مادريت أن اللي يحبني يبي حزني

مشاعري لك

وصلو للبيت بس نايف بسرعه دخل لغرفته هو وعبد الرحمن وحط الكيسه الي فيها الأسواره في كيسة ملابسه والفلوس في جيبه خرج الفلوس ابتسم وهو يعدها
-لازم ارجعها لخالتي لطيفه
خرج بسرعه من البيت قبل يشوفه عبد الرحمن وراح لمحل ورد شافه وهم رايحين الذهب دخل عندهم وقال
-سلام
-وعليكم السلام امر
وهو يخرج الفلوس من جيبه
-ابيك تحطلي هذي الفلوس في باقة ورد
-حاضر وش تبي لونها؟
تذكر ان خالته تحب الوردي والاصفر
-حط باقه وردي واصفر
-تمام
جلس ربع ساعه لين انتهت الباقه وكانت تجنن الكرت مهو مكتوب عليه شيء ابتسم الرجال وقال
-وش تبي اكتبلك في الكرت
-ابيك تكتب (عطيتيني الذهب وانا برجعها لك فلوس ،ولدك نايف)
اخذها وراح بسرعه لبيتهم وكان الجميع مشغول ومحد انتبه له دخل الغرفة لطيفه وحط الورد على السرير وطلع كان وقتها الساعه 4:43
خذ كيسة الذهب وراح بسرعه للبير اللي ماكان في احد موجود انتظر لساعه 5:00 بس محد خرج راح يشوف من الدريشه لقى حور تكتب في ورقه تشجع ودق على الدريشه انتبهت لصوت الدريشه طالعت بنايف بستغراب وغضب فتحت الدريشه وني تقول
-نعم وش تبي؟
-تعالي للبير معي لك هديه
-هديه؟
-اي تعالي
خرجت للبير ونايف حاط الكيسه وراه قالت
-هاه فين الهديه
بمزح
-وش ماني مكفي انا هديه
تنهدت
-شكل ماعنذك سالفه انا وش خلاني اطلع اصلا
لفت تبي ترجع البيت الى جاء قدامها وهو يضحك
-يوه خلاص محد يمزح معك انتِ؟
-خلاص وخر
طلع يده ومعه الكيس وقال بخجل
-هذي هديه بسيطه
وجهها عليه الصدمه والفرحه بس قالت بحزم
-وليش تعطيني هديه؟
-كذا بدون سبب
ابتسمت بنص ابتسامه
-وشهي الهديه؟
-افتحيها وشوفيها
ترددت كثير الين امسكت الكيس وشافت الأسواره بان عليها الفرح وهي تتأملها وتقول
-شكرًا شكرًا
انبسط أنها اعجبته وهي علطول لبستها ورفعت يدها تشوفها وتبتسم وفرحانه طالعت في نايف وهي تقول
-تصدق أن اصيل للحين ماجاب لي هديه
تعكر وجهه ورد
-اجل اتركيه قبل مايصير زوجك ويصير بينكم عيال
-ماقدر ابوي بيرفض
تنهد ونزل راسه شوي وطالع فيها وهي مستغربه ليش توتر قال بعد تردد
-ابوك ماراح يرفضلي طلب
ابتسمت
-يعني بتقوله إنه يفك خطبتي من اصيل؟
-اي و..قاطعته وهي فرحانه
-اخيراً بعيش بهناء بدون اصيل الغثيث لكن قاطع كلامها بصوت جاد وهادي
-وانا بخطبك
وقفت شوي تستوعب وش قال بعدين طالعت فيه ابتسمت بستهزاء
-من جدك؟
-اي بخطبك مو انتِ ودك تروحي المدينه انا بخطبك واتزوجك وأوديك المدينة واخليك تكملي تعليمك وتتوظفين واوديك اي مكان تبينه
قلبها دق من الفرح بس اللي سوته هو انها ركضت لبيتهم وسكرت الباب وخلت نايف في حيرته مايعرف هي تبيه او لا رجع لبيت خواله وكانت لطيفه عند الباب لما شافته بمزح مسكت بأذنه وهي تقول
-مو انا قلتلك لا ترجع الفلوس؟
وهو مسضعف لها ويضحك
-ياخاله ماهانت علي اخذها
-اييه ادخل ادخل
دخل وعبد الرحمن يضحك عليه جلسوا لي الصاله وشاف نايف أن لطيفه ماجات معهم وفي المطبخ قال وهو مستغرب
-شفيها خالتي من الظهر وهي تحوس في ذا المطبخ ماصار عشاء ذا
بضحك
-شفيك خالتي نوف اليوم بترجع
استغرب
-من وين ترجع؟
-يعني بالله عليك ماستغربت أنها مهي معنا هنا هي سافرت مع سلمان عشان مواعيدها واليوم في اليل بيرجعون وامي تبي تسوي لها عشاء
-وش مواعيدها؟
-مدري تقول عندها حساسيه في جسمها وراحت عند دكتور جلديه
-اييه طيب منهو سلمان؟
-هههه مهو من جدك يانايف نسيت سلمان!
-اي والله منهو
بضحكه خبيثه
-اخو اصيل
بتذكر
-لا اله الا الله تذكرته سلمان الدب
-يوهه وينك الحين صار رياضي ومايكل الا اكل صحي
-اما اذكر كان يناشبني حتى على العلك
-ههههه لالا تغيير