مادريت أن اللي يحبني يبي حزني

هواش العائله

خلصت العزيمه بسلا وراحوا المعازيم رجعت نوف للبيت مع سند ولما دخلت كان نايف وفيصل يسولفون قالت ببتسامه
-هلا بعيالي وشخباركم؟
كلهم-بخير ياخاله انتِ شخبارك
-الحمد لله طيبه الا فين ابوكم؟
قال فيصل-ابوي مع عمي حمد وجدي يسولفون برا
حركت راسها وجلست معهم تسولف
بعد نص ساعه
دخل قاسم مع ولده عز ولما شاف نوف صد عنها وقال-هلا بأم سند اعذريني ماكنت اعرف انك هنا
-لا ماعليك ياقاسم ماني غريبه
انصدم نايف من ميانتها مع ابوه وقال-لا ياخاله في نهايه ابوي مهو محرم لك وعذرينا أن حنا ماقلنا له انك هنا
خرج قاسم من البيت ونوف عصبت من تصرف نايف وقالت-وش فيك؟ تراه زوج اختي وانا مرضعه ولده ماشوفه الا بحسبة اخ
-اسف ياخاله خلاص المره الثانيه بخليه يجي ويتقهوى معك
-ياقل ادبك يانايف
نط فيصل-صدق ياخاله تقولين لأبي قاسم كذا كأنه زوجك ولا اخوك في نهايه فيه احترام
-وشهو ماسمه قاسم
-اي اسمه قاسم بس من الاحترام تقولين يابو نايف
قال عز وهو يهدي بينهم-خلاص ماصار شيء خالتي وابوي يعرفها من زمان ومهي غريبه اكسرو الشر
قام نايف-بروح انام تصبحون على خير
نط وراه فيصل وراح غرفته
جلس عز يهدي نوف ويقول-ياخاله نايف وفيصل طبعهم حاد وجاف كذا لا تاخذين بخاطرك عليهم
-وكيف ماخذ بخاطري شوف كيف كلامهم
قال سند-بس يمه تركيهم أصلًا نايف مهو طيب
عز بعصبيه-سند وش الكلام هذا
-اي مهو طيب وشوف وش سوى يوم كنت في المستشفى حتى ماهناني بسلامه
خذت بيده نوف وقالت-ماعليك ياولدي اذا محد يحبك فأنا اموت فيك
قام عز وقال-وش تقولين ياخاله ذا اخونا ونحبه ونعزه
-وش ماقلت شيء
راحت وهي ماسكه يد سند لشقه كان مسويها لها قاسم عشان تنام فيها لما تجي هنا راحت لشقه اللي جنب البيت غيرت ملابسها وكان سند في الصاله الشقه كانت مره صغيره غرفة نوم وصاله ومطبخ وحمام(الله يكرم القارئ) خرجت نوف من الغرفه فلقت سند ماراح قالت بستغراب
-مارحت لبيتكم
-لا ابي اجلس معك
-ياحبيبي لازم تروح ولا ابوك بيقلق عليك
-بس يمه..
-بلا يمه ولا شيء روح لبيتكم يلا
سلم على راسها وراح لبيتهم ودخل لغرفته اللي كانت له ول عز كان فيها نايف وفيصل وعز على سرير عز يسولفون استغرب ليش كلهم هنا قام نايف وهو يرحب بسند
-هلا بأخوي هلا بالسند هلا بالكفو
-شفيك صاير طيب كذا؟
ضربه على كتفه ضربه حفيفه-اني طيب من زمان بس انك ماتشوف
-اي صح صح
-تسلك انت وجهك المهم اسمع اذا تعافيت وين ودك نسافر في الاجازه
فرح وقال-من جد بنسافر
-اي والمكان اللي انت تبيه بعد قول اخوي مهو طيب
نط عليه واحضنه وقال-خلاص انت اخوي الكبير اللي احبه مره
ضحكوا كلهم على سند