مادريت أن اللي يحبني يبي حزني

نايف بسجن

                                 (بيت قاسم)
دخل نايف البيت وقد حط الفلوس في جيبه قال ببتسامه
-مشكور ياسعود ماتقصر
بستغراب
-بسرعه ذي؟ مسرع خلصت
-والله احتجتها لموضوع مهم وخلصت منه
وقتها عرف سعود انهم مايبونه يعرف حرك راسه بأيه وقام وقال
-اجل مع السلامه
وصله عز لعند الباب ونايف جلس جمب فيصل الي كان يشرب قهوه ودق كتفه وقال بفرح
-اليوم بنبتدي بخطتك يافيصل
ببتسامه
-وش؟
خرج ظرف الفلوس من جيبه وهي يحركها ويبتسم ويقول
-جاتنا
خذها فيصل بسرعه وهو يطالع فيها مصدوم وقال كم هذي؟
-15 الف
-اسألك بالله
-اي والله
هذي اكثر من الي نحتاجه ايه كذا دلعنا يا إياد
دخل عز وقال بصدمه وهو يأشر عالفلوس
-كم ذي؟
نايف وفيصل بفرح
15-
-ايش؟
قال نايف بستهزاء
-هلله
جلس وهو يقول بحماس
-لا والله من جدي 15 الف؟
-اي يعني ماتشوف الزرقاء كثير
قال بفرح
-متى نبداء؟
وهو يطالع في الفلوس
-الحين
فتح التيك وقال
-فيه واحد قال بيبيعني حسابه ب3 الاف
-كم فيه؟
-150الف متابع
-اوهه لا ذي كثير خلاص هو من الديره ولا نحولها له
-لا من برا لازم نحولها
-اجل هاك 3 الاف وحولها له
اخذها عز وراح متجهه لصرافه
ونايف قال
-خلاص عطني 1000 اروح اشتري رقم
-اوف 1000 ليش؟
-بروح اشتري رقم ب50 ريال والباقي مع العيال
-لا لازم نوفر يانا...قاطعه وهو ياخذ الف ويقول
-اقول اسكت بس انا الكبير
خرح نايف وفيصل جالس يطالع في الفلوس ويتخيل ويفكر ويضحك شال الفلوس ودسها في درجه وانسدح على سريره ونام ينتظر اخوانه يرجعون

(جود وسند)
جالسه جود في الحاره تهوجس وخايفه من العملية جلس سند جمبها فزت وهي خايفه مسك يدها وقال
-بسم الله عليك
قالت ببرود
-ليش جاي؟
-خرجت افكر فيك ولما شفتك قلت اتطمن عليك
قامت وتبي تروح مسك يدها ويقول بستغراب
-جود شفيك شقلت؟
-سند والله مالي خلقك
-يالليل عارف مالك خلق لأحد بس تكفين والله خايف عليك
التفت عليه وهي تقول
-سند انت فاهم اني بسوي عملية والمصيبه فين براس سند تفهم؟!
بحزن
-أكيد فاهم
ببكاء وقهر
-كيف بتفهم ماراح تفهم انا بسوي عملية مو انت انا يمكن اموت انا بروح......بصراخ
-لا تقولين بتموتين!
انخفض صوتها وهي تقول
-بس العملية صعبه
عيونه امتلت بالدموع وبغصه
-جود فيك نفس الي جاء لأمي امي ماتت لا تموتين معاها انا امي ماتت وانا ماعرفتها بس انتِ اعرفك انا احبك لا تموتين!
ابتسمت
-ما أعرف بس اذا عشت وش بتسوي؟
-بخطبك
بضحكه
-تخطبني لسه انت بزر
-مايهم عادي اهم شيء اني اتزوجك
-اذا كبرت
-لا ابيك
ومع ضحكها خرج عناد قال بعصبيه
-جود!
التفت بتوتر وسند بلع ريقه خايف قرب من سند ومسك لبسه وقال
-وش هالضحك انت وياها؟!
بتوتر وتلعثم
-عناد انا بس كنت اسولف
بصراخ
-تسولف ومن انت؟! عشان تسولف
قالت جود بخوف وهي ماسكه يد عناد
-عناد هد شوي عادي
طالع فيها وبعصبيه قال بصراخ وهو يدفها
-بعدي لما الرجال يتكلمون انتِ تسكتين!
التفت على سند الي يطالع جود وهي طايحه على الارض وماسكه يدها متوجعه قال بتوتر
-جود جود
مسك بلبسه وهو يصارخ
-انت منت احب علي من اختي
وعلى الشحنات بين الخوف والتوتر والغضب والألم والصراخ طلع بهاج وهو يقول بصوت مستغرب
-شفيكم شصار؟
قالت جود وهي ماسكه بيدها بألم وتبكي
-عناد دفني عالأرض ويبي يطق سند
مسك يدها جود وقومها وعناد بداء يستوعب شصار وتذكر كيف اخوه كارهه وعلى زحمة افكاره كانت يده ترتخي من على قميص سند التفت عليه بنظره حاده وقال
-سند روح
ابتعد سند بشويش وطالع في جود حركة جود بيدها بيعني روح ابتعد وراح وبهاج رجع يطالع في جود وهو يمسك يدها وخرت يدها بوجع قال بهاج بخوف
-معليش الحين بيروح الألم تبين المستشفى؟
-لا مابي
-خلاص تعالي
مسك يدها ودخلها البيت لحقهم عناد جلس جود على الكنب الي في الصاله قال عناد بندم
-جود اسف ماكان قصد...قاطعه بهاج بصراخ
-اسكت ياكذاب
لاحظت جود  نظرات بهاج الي تحمل غضب كبير قالت وهي ماسكه يده
-بهاج انا بخير عادي عناد ماعورني
التفت عليها وقال بصوت عالي
-بس عورني انا تعورت
قبض على يده بقوه لين بدت ترتجف لاحظ عناد يده وعارف بهاج مايسوي كذا الا اذا كان متوتر او معصب قرب منه كالعاده انه يمسك يده ويهديه ويهدى بهاج لكن الي صار عكس الي متخيله عناد لما مسك يده بهاج رفع يده اليسار وصفقه كف
شهقت جود بخوف.