مادريت أن اللي يحبني يبي حزني

ابتزاز الوليد

نزلت ريماس جوالها وابتسمت بخبث
-لما عرفتي اني ابي رحتي له ركض بس معليه بربيك
طالعت جود بسند الي بان عليه الغضب وقال
-من انتِ؟!
حزن وجهه ريماس
-انا ريماس
بنبره حاده
-ومن ريماس؟
بدلع
-افا تنسى بنت عمك
-ماعندي بنت عم الا جود
بان عليها الغضب لكن ابتسمت
-هذي الي ميت عليها راحت مع اخوي و...صرخ فيها
-انطمي انتِ واخوك التيس انقلعي يلا
ابتسمت
-سند ترا صورتك معها ..وماعندي مشكله اوريها عمي قاسم وبهاج وعناد اذا تبي
مسك اعصابه
-يعني وش تبين الحين؟
-تنهي علاقتك فيها
-تخسين
ابتسمت
-مم تمام قول لعمي قاسم اني اخسى
وراحت طالعت جود بسند وبدت تضربه بلا وعي وغضب وهي تقول
-ليش انت مجنون ابوي وبهاج لو درو..تكفى سند
مسك يدها وبلطف
-بنت جود لا تنسين انا ولد عمك ماني غريب
دفته
-ولا تنسى انك مو حلال علي
راحت منه والتفتت وبغضب
-لو ماتوقف ريماس ماعندي مشكله انهي الي حصل حتى لو كان الحل بزواجي من الوليد
راحت تاركه سند بين نارين نار حقده وغضبه على ريماس والوليد ونار خوفه من فراق محبوبته مسك اعصابه ومسك يدها معه وقال
-تعالي اوريك وش بسوي فيها
ركض يدور لريماس الي اتضح انها واقفه بعيد منهم وتشوف كل شيء ابتسمت وقربت منه وبخبث وهدوء
-شفت كيف تخلت عنك من اول مشكله حبني انا لو يصير الي يصير ماراح اتركك
تنهد
-ليش تسوين كذا؟
-لأني احبك..اي اي احبك
بتقزز
-وانا اكرهك كنت ماعرفك والحين اتضحت حقيقتك جايه بعد10 سنين تهدمين علاقتنا
-اي علاقه تتكلم عنها كلها مبنيه على وعود كذابه تحسب جود تحبك؟ هههه ماعمرك كنت لها حبيب
بهدوء
-اسمعي ابعدي من حياتتنا فاهمه؟!
تلاشت ابتسامتها
-تحبني؟ او تحب جود؟
بضحك
-وش السؤال السخيف اكيد جود انتِ مين؟ بس وحده حسوده وغثيثه
طالعت بجود
-احب سند ماراح اذيه بس انتِ هين هين ياجود
وراحت وهي معصبه طالعت جود بسند
-انت مجنون؟
ببتسامه
-مجنون بحبك
بغضب
-يوه فكنا من كلامك السخيف
بحزن
-سخيف؟
بغضب ولا وعي
-اي سخيف ابعد مني
راحت تركض وهو واقف مصدوم

(الوليد وريماس)
الساعه 2 في الليل
بات خالد وعياله في بيت جابر في ملحق بسطح كانو ريماس والوليد بالصاله يتهامسون ريماس ترويه الفيد الي مع جود وهو يتغزل فيها وهي يزيد غضبها طفت جوالها وقالت بحده
-ابي اعرف وش عاجبك فيها!؟
بستغراب وابتسامه
-كل شيء
-ايه..طيب ليش كنت عنيف معها وربي الي يشوفك يقول انك عدوها
بنص ابتسامه
-ماعرف بس ابيها لي
-يوه فكنا بس
-خلاص فتحي الجوال او ارسل..قاطعته بحده
-اسمع اي صورتها لكن من كان يكون مايشوفها
-مافهمت هذي انتِ ترويني ياها
-اي بس بجوالي
-طيب وش يفرق جوالي او جوالك
-لا لا لا مستحيل ارسلها لك
-طيب ليش!
-عشان كذا واذا تكلمت اكثر ياويلك
بستسلام
-يوهه منك خلاص افتحي جوالك ابي اشوفها
فتحت جوالها وتبي تدخل على الصور ضغطت على فيدو وطلع حق سند وجود انخرشت وكانت تبي تطلع منه لكن اخذ الوليد جوالها وبداء يناظر بصدمه خلص الفيديو وطالع بريماس
-هي وش جابها مع هالعربجي؟
بتوتر
-الوليد اصبر خل افهم..قاطعها بغضب
-تفهميني وش؟ كيف اصلاً خرجتي؟ شافك؟ تكلمي!
بخوف
-لا لال..ماشافني كنت ورى..و..ورى الجدار ماشافني
-طيب..بينهم علاقه؟
كانت تبي تقول لا لكن ابتسمت وقالت
-اي
-وليش تبتسمين؟ الموضوع حلو!
بمكر
-اي شفيك؟ تقدر تجيب جود بس اسمع كلامي بحذافيره..