دخل بيت جده اللي كان معفوس خالته لطيفه تبكي وولدها عبد الرحمن يهديها انفجع وقرب من خالته وقال بخوف
-وش فيك ياخاله؟
ماردت عليه بس كان عبد الرحمن يعطيه نظرات حزن وساكت قال وهو مستغرب
-شفيك تطالع فيني كذا؟شفي خالتي؟
قال بتردد وتوتر
-امي تبكي عشان..سكت وهو يطالع في امه
انهبل نايف وهو معصب
-تكلم ياخي فيها شيء
تنهد عبد الرحمن وقال
-عشان خالي قاسم
حس بهبوط وقال وصوته انخفض
-وش فيه ابوي؟
-عمك حمد صارله حادث هو وهله وراح لهم مع اخوانك
بصراخ
-وليش ماقفو لي؟
خرج جواله من جيبه الا يلقى اكثر من عشر مكالمات من فيصل وطلع مصمت جواله دق علي فيصل رد عليه فيصل بعصبيه
-وينيك ياكلب من اليوم ندور لك
استغرب
-شفيكم؟ انتو وين؟
-حنا وين انا الحين مابقيلنا شيء ونوصل لعمي وهله
-معليه فيكم الخير مهو لازم انا احضر اول واحد
-انشهد انك رخمه منت رجال
-ايش انت قد كلتمك يا...قفل فيصل في وجهه نايف
قال بقهر
-قفل الكلب انا اوريه
حاول يتصل عليه لكن فيصل قفل جواله
حط شماغه على كتفه وهو يحك دقنه وبهوجس الا حس بيد على كتفه التفت بسرعه وشاف محمد زوج لطيفه جلس وهو يقول
-الله يعين عمك وعياله
-امين الله يسمع منك
دخلت غزل بنت لطيفه اللي عمرها 10 سنوات وجلست جمب محمد وهي تقول
-يبه وش في امي تبكي
-تبكي عشان عم نايف في المستشفى
قامت وجلست جمب امها احضنتها وهي تطالع في نايف
-انت ليش ماتبكي؟
-عشاني رجال مابكي
-وش هذا الكلام عبد الرحمن يبكي
مسك عبد الرحمن شعرها وسحبه وهو يقول
-صه صه
نايف وههو يوخر يد عبد الرحمن
-وجع لا تجر شعرها تراها اختك
-شدخلك
قال محمد معصب
-عبد الرحمن ابلع للسانك
جلسوا شوي هدت لطيفه وصارو يسولفون جلس واحد جمب محمد وهو منزل راسه ماعطاه نايف وجهه وجلس يسولف من لطيفه فجئه احد طيح نايف على الارض وبداء يصفق وجهه دفه نايف منفجع جاء محمد وهو يوخره
-اصيل وخر شفيك عليه؟!
وخر اصيل اللي كان وجهه محمر من العصبيه وقال
-يستاهل الكلب
عصب نايف ونط على اصيل وبدو يتهاوشون كان محمد وعبد الرحمن ولطيفه يبعدونهم بس مافي امل كان نايف معصب ولما فكه أصيل وبعد اللي ماسك اصيل محمد ونايف لطيفه وعبد الرحمن راح نايف وشات اصيل في بطنه بقوه طاح اصيل وهو يصارخ لا شعوريًا جرت لطيفه شعر نايف وهي تقول
-كذا يانايف كذا
تركته ومسكت اصيل بس نايف حس بشعور غريب كان وده يبكي لما جوت شعره لطيفه تذكر امه بس حبس بكيته وبعد منهم شوي طالع فيه محمد وعيونه شرار
-انت خبل؟ تضرب ولد خالك كذا؟
قال وهو يشيل شماغه من الارض
-ذا ولد خالي؟ ههه
جلس اصيل وهو ماسك مطنه متوجع وقال
-فوق انك متلزق بخطيبتي يالي ماتستحي تضربني؟
عصب نايف وهو هاجم عليه يبي يضربه
-لا تقول خطيبتك!
دف محمد نايف وقال لأصيل
-وش اللي خطيبتك
-حور بنت عمي محسن
-اها طالع في نايف وهو يبتسم
-وانت شفيك شادها خطيبته
حس وقتها نايف ان قلبه نار
قام اصيل وهو ماسك بطنه
-مو بس كذا يوم انا رحت اسولف معها جاء وضربني قدامها
اشهقو كلهم وقالت لطيفه
-ليش يانايف؟
كان متوتر ماعرف وش يرد حك راسه وقال
-مدري كنت احسبه يتحرش فيها
قام اصيل وهو معصب
-ايش انا اتحرش هذا انت
-عن الغلط لا اقطع للسانك يالمحايه
مسك ضحكته عبد الرحمن ونزل راسه خزه محمد ولما طالع عبد الرحمن في محمد طاحو يضحكون صارخ اصيل
-تزيدون علي مع ذا القروي
طلع من البيت وراح جلس محمد وهو يمسح وجه ويتذكر ويضحك بس مسك نفسه وتحمحم قال لنايف بعصبيه
-نايف هذا ولد خالك علي ولازم تحترمه والأفضل انك تروح تستسمح منه
زين شماغه على راسه وقال نايف معصب
-معصي اروح استسمح من ذا الثور
خرج وهو معصب راح للأسطبل عشان يجلس مع رعد فهو يروق لما يشوفه لما دخل لقى اصيل سابقه وكان يمسح على راس رعد ويقول
-تراه فاقع كبدي ذاك النايف والله لا أقهره بس مدري كيف
كان نايف يبي يدخل ويخرب عليه بس انتبهه أن اصيل يبي يركب فوق نايف مسك باللجام وركب عليه الا رعد انجن صار يسوي نفس الحركات اللي سواها في نايف لما روضه دار حول الاسطبل ونايف يشوفه ويضحك بصوت عالي على اصيل اللي كل مابغى يطيح تمسك ورجع مره ثانيه انتبهه اصيل أن احد يضحك فصار وهو خايف
-يابن الكلب يالي تضحك ساعدني الله يلعنك
طاح نايف يضحك ويقول
-احسن احسن طيحه يارعد
كان رعد بس يحاول يطيح اصيل من عليه طاح اصيل على ظهره واستمر رعد يركض قام نايف وهو يضحك ويهدي رعد هدى رعد وقرب منه وحط راسه على كتف نايف كان نايف يلعب بشعره وساحب عليى اصيل الي يصارخ من الألم قام اصيل بعد ماشاف أن نايف ماعطاه وجهه وهو حاط يده على ظهره ومتوجع وهو خارج من الاسطبل قال
-والله ماخليك مع خيولي انا ابيعك
رد نايف
-تخسي وتعقب منت بايع رعد
خرج اصيل وجلس نايف مع رعد الين ماحس ان الشمس بتغيب رجع رعد لأسطبله ورجع للبيت ولطيفه ومحمد وعبد الرحمن وغزل يسولفون في الصاله قال محمد
-هلا نايف تعال ابغى اقولك شيء
-هلا ياخال وش بغيت؟
جلس جمب محمد فقاله
-انت لازم تلحق هلك عند عمك واهله فا أنا ماقدر اوديك الا بعد اسبوعين ان شاء الله عندي شغل وماقدر اتركه هنا في الديره
-معليه ياخال متى مافضيت بنروح.
أنت تقرأ
مادريت أن اللي يحبني يبي حزني
Bí ẩn / Giật gânالأبطال سند: امه ماتت لما ولدته فرضعته خالته نوف فتعلق فيها ويحبها لكن عايشه في ديره غير ديرتهم شخصيته عنيد وطيب وعاقل ابو سند(قاسم):تزوج بأم سند وهي من برا القبيله وفي ديره غير ويحبها فلما ماتت رفض يتزوج بعدها شخصيته حنون مره ودين وبيتوتي نايف اخو...
