့ကို သေလုမျောပါးအထိ ဖြစ်စေခဲ့တယ်။ သူ့ချစ်သူ သူ့မိတ်ဆွေတွေက အားပေးနေတာတောင်မှ Depression ဆီက လွတ်မြောက်နိုင်စေဖို့ မနည်းကြိုးစားခဲ့ရတယ်။
အဆုံးမှာတော့ သူ ပြန်ကောင်းလာခဲ့ပြီး ပျော်ရွှင်
နိုင်သွားပါတယ်။ ဒါပေမဲ့ သူ့အတိတ်က Depressed ဖြစ်နေတဲ့ သူ့ကိုယ်သူ "မင်း တောင့်ခံထားရင် ပျော်ရွှင်လာရမှာ" လို့ပြောလာရင် ယုံ
မှာမဟုတ်ပါဘူးတဲ့။
Depression အပါအဝင် စိတ်ရဲ့နာဖျားမှုတွေဟာ
ဒီဘက်ခေတ်ကာလမှာ တော်တော်လေး မြင်ရ ကြားလာရပါတယ်။ စာအုပ်တွေလည်းအများ အပြားထွက်လာတယ်။ တစ်ကိုယ်ရည်စာ အမြင်
အရ ပြောရရင်တော့ Depression အကြောင်းကို
Depression မခံစားဖူးသူကရေးတာတွေ မဖတ်
နိုင်ဘူးလို့ပဲပြောရမယ်။ ပညာရပ်ဆိုင်ရာ ကျွမ်း
ကျင်လှပါတဲ့ စိတ်အထူးကုဆရာဝန်တွေရေးရင်
တောင် Depression လို ကိစ္စမျိုးတွေက အကဲ ဆတ်တယ်လို့ထင်တယ်။ ကိုယ်ချင်းစာမှု အခြေခံလည်းလိုအပ်တာပေါ့။
အဲဒီလိုဆိုရင်တောင် ကိုယ်က ဒီ Matt Haig ရေး
သမျှ မှန်တယ်လို့မထောက်ခံပါဘူး။ သူ့စာအုပ်
မှာပါသလိုပေါ့၊ လူတိုင်းက ထူးခြားသလို သူတို့
ခံစားရတဲ့ Depression ကလည်း ခြားနားနေကြ
မှာပါပဲ။ Matt Haig က ဆေးတွေရဲ့အကူအညီ
မလိုဘဲ သူ့ဟာသူတခြားနည်းလမ်းတွေနဲ့ ပြန် ကောင်းလာခဲ့တယ်လို့ရေးထားတယ်။ ကိုယ်က
တော့ ဆေးတွေဟာ တချို့သောလူတွေမှာ သေချာပေါက်လိုအပ်တဲ့အရာတွေလို့ ခံယူထားပါတယ်။
Depression ကို တိုက်ရတဲ့ စစ်ပွဲတွေဟာ ကြာရှည်ပါတယ်။ နည်းလမ်းပေါင်းစုံလိုအပ်ပါ
တယ်။ အရေးကြီးတာကတော့ အနိုင်ရချိန်မှာ
ကျန်းကျန်းမာမာပျော်ပျော်ရွှင်ရွှင်ရှိဖို့ပါပဲ။
ဒီ Reasons to stay Alive စာအုပ်ရဲ့အစပိုင်းမှာ
ကိုးကားထားတဲ့ စာသားလေးကိုပဲ ပြန်ရေးပြပြီး
အဆုံးသတ်ပါမယ်။ အဲလ်ဘတ်ကာမျူးရဲ့စာသားပါ။
"အဆုံးသတ်မှာတော့ သေပစ်လိုက်ဖို့ထက် ရှင်ကျန်ဖို့က ပိုအားထုတ်ရတယ်" တဲ့။
အားလုံးပဲ စိတ်ချမ်းမြေ့ဖွယ်ရက်သတ္တပတ်ဖြစ်
ပါစေ။
KAMU SEDANG MEMBACA
Random Thoughts on BOOKS
Nonfiksiဖတ်မိတဲ့ စာအုပ်တွေကို ဖတ်ညွှန်းရေးထားတဲ့အပြင် စိတ်ဝင်စားဖို့ကောင်းမယ်ထင်တာလေးတွေ လည်း မျှဝေချင်ပါတယ်။
