مادريت أن اللي يحبني يبي حزني

ماضي نايف مع رعد

مسك الخيل يبوسه وهو مشتاق له ويقول
-هلا بريحة الغالين يارعد
ويتذكر الماضي
في يوم كان عند خواله وكل الخيول مروضه ويركبها الين وهو راكب فرس دخل خاله علي وعمال معه ماسكين خيل اسود يقاومهم ودعس واحد من العمال وكان يبي يطلع فسكر خاله علي الباب وجلس الخيل يدور في الاسطبل يبي يخرج راح علي يشوف سلامه العامل فلقاه كويس وقومه جاء والخيل تدور حول الاسبطل وتجي وتدق الفرس اللي كان عليها رعد الا تنجن وتسرع ونطت الحواجز كلها وطلعت برا الاسطبل كان رعد لسه مايفهم كثير في الخيل حاول يوقفها بس مافي امل طلعت لشارع هو مو عام بس كان تمر منه السيارات جاء زوج خالته لطيفه يوم شاف نايف شوي وبطيح من على الخيل وهو عنده خبره في الخيول مسك الفرس وهداها ونزل نايف من عليها
-انت مجنون تركب فرس ماتروضت؟
-لا والله متروضه بس في حصان جابه خالي علي وشاتها فتجننت
ضحك
-اي فرسنا شريفه
وهو يهدي الفرس ويمسح عليها
-اي وش الخيل اللي جابه علي؟
-خيل لونه اسود
طالع فيه زوج خالته وعيونه شوي وتطلع
-جاب الأدهم
بستغراب
-وش الأدهم
فك الفرس وركض للأسطبل وهو فرحان
مسك نايف الفرس ورجعها للأسطبل الا يشوف خاله وزوج خالته مثل البزران يطالعون في الحصان الأسود ويتكلمون عنه وفرحانين
قرب نايف من خاله وسأله
-ياخال وش هذي الخيل؟
-هذا يسمونه الأدهم وعندي واحد تاجر يبي يشتريه وجبته اروضه صح دفعت علي نص دم قلبي بس التاجر بيعطيني اضعافها وان شاء الله بنتقاسمها انا ومحمد (الي هو زوج خالته)دخل علي الحصان في احد الأسطبلات وقرر يرجعله بكره يروضونه هو ومحمد خرجوا وراح محمد بسيارته وعلي ونايف رجعو لبيت خوالهم جات ضي وهي باين على وجهها الخوف امسكت نايف تقول
-بسم الله عليك يانايف الفرس طاحت فيك؟
-لا يمه الحمد لله ماطحت هجدها خالي محمد
ضربته ضربه خفيفه على كتفه-وانا كم مره قلت لك منت حق خيل ولا عاد تروح
-يمه لو ودي اخلي الخيل اكسجيني
تنهدت وهي تستغفر
-خلاص انت ماينفع معك الكلام
وجلس مع خالاته وخواله يسولفون ويضحكون جاء الليل الساعه 10
ونايف الحصان الاسود ماماج من تفكيره والا يبي هو اللي روضه كان وقتها الجميع ينام الساعه 9 ويوم صارت 10 وتأكد أن محد صاحي راح للأسطبل وفتح اسطبل الحصان الأسود خرج الخيل الأوسد وبداء حول الاسطبل ولع إناره خفيفه ولما وقف شوي ومن وراه مسك بظهره فشاته على صدره وهو طاح على .. اللي كان فيها ماء وطاحت عليه وتلمئ بالماء قام نفذ نفسه عالخفيف وهو كأنه داخل مسبح كله ماء بس ماستستلم ورجع يطالع في الحصان بداء يهدى لما هدئ شوي بداء يمسح عليه ويهديه شوي الين نزل راسه نط بقوه وبسرعه على وقدر انه يركبه فتجنن الحصان وكان يحاول انه يطيح نايف بس كان نايف متمسك بشعره بقوه بداء الخيل يسوي حركة الفرس ونط من الحواجز ماعرف كيف يتصرف نايف ولا وين بيوديه وأصلًا مايعرف كيف يوقفه بعد 10 دقايق من جري الخيل وقف عند بير فيه مويه وشرب منها كان ظلام مره الا يسمع نايف صوت خطوات سكت قرب من البير ولما حط يده في البير صرخ
-يمه وش ذا؟
كان صوت بنت كان نايف يبي يتكلم
بس البنت ضحكت وقالت
-اوه هذا خيل اكيد انه من عند ابو أصيل (اللي هو علي)
لمسته وكان الحصان هاجد ومحد يسمع حسه
ماقدر نايف يشوفها بس يسمع صوته ومتخرفن
راحت البنت وكان نايف يبي الحصان يمشي بس مافي امل رافض يتحرك
رجعت البنت ومعها شمعه طالعت في الحصان وتقول وهي تلمسه
- لو أنك خيلي سميتك رعد
ونايف يشوف وجهها من مع نور الشمه كنها شمس في وسط ذا الليل
عطاها الله من الجمال الفاتن الي يصعب وصفه  ماقدر يتكلم نايف وبس جلس يطالع فيها ومنصدم هذي من؟
رفعت البنت الشمعه فوق فشافت نايف الي ساكت من بدايه اليوم شهقت بخوف ونزلت راسها وهربت داخل وجلس نايف يفكر في البنت ومنجن من جمالها حاول يحركه لين تحرك معه وحاول يطبق نصايح خاله ويحرك الخيل ويتحكم فيه وقدر ووصل للأسطبل وجلس لين الفجر وهو يروض فيه لين قدر يروضه
خرج من الأسطبل وهو يرقص من الفرح وراح لعند خاله علي اللي خارج يبي يروح المسجد مسكه فقال علي مصدوم
-وش جابك هنا؟ ليش مانت داخل؟
-مهو مهم ياخال روضة الخيل
ضحك وقال
-طيب طيب...الا وشفيك كنك طالع من مسبح
قاله باللي صار
ماصدقه
-خلاص روح غير ملابسك لا تمرض
وراح للمجسد وهو يضحك على نايف دخل نايف بسرعه وغير ملابسه ولبس ثوب وتوضى وراح مع خواله للمجسد بعد ماخلصوا وخرجوا مسكرخاله وهو يركض للأسطبل فتح باب الأسطبل وفتح باب اللي كان فيه الخيل خرج الخيل وهو هادي
انصدم علي من التغيير وقال
-اوف كيف قدرت يانايف؟
-عندي مهاراتي وخبراتي
-ههههههه ...خلاص بروح اقول لمحمد عشان نبيعه لتاجر ونربح
حزن وجه نايف وقال
-ليش ياخال مهورلازم
-وش اللي مهو لازم؟
-خلاص بحاول اعطيك فلوس اللي دفعتها عليه بس تكفى لا تبيعه
مارد عليه وراح جلس نايف يطالع في الخيل ويقول
-تصدق يناسبك اسم رعد
جلس لين الظهر وهو يتأمل في الحصان ويتذكر البنت
دخل علي الإسطبل وانصدم أن نايف لسه هنا
-عادك هنا مارحت
طالع فيه نايف اللي الشمس صكت راسه
-لا مابغى اروح ابي اجلس عند رعد
-اوهه وسميته رعد بعد المهم تعال شوف اللي بيشتري الخيل
خرج نايف وهو متضايق مايبي احد ياخذ الخيل منه خرج ومالقى احد طالع في خاله وهو مستغرب
-فين الي بيشتري الخيل
-تشوف حد؟
-لا
-اجل مافي مشتري للخيل
-كيف يعني؟
-الخيل لك مدام انك انت اللي روضتها
حضن خاله وهو طاير من الفرحه ومرت الايام وهو متعلق في الخيل ومايعرف من هذيك البنت وماقال لأحد عنها.